മേടക്കൂറ്: അശ്വതി, ഭരണി, കാര്ത്തിക (1/4)
ഗുണനിലവാരം വര്ധിപ്പിക്കാന് വ്യവസായം നവീകരിക്കും. മനസ്സിലുദ്ദേശിക്കുന്ന വിഷയത്തില് ഉപരിപഠനത്തിന് ചേരുവാന് സാധിക്കും. അവ്യക്തമായ പണമിടപാടുകളില്നിന്നും പിന്മാറും.
ഇടവക്കൂറ്: കാര്ത്തിക (3/4), രോഹിണി, മകയിരം (1/2)
പണം കടം കൊടുക്കരുത്. ജാമ്യം നില്ക്കരുത്. അശ്രാന്തപരിശ്രമത്താല് തൊഴില് പുരോഗതിയുണ്ടാകും. സഹപ്രവര്ത്തകരുമായി വിജയാഹ്ലാദം പങ്കുവയ്ക്കുവാന് അവസരമുണ്ടാകും.
മിഥുനക്കൂറ്: മകയിരം (1/2), തിരുവാതിര, പുണര്തം (3/4)
ആസൂത്രിത പദ്ധതികളില് അന്തിമമായി അനുകൂല വിജയവും അനുഭവവും ഉണ്ടാകും. ചിന്തിച്ചു പ്രവര്ത്തിക്കുന്നതിനാല് അബദ്ധങ്ങള് ഒരു പരിധിവരെ ഒഴിവാകും. ഉദ്യോഗമാറ്റമുണ്ടാകും.
കര്ക്കടകക്കൂറ്: പുണര്തം (1/4), പൂയം, ആയില്യം
പ്രാരംഭത്തില് എല്ലാ കാര്യങ്ങള്ക്കും തടസ്സങ്ങള് അനുഭവപ്പെടുമെങ്കിലും അന്തിമമായി വിജയം ഉണ്ടാകും. അവഗണിക്കപ്പെട്ട അവസ്ഥ മാറി പരിഗണിക്കപ്പെടുന്നതിനാല് ആശ്വാസമുണ്ടാകും. വിദഗ്ദ്ധ ചികിത്സകളാല് ആരോഗ്യം വീണ്ടു കിട്ടും.
ചിങ്ങക്കൂറ്: മകം, പൂരം, ഉത്രം (1/4)
തൊഴില് മേഖലകളില് ബഹുവിധ തടസ്സങ്ങളെ അഭിമുഖീകരിക്കേണ്ടതിനാല് വരുമാനമുണ്ടാകുമെങ്കിലും അവിചാരിത ചെലവുകളാല് നീക്കിയിരുപ്പ് കുറയും. മറ്റുള്ളവര്ക്ക് മാതൃകയാക്കി തീര്ക്കുവാനുള്ള അവസരം വരും.
കന്നിക്കൂറ്: ഉത്രം (3/4), അത്തം, ചിത്തിര (1/2)
കഴിവിന്റെ പരമാവധി പരിശ്രമിക്കുമെങ്കിലും അനുഭവഫലങ്ങള് കുറയും. മനസ്സിലുദ്ദേശിക്കുന്ന കാര്യങ്ങള് സുഹൃദ് സഹായത്താലും, ഈശ്വരപ്രാര്ത്ഥനകളാലും സാധിക്കും. സഹജമായ കഴിവുകള് പ്രകടിപ്പിക്കാന് അവസരമുണ്ടാകും.
തുലാക്കൂറ്: ചിത്തിര (1/2), ചോതി, വിശാഖം (3/4)
നീതിപൂര്വമല്ലാത്ത പ്രവര്ത്തനങ്ങളില്നിന്നും പിന്മാറും. നല്ല കാര്യങ്ങള്ക്ക് പണം ചെലവാക്കുന്നതിനാല് സല്കീര്ത്തിയുണ്ടാകും. അന്യരുടെ കാര്യങ്ങളില് ഇടപെടുന്നത് ഒഴിവാക്കണം.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
ഉദ്ദേശിച്ച വിഷയത്തില് ഉപരിപഠനത്തിനു ചേരുവാന് സാധിക്കും. ഉത്സാഹവും ഉന്മേഷവും വര്ധിക്കും. നിരവധി കാര്യങ്ങള് നിശ്ചിത സമയപരിധിക്കുള്ളില് ചെയ്തു തീര്ക്കുവാന് സാധിക്കും. പുതിയ സ്നേഹബന്ധം ഉടലെടുക്കും.
ധനുക്കൂറ്: മൂലം, പൂരാടം, ഉത്രാടം (1/4)
ദുശ്ശീലങ്ങള് ഒഴിവാക്കി സദ്ശീലങ്ങള് സ്വീകരിക്കും. ഉദ്യോഗാര്ത്ഥികള്ക്കു ശമ്പളം മുന്കാല പ്രാബല്യത്തോടുകൂടി ലഭിക്കും. സമയോചിതമായ പ്രവര്ത്തനങ്ങളാല് വിപരീത സാഹചര്യങ്ങളെ അതിജീവിക്കും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
ആപത്ഘട്ടത്തില് സുഹൃത്തുക്കളുടെ ഉപദേശവും, സഹായങ്ങളും ലഭിക്കുവാനിടയുണ്ട്. സമാനചിന്താഗതിയിലുള്ളവരെ ഉള്പ്പെടുത്തി കാര്ഷിക മേഖല വിപുലമാക്കും. ജീവകാരുണ്യപ്രവര്ത്തനങ്ങളിലും സഹകരിച്ചു പ്രവര്ത്തിക്കും.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
സത്യസന്ധമായ പ്രവര്ത്തനങ്ങള് ലക്ഷ്യപ്രാപ്തി നേടും. ഉപരിപഠനത്തോടനുബന്ധമായ ഉദ്യോഗം ലഭിക്കും. സുവ്യക്തമായ കര്മപദ്ധതികള്ക്ക് പണം മുടക്കും.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
പ്രതിസന്ധികള് അഭിമുഖീകരിക്കുവാന് ജീവിതപങ്കാളിയുടെ ആശയങ്ങള് ഉപകരിക്കും. ബന്ധുവിന്റെ സംസാര രീതിയില് മനോവിഷമം തോന്നും. നിരവധികാര്യങ്ങള് ഏറ്റെടുക്കുന്നതിനാല് ചിലതു മറന്നുപോകുന്നതിനു സാധ്യതയുണ്ട്.
പ്രതികരിക്കാൻ ഇവിടെ എഴുതുക: