അമ്പലപ്പുഴ: വണ്ടാനം മെഡിക്കല് കോളജ് ആശുപത്രിയിലെ കാത്ത് ലാബ് പ്രവര്ത്തനസജ്ജമാകുന്നു. ഒന്നര മാസമായി മുടങ്ങിക്കിടക്കുന്ന ഹൃദയശസ്ത്രക്രിയകള് വെള്ളിയാഴ്ച പുനരാരംഭിക്കും.
നൂറിലേറെ രോഗികളാണ് ആന്ജിയോഗ്രാം കഴിഞ്ഞ് ആന്ജിയോപ്ലാസ്റ്റിക്കായി കാത്തിരിക്കുന്നത്. ലാബിലേക്കുള്ള യുപിഎസിന്റെ ബാറ്ററി ബെംഗളൂരുവില് നിന്നാണ് എത്തിക്കുന്നത്. ഇതു വെള്ളിയാഴ്ചതന്നെ സ്ഥാപിക്കാനാകുമെന്നു കരുതുന്നു.
കൊവിഡ് മൂന്നാം തരംഗം മുന്നില്ക്കണ്ട് കുട്ടികള്ക്കു വേണ്ടി രണ്ടാഴ്ചയ്ക്കുള്ളില് പ്രത്യേക വാര്ഡ് ഒരുങ്ങും. വാര്ഡ് ഒന്നിനോടു ചേര്ന്നാണ് പ്രത്യേകം വിഭാഗം ക്രമീകരിക്കാന് നിശ്ചയിച്ചിട്ടുള്ളത്. തീവ്രപരിചരണ വിഭാഗത്തില് 12 കിടക്കകളും അല്ലാതെ 24 കിടക്കകളുമാണ് ഒരുക്കുകയെന്ന് പീഡിയാട്രിക്സ് വിഭാഗത്തിലെ ഡോ. ഒ.ജോസ് പറഞ്ഞു. എന്നാല്, പ്രത്യേക വാര്ഡ് ക്രമീകരിക്കാന് സര്ക്കാര് നിര്ദേശിച്ചു 10 ദിവസം കഴിഞ്ഞിട്ടും ഇതുവരെ തയാറാകാത്തതില് രോഗികള് പരാതിപ്പെടുന്നുണ്ട്.
പ്രതികരിക്കാൻ ഇവിടെ എഴുതുക: