×
login
സഹകരണ നിയമ ഭേദഗതി: സമവായം അനിവാര്യം

കേന്ദ്ര സഹകരണ മന്ത്രാലയവുമായും ഭാരതത്തിലെ സഹകരണ രംഗത്തെ നിറസാന്നിധ്യവുമായ 'സഹകാര്‍ ഭാരതിയുമായും' സഹകരിച്ചുകൊണ്ടുള്ള ഒരു പുതിയ തുടക്കം കേരളത്തില്‍ ഉണ്ടാവേണ്ടിയിരിക്കുന്നു. ഭാരതത്തിലെ 571 ജില്ലകളിലധികം പ്രവര്‍ത്തനമുള്ളതും നിരവധി സഹകരണ അപെക്‌സ് ഫെഡറേഷനുകളുടെ തലപ്പത്തിരിക്കുന്നതുമായ സംഘടനയാണ് സഹകാര്‍ ഭാരതി. സഹകരണ തത്വത്തിലധിഷ്ഠിതമായ ഒരു കൂട്ടായ പ്രവര്‍ത്തനത്തില്‍ മാത്രമെ സഹകരണ രംഗത്തെ ശക്തമാക്കാന്‍ കഴിയൂ. അതിന് തുടക്കം കുറുക്കുന്നതായിരിക്കണം ഈ മേഖലയിലെ സമഗ്ര പരിഷ്‌കരണം.

യു. കൈലാസമണി

(സഹകാര്‍ഭാരതി ദേശീയ സഹസമ്പര്‍ക്ക് പ്രമുഖാണ് ലേഖകന്‍)

സഹകരണ നിയമത്തില്‍ സമഗ്രമായ അഴിച്ചുപണിക്ക് തയ്യാറെടുക്കുന്നതിനു മുമ്പ് സംസ്ഥാന സര്‍ക്കാര്‍ സമവായമുണ്ടാക്കേണ്ടത് അനിവാര്യമാണ്. സഹകരണ നിയമത്തിലെ നിയമജ്ഞര്‍, പ്രമുഖ സഹകാരികള്‍, സഹകാര്‍ ഭാരതി തുടങ്ങിയവരുമായി ചര്‍ച്ച നടത്തുവാന്‍ തയാറാകണം.

സംസ്ഥാനത്ത് കരുവന്നൂര്‍ സഹകരണ ബാങ്ക് തട്ടിപ്പുപോലെയുള്ള സംഭവങ്ങള്‍ ആവര്‍ത്തിക്കാതിരിക്കാനും നിക്ഷേപകര്‍ക്ക് ഭയരഹിതമായി സഹകരണ സംഘങ്ങളെ ആശ്രയിക്കാനുമുള്ള സാഹചര്യം ഒരുക്കുന്നതായിരിക്കണം പുതിയ നിയമം.

സഹകരണ സംഘങ്ങളിലൂടെ നിക്ഷേപം സമാഹരിക്കുന്നതില്‍ കേരളം അനുകരണീയമായ മാതൃകയാണ് കാണിക്കുന്നത്. ലക്ഷക്കണക്കിന് സാധാരണക്കാര്‍ ചെറുതുമുതല്‍ വലിയ തുകവരെ വന്‍ നിക്ഷേപമാണ് നടത്തുന്നത്. അത്രത്തോളം സഹകരണ മേഖലയുമായി ഇഴുകിചേര്‍ന്ന മനസാണ് മലയാളികള്‍ക്കുള്ളത്. രണ്ടരലക്ഷം കോടിയോളം നിക്ഷേപമായി സമാഹരിച്ച കേരള മോഡല്‍ ഒരിക്കലും കളങ്കിതമാക്കരുത്. അതിനുവേണ്ട എല്ലാ കരുതലും ചെയ്യേണ്ടത് സംസ്ഥാന സര്‍ക്കാരിന്റെയും സഹകരണ വകുപ്പിന്റെയും ചുമതലയാണ്. നിക്ഷേപം തിരിച്ചെടുക്കാന്‍ കഴിയാതെ മരണത്തിനു കീഴടങ്ങുന്ന ഒരു നിക്ഷേപകനും ഇനി കേരളത്തില്‍ ഉണ്ടായിക്കൂടാ. ഇതെന്തുകൊണ്ട് ഉണ്ടായി എന്നതും അന്വേഷിക്കേണ്ടതുണ്ട്. നൂറുകൊല്ലത്തിലധികമായി നാം സഹകരണ രംഗത്ത് സൃഷ്ടിച്ചെടുത്ത നേട്ടം പരിരക്ഷിക്കപ്പെടേണ്ടതുണ്ട്. തെറ്റുചെയ്തവരെ, സഹകരണ മുതല്‍ തട്ടിയെടുത്തവരെ ഒരിക്കലും വെറുതെ വിടരുത്. കരുവന്നൂര്‍ ബാങ്ക് തട്ടിപ്പുമായി ഉയര്‍ന്നുവന്ന ആക്ഷേപങ്ങള്‍ കേരളത്തിലെ ഉത്തരവാദപ്പെട്ട ഒരു രാഷ്ട്രീയകക്ഷി എന്ന നിലയ്ക്കും ഏറ്റവും കൂടുതല്‍ സഹകരണ സംഘങ്ങള്‍ നയിക്കുന്നവരുടെ പ്രാതിനിധ്യമുള്ള രാഷ്ട്രീയകക്ഷി എന്ന നിലയ്ക്കും കേരളത്തിലെ ഭരണകക്ഷി എന്ന നിലയ്ക്കും സിപിഎമ്മിന് കൂടുതല്‍ ഉത്തരവാദിത്വമുണ്ട്. തട്ടിപ്പിന് കൂട്ടുനില്‍ക്കുന്നവരെ സഹായിക്കുമ്പോള്‍ ഒരു പ്രസ്ഥാനമാണിവിടെ തകരുന്നത്. ആയിരക്കണക്കിന് ജീവനക്കാരും അവരുടെ കുടുംബാംഗങ്ങളുമാണ് ഇല്ലാതാകുന്നത്.


കേന്ദ്രസര്‍ക്കാര്‍ സഹകരണത്തിനായി ഒരു പ്രത്യേക മന്ത്രാലയംതന്നെ ആരംഭിച്ച് സഹകരണമേഖലയുടെ സമഗ്ര വികസനത്തിന് തുടക്കം കുറിച്ചിട്ടുണ്ട്. പ്രമുഖ സഹകാരിയും ഗുജറാത്തിലെ സഹകരണ സ്ഥാപനങ്ങളുടെ വളര്‍ച്ചക്ക് വലിയ പങ്കുവഹിക്കുകയും ചെയ്ത അമിത്ഷാ തന്നെയാണ് സഹകരണവകുപ്പ് കൈകാര്യം ചെയ്യുന്നതെന്നതും എടുത്തുപറയേണ്ടതുണ്ട്. ഈ രംഗത്ത് വരാന്‍ പോകുന്ന സമഗ്രമാറ്റത്തെയാണ് ഇതു സൂചിപ്പിക്കുന്നത്.

പിഎസിഎസുകള്‍ (നമ്മുടെ നാട്ടിലെ സര്‍വീസ് സഹകരണ സംഘങ്ങള്‍) വിപുലീകരിക്കുന്നതിനായി പ്രത്യേക പാക്കേജും 10,000 എഫ്പിഒകള്‍ ആരംഭിക്കുന്നതില്‍ നല്ലൊരു പങ്ക് സഹകരണമേഖലക്ക് നല്‍കിയും ബാങ്കിംഗ് രംഗത്ത് അര്‍ബന്‍ സഹകരണസംഘങ്ങളുടെ ആധുനികവല്‍ക്കരണവും മറ്റും ആവിഷ്‌കരിച്ച് കേന്ദ്രം ഒരു മാറ്റത്തിന് തുടക്കമിട്ടു കഴിഞ്ഞു. കേന്ദ്രം ലക്ഷ്യമാക്കുന്ന 'അഞ്ച് ട്രില്യണ്‍ ഇക്കണോമി' എന്ന സാമ്പത്തികലക്ഷ്യത്തിന് സഹകരണസംഘങ്ങളുടെ പിന്തുണയും പങ്കാളിത്തവും പ്രതീക്ഷിച്ചുകൊണ്ടുള്ള നിലപാടാണ് കേന്ദ്ര സഹകരണ മന്ത്രാലയം എടുത്തുവരുന്നത്.

ഈ സാഹചര്യത്തില്‍ കേന്ദ്ര സഹകരണ മന്ത്രാലയവുമായും ഭാരതത്തിലെ സഹകരണ രംഗത്തെ നിറസാന്നിധ്യവുമായ 'സഹകാര്‍ ഭാരതിയുമായും' സഹകരിച്ചുകൊണ്ടുള്ള ഒരു പുതിയ തുടക്കം കേരളത്തില്‍ ഉണ്ടാവേണ്ടിയിരിക്കുന്നു. ഭാരതത്തിലെ 571 ജില്ലകളിലധികം പ്രവര്‍ത്തനമുള്ളതും നിരവധി സഹകരണ അപെക്‌സ് ഫെഡറേഷനുകളുടെ തലപ്പത്തിരിക്കുന്നതുമായ സംഘടനയാണ് സഹകാര്‍ ഭാരതി.

സഹകരണ തത്വത്തിലധിഷ്ഠിതമായ ഒരു കൂട്ടായ പ്രവര്‍ത്തനത്തില്‍ മാത്രമെ സഹകരണ രംഗത്തെ ശക്തമാക്കാന്‍ കഴിയൂ. അതിന് തുടക്കം കുറുക്കുന്നതായിരിക്കണം ഈ മേഖലയിലെ സമഗ്ര പരിഷ്‌കരണം.

    comment

    LATEST NEWS


    എല്ലാ കേസും ദല്‍ഹിക്ക് മാറ്റും; ഒറ്റ എഫ്‌ഐആര്‍ മാത്രം; അറസ്റ്റ് പാടില്ല; സംരക്ഷണം ഉറപ്പാക്കണം; നൂപുര്‍ ശര്‍മയുടെ ആവശ്യങ്ങള്‍ അംഗീകരിച്ച് സുപ്രീംകോടതി


    ഇത് സൈനികര്‍ക്ക് നാണക്കേട്; ജവാന്‍ റമ്മിന്റെ പേര് മാറ്റണമെന്ന് പരാതിയുമായി സ്വകാര്യ വ്യക്തി


    ലൈസന്‍സില്ലാതെ കപില്‍ സിബലിന്‍റെ നാവ്; മോദിയെ കുറ്റവിമുക്തനാക്കിയ വിധിയെ വിമര്‍ശിച്ചു; കോടതിയലക്ഷ്യ നടപടിക്ക് അനുവാദം ചോദിച്ച് അഭിഭാഷകര്‍


    ഒരു ദിവസം രണ്ട് അപൂര്‍വ്വകണ്ടെത്തലുകള്‍ : പൊന്‍മുണ്ടത്ത് ടിപ്പുവിന്റെ കോട്ട കൊത്തളങ്ങള്‍; ചേലേമ്പ്രയില്‍ ആയുധശേഷിപ്പ്


    ജസ്റ്റിസ് യു യു ലളിത് സുപ്രീം കോടതിയുടെ പുതിയ ചീഫ് ജസ്റ്റിസ്; 27ന് ചുമതലയേല്‍ക്കും; നിയമനം പ്രഖ്യാപിച്ച് രാഷ്ട്രപതി


    പ്രധാനമന്ത്രി പറഞ്ഞു, നിങ്ങള്‍ രാജ്യത്തിന്റെ അഭിമാനം; നല്‍കി ഒരു കോടി; കേരളം പറഞ്ഞു പറ്റിച്ചു; പ്രഖ്യാപിച്ച അഞ്ചു ലക്ഷം കിട്ടിയില്ലെന്ന് പ്രണോയ്

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.