×
login
വാരഫലം

മെയ് 29 മുതല്‍ ജൂണ്‍ 4 വരെ

പി.കെ. സദാശിവന്‍പിള്ള

 

മേടക്കൂറ്: അശ്വതി, ഭരണി, കാര്‍ത്തിക (1/4)

ഉന്നതരായ ഉദ്യോഗസ്ഥരില്‍നിന്നും സഹായങ്ങളുണ്ടാകും. സര്‍ക്കാര്‍ കരാറുകള്‍ ഏറ്റെടുക്കും. ബിസിനസ് അഭിവൃദ്ധിപ്പെടും. ബാങ്കിലോ ധനകാര്യ സ്ഥാപനത്തിലോ ജോലി ലഭിക്കും. വ്യാപാരം വികസിപ്പിക്കാന്‍ ശ്രമിക്കും. ഭൂമി വാങ്ങിക്കും.

ഇടവക്കൂറ്: കാര്‍ത്തിക (3/4), രോഹിണി, മകയിരം (1/2)

വിദേശയാത്രയ്ക്കുദ്ദേശിക്കുന്നവര്‍ക്ക് ആഗ്രഹം സാധിക്കും. എല്ലാ രംഗങ്ങളിലും പൗരുഷം പ്രദര്‍ശിപ്പിക്കും. നഷ്ടപ്പെട്ടെന്ന് കരുതിയ സാധനങ്ങള്‍ തിരിച്ചുകിട്ടും. പിതാവിന് ചില അസുഖം ബാധിച്ചേക്കാം. ചില എഗ്രിമെന്റുകളില്‍ ഒപ്പുവയ്ക്കും.

മിഥുനക്കൂറ്: മകയിരം (1/2), തിരുവാതിര, പുണര്‍തം  (3/4)

സഹോദരങ്ങളുടെ വിവാഹക്കാര്യത്തില്‍ തീരുമാനമാകും. പുതിയ ജോലിയില്‍ പ്രവേശിക്കാനവസരമുണ്ടാകും. ഊഹക്കച്ചവടത്തില്‍ നല്ല അറ്റാദായം പ്രതീക്ഷിക്കാം. സന്താന ജന്മംകൊണ്ട് വീട് അനുഗ്രഹീതമാകും. ഉദ്യോഗത്തില്‍ പ്രമോഷന്‍ ലഭിക്കും.

കര്‍ക്കടകക്കൂറ്: പുണര്‍തം (1/4), പൂയം, ആയില്യം

സര്‍ക്കാരില്‍നിന്നും ഉന്നതരായ വ്യക്തികളില്‍നിന്നും പലവിധ സഹായങ്ങളും പ്രതീക്ഷിക്കാം. കുടുംബത്തില്‍ ശ്രേയസ്സ് വര്‍ധിക്കും. ഒന്നിലധികം കേന്ദ്രത്തില്‍നിന്ന് വരുമാനമുണ്ടാകും. വിദ്യാഭ്യാസ രംഗത്ത് വളരെ നേട്ടങ്ങള്‍ പ്രതീക്ഷിക്കാം.

ചിങ്ങക്കൂറ്: മകം, പൂരം, ഉത്രം(1/4)

കര്‍മസ്ഥാനത്ത് അസ്വസ്ഥത അനുഭവപ്പെടും. അതിഥി സല്‍ക്കാരത്തിന് പണവും സമയവും ചെലവഴിക്കും. ധനാഗമ മാര്‍ഗങ്ങള്‍ തടസ്സപ്പെടും. മനോഗതിക്കനുസരിച്ച് കാര്യം വിജയിക്കും. വിലപ്പെട്ട രേഖകള്‍ വന്നുചേരും. സന്താനങ്ങള്‍ക്ക് ആരോഗ്യനില തൃപ്തികരമായിരിക്കില്ല.

കന്നിക്കൂറ്: ഉത്രം (3/4), അത്തം, ചിത്തിര  (1/2)


മാന്യന്മാരില്‍നിന്ന് വഞ്ചിക്കപ്പെടും. സഹോദരന്മാര്‍ക്കുവേണ്ടി പണം ചെലവഴിക്കും. വ്യവഹാരാദികളില്‍ വിജയം കണ്ടെത്തും. വീട്ടില്‍ മംഗളകാര്യങ്ങള്‍ നടന്നേക്കും.  

തുലാക്കൂറ്: ചിത്തിര  (1/2), ചോതി, വിശാഖം  (3/4)

ബന്ധുജനങ്ങളില്‍നിന്ന് പ്രതികൂല സാഹചര്യമുണ്ടാകും. ഋണബാധ്യതകളില്‍നിന്ന് മുക്തരാവാന്‍ പ്രയാസപ്പെടും. കടം വാങ്ങി ബിസിനസുകള്‍ തുടങ്ങുവാന്‍ തയ്യാറാകും.  

വൃശ്ചികക്കൂറ്: വിശാഖം (1/4), അനിഴം, തൃക്കേട്ട

പല കാര്യങ്ങളിലും വേണ്ടത്ര പുരോഗതിയില്‍ പോകാന്‍ വിഷമം കാണും. വിദ്യാഭ്യാസത്തില്‍ നല്ല പുരോഗതിയുണ്ടാകും. വളര്‍ത്തുമൃഗങ്ങളെക്കൊണ്ട് പ്രയാസം നേരിടും.  

ധനുക്കൂറ്: മൂലം, പൂരാടം, ഉത്രാടം (1/4)

ബന്ധുസമാഗമം, സുഹൃദ് സമാഗമം എന്നിവയുണ്ടാകും. വിലപ്പെട്ട സമ്മാനങ്ങള്‍ ലഭിക്കും. കോടതിയില്‍ കെട്ടിക്കിടക്കുന്ന കേസിന് തീര്‍പ്പുണ്ടാകും. കൂട്ടുകാരനെക്കൊണ്ട് നഷ്ടകഷ്ടങ്ങള്‍ സംഭവിക്കും. സുഖമില്ലാത്ത വാര്‍ത്തകള്‍ ശ്രവിക്കും. ഉളുക്ക്, ചതവ്, ഇവ പറ്റാതെ ശ്രദ്ധിക്കണം.

മകരക്കൂറ്: ഉത്രാടം  (3/4), തിരുവോണം, അവിട്ടം  (1/2)

സാമ്പത്തികനേട്ടത്തിനായി അധ്വാനിച്ച് പ്രവര്‍ത്തിക്കും. തൊഴില്‍രംഗത്ത് പുരോഗതിയുണ്ടാകും. എല്ലാ പ്രശ്‌നങ്ങളെയും ശുഭാപ്തി വിശ്വാസത്തോടെ സമീപിക്കും. വിദ്യാഭ്യാസത്തില്‍ പുരോഗതിയുണ്ടാകും. കുടുംബത്തില്‍ ഐശ്വര്യം വര്‍ധിക്കും.

കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)

വിദ്യാ വിനോദങ്ങളില്‍ താല്‍പ്പര്യം പ്രകടിപ്പിക്കും. ഭൂസ്വത്ത് വാങ്ങും. പാര്‍ട്ണര്‍ഷിപ്പ് മുഖേന നേട്ടമുണ്ടാകും. യുവജനങ്ങളുടെ വിവാഹകാര്യം തീരുമാനമാകും. വിദ്യാഭ്യാസ കാര്യങ്ങളില്‍ പുരോഗതിയുണ്ടാകും.

മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി

ദൈവചിന്തയ്ക്കും മറ്റും കൂടുതല്‍ സമയം ചെലവഴിക്കും. സര്‍ക്കാരില്‍നിന്ന് പ്രതീക്ഷിക്കുന്ന ആനുകൂല്യങ്ങള്‍ കിട്ടാനല്‍പ്പം സമയം പിടിക്കും. സന്താനങ്ങള്‍ക്ക് ഉയര്‍ച്ചയുണ്ടാകും. മകളുടെ വിവാഹകാര്യവും ജോലിയും ശരിയാവാനിടയുണ്ട്.

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.