×
login
ചെട്ടികുളങ്ങര‍ കുംഭഭരണി മഹോത്സവം ഇന്ന്, വൈകിട്ട് നാലു മുതല്‍ കെട്ടുകാഴ്ചകള്‍ ക്ഷേത്രത്തിലേക്ക് എത്തിച്ചേരും

വൈകിട്ട് നാലു മുതല്‍ കെട്ടുകാഴ്ചകള്‍ ക്ഷേത്രത്തിലേക്ക് എത്തിച്ചേരും. ഈരേഴ തെക്ക്, ഈരേഴ വടക്ക്, കൈത തെക്ക്, കൈത വടക്ക്, കണ്ണമംഗലം തെക്ക്, കണ്ണമംഗലം വടക്ക്, പേള, കടവൂര്‍, ആഞ്ഞിലിപ്രാ, മറ്റം വടക്ക്, മറ്റം തെക്ക്, മേനാമ്പള്ളി, നടയ്ക്കാവ് എന്നീ ക്രമത്തിലാണ് കെട്ടുകാഴ്ചകള്‍ കാഴ്ചക്കണ്ടത്തിലേക്ക് ഇറങ്ങുക.

kumbha bharani

മാവേലിക്കര: നാടിന്റെ മഹോത്സവവമായ ചെട്ടികുളങ്ങര കുംഭഭരണി ഇന്ന്. പുലര്‍ച്ചെ അഞ്ചു മുതല്‍ വഴിപാടുകാരുടെ വീടുകളില്‍ നടന്ന കുത്തിയോട്ടങ്ങള്‍ ഘോഷയാത്രയായി ക്ഷേത്രത്തിലേക്കെത്തി തുടങ്ങി. 11 മണിയോടെ കുത്തിയോട്ടങ്ങള്‍ പൂര്‍ണമായി ക്ഷേത്രത്തില്‍ എത്തുച്ചേരുമെന്നാണ് പ്രതീക്ഷ. ഇത്തവണ എട്ടു കുത്തിയോട്ടങ്ങളാണുള്ളത്. പോലീസ്, റവന്യു, അഗ്‌നിശമനസേന, ആരോഗ്യ വിഭാഗങ്ങളുടെ നേതൃത്വത്തില്‍ എല്ലാ ക്രമീകരണങ്ങളും പൂര്‍ത്തിയായി.

കായംകുളം, ചെങ്ങന്നൂര്‍ ഡിവൈഎസ്പിമാരുടെ നേതൃത്വത്തിലാണ് സുരക്ഷാ ക്രമീകരണം. വൈകിട്ട് നാലു മുതല്‍ കെട്ടുകാഴ്ചകള്‍ ക്ഷേത്രത്തിലേക്ക് എത്തിച്ചേരും. ഈരേഴ തെക്ക്, ഈരേഴ വടക്ക്, കൈത തെക്ക്, കൈത വടക്ക്, കണ്ണമംഗലം തെക്ക്, കണ്ണമംഗലം വടക്ക്, പേള, കടവൂര്‍, ആഞ്ഞിലിപ്രാ, മറ്റം വടക്ക്, മറ്റം തെക്ക്, മേനാമ്പള്ളി, നടയ്ക്കാവ് എന്നീ ക്രമത്തിലാണ് കെട്ടുകാഴ്ചകള്‍ കാഴ്ചക്കണ്ടത്തിലേക്ക് ഇറങ്ങുക. രാത്രി ഏഴു മണിയോടെ കെട്ടുകാഴ്ചകള്‍ പൂര്‍ണമായും കാഴ്ചക്കണ്ടത്തില്‍ ഇറങ്ങുമെന്നാണ് പ്രതീക്ഷ. ഇതിന് അനുസൃതമായ നിര്‍ദേശങ്ങള്‍ കരകള്‍ക്ക് നല്‍കിയിട്ടുണ്ട്.


രാത്രിയുടെ രണ്ടാം യാമത്തില്‍ ഭഗവതി തണ്ടില്‍ എഴുന്നള്ളി തെക്കേ മുറ്റത്തെ വേലകളി ദര്‍ശിക്കും. തുടര്‍ന്ന് വടക്ക് വശത്ത് ക്ഷേത്രക്കുളത്തില്‍ എത്തി പീഠത്തില്‍ ഇരുന്ന് കുളത്തില്‍ വേല കാണും. തുടര്‍ന്ന് കെട്ടുകാഴ്ചകളുടെ മുന്നിലെത്തും. കെട്ടുകാഴ്ചകള്‍ക്ക് മുന്നില്‍ ലക്ഷ്മീതാളത്തില്‍ ചുവടു വച്ച് അനുഗ്രഹം നല്‍കിയ ശേഷം ശ്രീകോവിലിലേക്ക് തിരികെ എഴുന്നള്ളുന്നതോടെ കുംഭഭരണി ചടങ്ങ് പൂര്‍ത്തിയാകും.

 

    comment

    LATEST NEWS


    ഉമ്മന്‍ ചാണ്ടിയുടെ കാലത്ത് വിഴിഞ്ഞം പദ്ധതി എത്രയും വേഗം നടപ്പാക്കണമെന്ന് പറഞ്ഞ് സമരം ചെയ്തവരാണ് ലത്തീന്‍ രൂപത: തോമസ് ഐസക്ക്


    പഴയ ഒരു രൂപ, 50 പൈസ നാണയങ്ങള്‍ ഇനി വരില്ല; നിര്‍മ്മാണം അവസാനിപ്പിച്ച് റിസര്‍വ്വ് ബാങ്ക്


    കേന്ദ്രധനമന്ത്രി നിര്‍മ്മല സീതാരാമന്റെ അധ്യക്ഷതയില്‍ ചേര്‍ന്ന 2023-24ലെ പ്രീബജറ്റ് യോഗങ്ങള്‍ സമാപിച്ചു; എട്ട് യോഗങ്ങളിലായി പങ്കെടുത്തത് 110ലധികം പേര്‍


    ഒരു ഓവറില്‍ 43 റണ്‍സെടുത്ത് റുതുരാജ് ഗെയ്ക് വാദിന്‍റെ തകര്‍പ്പന്‍ ബാറ്റിംഗ് വെടിക്കെട്ട്; പുതിയ റെക്കോഡ് (വീഡിയോ);


    ഏകീകൃത സിവില്‍ നിയമം മതങ്ങളെ തകര്‍ക്കാനല്ല; നടക്കുന്നത് വ്യാജപ്രചാരണമെന്ന് ബിജെപി നേതാവ് പി.ആര്‍. ശിവശങ്കര്‍


    കുച്ചിപ്പുഡിയുമായി ഋഷി സുനകിന്‍റെ മകള്‍ ; ഭഗവദ് ഗീത തൊട്ട് സത്യപ്രതിജ്ഞയെടുത്ത ഋഷി സുനക് മകളില്‍ പകര്‍ന്നത് ഭാരതീയ പാരമ്പര്യം

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.