×
login
നിഖിലിന് കൃഷി കുട്ടിക്കളിയല്ല; നാലാം ക്ലാസുകാരന്‍ ജില്ലയിലെ മികച്ച രണ്ടാമത്തെ കുട്ടി കര്‍ഷകന്‍

കൃഷി വകുപ്പിന്റെ പച്ചക്കറി വികസന പദ്ധതിയുടെ ഭാഗമായി കൂരോപ്പട കൃഷി ഭവന്റെ നേതൃത്വത്തില്‍ സ്‌കൂള്‍ വിദ്യാര്‍ഥികള്‍ക്കായി പച്ചക്കറി തൈകള്‍ വിതരണം ചെയ്തിരുന്നു. മികച്ച രീതിയില്‍ കൃഷി ചെയ്യുന്ന വിദ്യാര്‍ഥികള്‍ക്ക് കൃഷി ഭവന്റെ നേതൃത്വത്തില്‍ പ്രോത്സാഹനവും നല്കിയിരുന്നു.

ജില്ലയിലെ രണ്ടാമത്തെ മികച്ച കുട്ടി കര്‍ഷനായി തെരഞ്ഞെടുക്കപ്പെട്ട വി. നിഖില്‍ കൃഷിയിടത്തില്‍

കോട്ടയം: നിഖിലിന് കൃഷി കുട്ടിക്കളിയല്ലെന്ന് നാടൊട്ടുക്ക് തിരിച്ചറിഞ്ഞിരിക്കുകയാണിപ്പോള്‍. കിലോക്കണക്കിന് വെണ്ടയും തക്കാളിയും പയറുമൊക്കെ സ്വന്തം കൈ കൊണ്ട് വിളയിച്ചെടുത്താണ് കൂരോപ്പട പഞ്ചായത്ത് പന്ത്രണ്ടാം വാര്‍ഡില്‍ വി. നിഖില്‍ എന്ന ഒന്‍പത് വയസുകാരന്‍ ജില്ലയിലെ രണ്ടാമത്തെ മികച്ച കുട്ടി കര്‍ഷനായി മാറിയത്. കൃഷി വകുപ്പിന്റെ 2021-22 വര്‍ഷത്തെ അവാര്‍ഡാണ് നിഖിലിന് ലഭിച്ചത്. കൂരോപ്പട ചെന്നാമറ്റം വേങ്ങാനത്ത് വേണുഗോപാലിന്റെയും അനു മോളുടെയും മകനാണ് നിഖില്‍.  

കൃഷി വകുപ്പിന്റെ പച്ചക്കറി വികസന പദ്ധതിയുടെ ഭാഗമായി കൂരോപ്പട കൃഷി ഭവന്റെ നേതൃത്വത്തില്‍ സ്‌കൂള്‍ വിദ്യാര്‍ഥികള്‍ക്കായി പച്ചക്കറി തൈകള്‍ വിതരണം ചെയ്തിരുന്നു. മികച്ച രീതിയില്‍ കൃഷി ചെയ്യുന്ന വിദ്യാര്‍ഥികള്‍ക്ക് കൃഷി ഭവന്റെ നേതൃത്വത്തില്‍ പ്രോത്സാഹനവും നല്കിയിരുന്നു. കര്‍ഷകനായ അച്ഛനോടൊപ്പമാണ് കൊറോണക്കാലത്ത് കൂടുതല്‍ നേരം കൃഷിയിലൂടെ പലതരം പച്ചക്കറികള്‍ വിളയിച്ചെടുത്തത്. 


കൃഷി വകുപ്പില്‍ നിന്നും ലഭിച്ച തൈകള്‍ക്ക് പുറമെ സ്വന്തമായി ട്രേയില്‍ വിത്ത് മുളപ്പിച്ചെടുത്തും കൃഷി വിപുലീകരിച്ചു.  ഇതിനു പുറമെ ചെറിയ രീതിയില്‍ ചോളവും കൃഷി ചെയ്തു. ഇരുന്നൂറോളം ചുവട് ചോളമാണ് കൃഷി ചെയ്തത്. ചോളവും മറ്റ് പച്ചക്കറികളും അച്ഛന്റെ തന്നെ നേതൃത്വത്തില്‍ നടത്തുന്ന ഇക്കോ ഷോപ്പ് വഴിയാണ് വിറ്റഴിച്ചത്.  

ഇക്കഴിഞ്ഞ ഓണക്കാലത്ത് പൂക്കളമൊരുക്കാനുള്ള ബന്ദിപ്പൂക്കള്‍ കൃഷി ചെയ്ത് വേണുഗോപാലും ശ്രദ്ധ നേടിയിരുന്നു. നഴ്സിംഗ് ജോലി വേണ്ടെന്ന് വച്ചാണ് ഭാര്യയുടെ ഏഴ് ഏക്കറോളം സ്ഥലത്ത് കര്‍ണാടക സ്വദേശിയായ വേണുഗോപാല്‍ കഴിഞ്ഞ പത്ത് വര്‍ഷത്തോളമായി കൃഷി ചെയ്യുന്നത്. കൃഷി വകുപ്പിന്റെ നിരവധി പുരസ്‌കാരങ്ങള്‍ ഈ കുടുംബത്തെ തേടിയെത്തിയിട്ടുണ്ട്. കോത്തല എന്‍എസ്എസ് സ്‌കൂളില്‍ നാലാം ക്ലാസ് വിദ്യാര്‍ഥിയാണ് നിഖില്‍. നിഹാല്‍ സഹോദരനാണ്. 

    comment

    LATEST NEWS


    ഫുട്‌ബോളര്‍ ഷോപ്പിങ്; ജനിച്ച രാജ്യത്തിനെതിരെ കളിച്ചവര്‍ നിരവധി


    പറങ്കിപ്പടയ്ക്ക് സ്വിസ് വെല്ലുവിളി; കിരീടം സ്വപ്‌നം കണ്ട് പോര്‍ച്ചുഗള്‍


    സ്പാനിഷ് വലയറുക്കാന്‍ ആഫ്രിക്കന്‍ കരുത്തുമായി മൊറോക്കോ; പ്രീ ക്വാര്‍ട്ടര്‍ നാളെ


    വനിതാ ട്വന്റി20 ലോകകപ്പ്: ഇന്ത്യയുടെ അണ്ടര്‍ 19 ടീമിനെ ഷെഫാലി നയിക്കും


    വിഴിഞ്ഞം ചര്‍ച്ച അലസി; ചൊവ്വാഴ്ച പരിഹാരമായേക്കും; നിര്‍മ്മാണത്തിന് തടസ്സം നില്‍ക്കില്ലെന്ന് സൂചന; തീരശോഷണം പഠിക്കാന്‍ സമരപ്രതിനിധി വേണ്ട


    ചലച്ചിത്ര നിര്‍മ്മാതാവ് ജെയ്സണ്‍ എളംകുളം ഫ്ലാറ്റില്‍ മരിച്ച നിലയില്‍; ശൃംഗാരവേലൻ, ജമ്നാപ്യാരി ചിത്രങ്ങളുടെ നിര്‍മ്മാതാവ്

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.