ബര്മിങ്ങാം: കോമണ്വെല്ത്ത് ഗെയിംസില് ഇന്ത്യയ്ക്ക് ഒരു സ്വര്ണം കൂടി. പുരുഷ വിഭാഗം ബാഡ്മിന്റണില് ഇന്ത്യയുടെ യുവതാരം ലക്ഷ്യ സെന് സ്വര്ണം നേടി. ഫൈനലില് മലേഷ്യയുടെ സെ യോങ് എന്ഗിയെ തകര്ത്താണ് ലക്ഷ്യ സെന് ഒന്നാമതെത്തിയത്. ഇതോടെ ഇന്ത്യ നേടിയ സ്വര്ണമെഡലുകളുടെ എണ്ണം 20 ആയി.
19-21, 21-9, 21-16 ആദ്യ ഗെയിമില് ഇരുതാരങ്ങളും ഒപ്പത്തിനൊപ്പം നിന്നു. സ്കോര് 19-19 ല് നില്ക്കേ പിഴവുകള് വരുത്തിയ ലക്ഷ്യ സെന് ഗെയിം കൈവിട്ടു. എന്നാല് രണ്ടാം ഗെയിമില് ശക്തമായി തിരിച്ചുവന്ന താരം മലേഷ്യന് താരത്തെ നിലംതൊടാനനുവദിച്ചില്ല. ഗെയിം അനായാസം ലക്ഷ്യ സെന് സ്വന്തമാക്കി. മൂന്നാം ഗെയിമില് തുടക്കം തൊട്ട് ലക്ഷ്യ സെന് ലീഡ് നേടി. ആ ലീഡ് ഗെയിം അവസാനിക്കുന്നതുവരെ താരം നിലനിര്ത്തി. ഇതോടെ സ്വര്ണമെഡല് ഇന്ത്യയക്ക് സ്വന്തമായി.
ഇതോടെ ബാഡ്മിന്റണില് വനിതാ സിംഗിള്സിന് പിന്നാലെ പുരുഷ സിംഗിള്സിലും ഇന്ത്യ വിജയം നേടി. വനിതാ സിംഗിള്സില് ഇന്ത്യയുടെ പി.വി.സിന്ധു സ്വര്ണംനേടിയിരുന്നു.
പ്രതികരിക്കാൻ ഇവിടെ എഴുതുക: