×
login
വൃക്കരോഗ ചികിത്സയിലെ സ്ത്രീ മുദ്ര

വൈദ്യശാസ്ത്ര രംഗത്ത് മികച്ച സംഭാവനകള്‍ നല്‍കിയ ഒരു വനിതയെ പരിചയപ്പെടാം

കൃഷ്ണന്‍ നമ്പൂതിരി

വൃക്കരോഗചികിത്സാ രംഗത്ത് പ്രഗത്ഭരായ എഴുപത്തഞ്ചുപേരെ നയിക്കുകയാണ് കോഴിക്കോട് ഗവണ്‍മെന്റ് മെഡിക്കല്‍ കോളജിലെ ഡോ. എം. ശ്രീലത. ഹീമോഡയാലിസിസില്‍ രണ്ട് പതിറ്റാണ്ടിലേറെ അനുഭവം. പെരിറ്റോണിയല്‍ ഡയാലിസിസില്‍ ആഴമേറിയ പ്രവര്‍ത്തിപരിചയം. ഓട്ടോമേറ്റഡ് പെരിറ്റോണിയല്‍ ഡയാലിസിസിന്റെ ഭാഗമായി 150 രോഗികള്‍ക്ക് തുടര്‍ച്ചയായി ആംബുലേറ്ററി പെരിറ്റോണിയല്‍ ഡയാലിസിസ് നടത്തുന്നതിന്റെ ശ്രേഷ്ഠത..  

എല്ലാത്തരം കിഡ്‌നി മാറ്റിവയ്ക്കല്‍ ശസ്ത്രക്രിയയിലും വിദഗ്ധ. മരിച്ച ദാതാവിന്റെ വൃക്ക മാറ്റിവയ്ക്കല്‍, പൊരുത്തപ്പെടാത്ത വൃക്ക മാറ്റിവയ്ക്കല്‍, പീഡിയാട്രിക് കിഡ്നി ട്രാന്‍സ്പ്ലാന്റേഷന്‍.... ഡോ. ശ്രീലത വൃക്കരോഗികള്‍ക്ക് ആശ്രയവും ആശ്വാസവുമാകുന്നത് എല്ലാ മേഖലയിലും പ്രാഗത്ഭ്യം തെളിയിച്ചുകൊണ്ടാണ്.  

2009 മുതല്‍ കോഴിക്കോട് മെഡിക്കല്‍ കോളേജിലെ നെഫ്രോളജി വിഭാഗത്തെ നയിക്കുന്നത് ശ്രീലതയാണ്. ജനറല്‍ നെഫ്രോളജി കെയറിലും ഡോക്ടറുടെ സേവനം ലഭ്യമാണ്. ആഴ്ചയില്‍ ശരാശരി 350 നെഫ്രോളജി ഒപിഡിയും ഒരു വൃക്ക മാറ്റിവയ്ക്കല്‍ ശസ്ത്രക്രിയയും നടത്തും. ലോക്കല്‍ അനസ്തേഷ്യയില്‍ പെര്‍ക്യുട്ടേനിയസ് വൃക്കസംബന്ധമായ ബയോപ്സിയും ചെയ്യും.


അവയവദാനത്തിന്റെ പ്രചാരണത്തിലും ഈ ഡോക്ടര്‍  മുന്നിലാണ്. 2012 മുതല്‍ കേരള നെറ്റ്‌വര്‍ക്ക് ഓഫ് ഓര്‍ഗന്‍ ഷെയറിങിന്റെ നോര്‍ത്ത് സോണ്‍ നോഡല്‍ ഓഫീസറാണ്. 2018 മുതല്‍ 2021 വരെ ബോര്‍ഡ് ഓഫ് സ്റ്റഡീസ്- സൂപ്പര്‍ സ്‌പെഷ്യാലിറ്റി മെഡിക്കല്‍ പിജി - കേരള - യൂണിവേഴ്‌സിറ്റി ഓഫ് ഹെല്‍ത്ത് സയന്‍സസിലെ അംഗവും 2018 മുതല്‍ 2019 വരെ നെഫ്രോളജി അസോസിയേഷന്‍ ഓഫ് കേരള പ്രസിഡന്റും ആയി.  

നാഷണല്‍ ബോര്‍ഡ് ഓഫ് എക്‌സാമിനേഷന്‍സ് ഇന്ത്യയുടെ നെഫ്രോളജി സൂപ്പര്‍ സ്പെഷ്യാലിറ്റി ബിരുദാനന്തര ബിരുദ പരീക്ഷയുടെ കേരളം, തമിഴ്‌നാട്, ആന്ധ്രാപ്രദേശ്, കര്‍ണാടക എന്നീ സംസ്ഥാനങ്ങളുടെ എക്‌സാമിനര്‍ ആയിരുന്നു. ഡിഎന്‍ബി നെഫ്രോളജി കോഴ്സിന്റെയും മെഡിക്കല്‍ കൗണ്‍സില്‍ ഓഫ് ഇന്ത്യയുടെയും ഇന്‍സ്പെക്ഷന്‍ ടീം അംഗമായിരുന്നു. ഡോ. എം. ശ്രീലതയുടെ കഠിനാധ്വാനത്തിനും പ്രവര്‍ത്തന മികവിനും അംഗീകാരമായി നിരവധി പുരസ്‌കാരങ്ങള്‍ അവരെ തേടിയെത്തി. 2003 ലെ നെഫ്രോളജിയിലെ മികച്ച യുവ ഗവേഷകയ്ക്കുള്ള ടാങ്കര്‍ അവാര്‍ഡ്, 2014ലെ മികച്ച നെഫ്രോളജി അധ്യാപക അവാര്‍ഡ്, 1998, 2001, 2002 എന്നീ വര്‍ഷങ്ങളില്‍ നാഷണല്‍ കോണ്‍ഫറന്‍സിലെ മികച്ച പ്രബന്ധത്തിനുള്ള അവാര്‍ഡ്, 2015 ലെ ഇന്ത്യന്‍ സൊസൈറ്റി ഓഫ് നെഫ്രോളജി ഫെല്ലോഷിപ്പ്, അമേരിക്കന്‍ സൊസൈറ്റി ഓഫ് നെഫ്രോളജി ഫെല്ലോഷിപ്പ്, റോയല്‍ കോളേജ് ഓഫ് ഫിസിഷ്യന്‍സ് ഫെല്ലോഷിപ്പ് എന്നിവ അവയില്‍ ചിലതാണ്.

വൃക്കരോഗ നിവാരണത്തിന്റെ പ്രാധാന്യം മനസ്സിലാക്കാന്‍ രോഗികളെയും മറ്റ് നിരവധി ആളുകളെയും സഹായിക്കുന്നതിന് ഡോ. ശ്രീലത തന്റെ അറിവ് ആരോഗ്യകാര്യ പ്രസിദ്ധീകരണങ്ങളില്‍ പങ്കുവെക്കാറുമുണ്ട്.

    comment

    LATEST NEWS


    ഏക ഭാരതം ശ്രേഷ്ഠ ഭാരതം: കേരള സന്ദര്‍ശനത്തിനായി ഹിമാചലില്‍ നിന്നുള്ള വിദ്യാര്‍ത്ഥി സംഘം നാളെ കൊച്ചിയില്‍ എത്തും


    ആദ്യമൂന്നുദിനം എത്തിയത് 56,960 അപേക്ഷകള്‍; 'അഗ്നിവീര്‍ വായു' സൈനികരാകാന്‍ മുന്നോട്ടുവന്ന് യുവാക്കള്‍; വിവരങ്ങള്‍ പുറത്തുവിട്ട് വ്യോമസേന


    'ചൊവ്വല്ലൂരിന്റെ വിയോഗം ഭക്തരെയും കലാ ആസ്വാദകരെയും ഒരുപോലെ ദുഖത്തിലാഴ്ത്തി'; അനുശോചനം അറിയിച്ച് കെ.സുരേന്ദ്രന്‍


    ആവിക്കൽ തോട് മലിനജല സംസ്‌കരണ പ്ലാന്റ്: റോഡ് ഉപരോധിച്ച് നാട്ടുകാർ, പോലീസുമായുള്ള സംഘർഷത്തിൽ ഒരാൾക്ക് പരിക്ക്


    1034 കോടിയുടെ ഭൂമി കുംഭകോണം; സജ്ഞയ് റാവത്തിന് ഇഡി നോട്ടീസ്; നാളെ ചോദ്യംചെയ്യലിന് ഹാജരാകണം


    ചരിത്രത്തില്‍ ഇതുവരെയില്ലാത്ത നിയന്ത്രണം അപലപനീയം; നിയമസഭയിലെ മാധ്യമ വിലക്ക് ജനാധിപത്യ വിരുദ്ധമെന്ന് കെ.യൂ.ഡബ്ല്യൂ.ജെ

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.