×
login
ടോക്കിയോ പാരാലിമ്പിക്‌സ്: കൃഷ്ണ നാഗറിന് സ്വര്‍ണം; സുഹാസ് യതിരാജിന് വെള്ളി

ഏറെ ആവേശകരമായ ഫൈനലില്‍ ഹോങ്‌കോങ്ങിന്റെ ചു മാന്‍ കൈയെയാണ് കൃഷ്ണ നാഗര്‍ പൊന്നണിഞ്ഞത്. മൂന്ന് ഗെയിം നീണ്ട ആവേശപ്പോരാട്ടത്തിനൊടുവിലായിരുന്നു വിജയം. സ്‌കോര്‍: 21-17, 16-21, 21-17. ഈയിനത്തിലെ ലോക രണ്ടാം നമ്പര്‍ താരമായ കൃഷ്ണ ആദ്യ ഗെയിം അനായാസം സ്വന്തമാക്കി. എന്നാല്‍ രണ്ടാം ഗെയിമില്‍ അനാവശ്യ പിഴവുകള്‍ വരുത്തിയതോടെ ഹോങ്‌കോങ് താരം ഒപ്പമെത്തി.

ടോക്കിയോ: ടോക്കിയോ പാരാലിമ്പിക്‌സിന്റെ അവസാന ദിനം ഇന്ത്യക്ക് സ്വര്‍ണവും വെള്ളിയും. രണ്ട് മെഡലുകളും ബാഡ്മിന്റണ്‍ കോര്‍ട്ടില്‍ നിന്ന്. ബാഡ്മിന്റണ്‍ എസ്എച്ച് 6 പുരുഷ വിഭാഗത്തില്‍ ഇന്ത്യയുടെ കൃഷ്ണ നാഗര്‍ സ്വര്‍ണം നേടിയപ്പോള്‍ എസ്എല്‍ 4 വിഭാഗത്തില്‍ സുഹാസ് യതിരാജ് വെള്ളി സ്വന്തമാക്കി.  

ഏറെ ആവേശകരമായ ഫൈനലില്‍ ഹോങ്‌കോങ്ങിന്റെ ചു മാന്‍ കൈയെയാണ് കൃഷ്ണ നാഗര്‍ പൊന്നണിഞ്ഞത്. മൂന്ന് ഗെയിം നീണ്ട ആവേശപ്പോരാട്ടത്തിനൊടുവിലായിരുന്നു വിജയം. സ്‌കോര്‍: 21-17, 16-21, 21-17. ഈയിനത്തിലെ ലോക രണ്ടാം നമ്പര്‍ താരമായ കൃഷ്ണ ആദ്യ ഗെയിം അനായാസം സ്വന്തമാക്കി. എന്നാല്‍ രണ്ടാം ഗെയിമില്‍ അനാവശ്യ പിഴവുകള്‍ വരുത്തിയതോടെ ഹോങ്‌കോങ് താരം ഒപ്പമെത്തി. മൂന്നാം ഗെയിമില്‍ മികച്ച തിരിച്ചുവരവ് നടത്തിയ ഇന്ത്യന്‍ താരം 21-17 എന്ന സ്‌കോറിന് ഗെയിമും മത്സരവും സ്വന്തമാക്കി. കൃഷ്ണയുടെ കരിയറിലെ ആദ്യ പാരാലിമ്പിക്സ് മെഡലാണിത്. ടോക്കിയോ പാരാലിമ്പിക്സ് ബാഡ്മിന്റണില്‍ ഇന്ത്യയുടെ രണ്ടാം സ്വര്‍ണമാണിത്. നേരത്തേ പ്രമോദ് ഭഗത്തും സ്വര്‍ണം നേടിയിരുന്നു.  

ജയ്പൂര്‍ സ്വദേശിയാണ് 22 കാരനായ കൃഷ്ണ നാഗര്‍. 2019ലെ ലോക പാരാ ചാമ്പ്യന്‍ഷിപ്പില്‍ എസ്എസ് 6 വിഭാഗത്തില്‍ പുരുഷ ഡബിള്‍സില്‍ വെള്ളിയും സംഗിള്‍സില്‍ വെങ്കലവും 2018 ജക്കാര്‍ത്ത ഏഷ്യന്‍ പാരാ ഗെയിംസില്‍ വെങ്കലവും നേടിയിട്ടുണ്ട്. സ്വര്‍ണം നേടിയ കൃഷ്ണ നാഗഗറിനെ പ്രധാനമന്ത്രി ഫോണില്‍ വിളിച്ച് അഭിനന്ദിച്ചു.

ഇന്നലെ ആദ്യ മെഡലും ബാഡ്മിന്റണ്‍ കോര്‍ട്ടില്‍ നിന്നായിരുന്നു. പുരുഷ ബാഡ്മിന്റണ്‍ എസ്എല്‍4 വിഭാഗത്തിലാണ് ഐഎഎസ് ഉദ്യോഗസ്ഥനായ സുഹാസ് യതിരാജ് വെള്ളി നേടി രാജ്യത്തിന്റെ അഭിമാന താരമായത്. ഫൈനലില്‍ ഒന്നാം സീഡായ ഫ്രഞ്ച് താരം ലൂക്കാസ് മസൂറിനോട് ഒന്നിനെതിരെ രണ്ടു ഗെയിമുകള്‍ക്കാണ് സുഹാസ് തോറ്റത്. ആദ്യ ഗെയിം നേടിയ സുഹാസിനെ, അടുത്ത രണ്ടു ഗെയിം സ്വന്തമാക്കിയാണ് ഒന്നാം സീഡ് വീഴ്ത്തിയത്. സ്‌കോര്‍: 21-15, 17-21, 15-21. 2007 ബാച്ചില്‍പ്പെട്ട ഉത്തപ്രദേശ് കേഡര്‍ ഐഎഎസ് ഉദ്യോഗസ്ഥനാണ് കര്‍ണാടകയിലെ ഹസന്‍ സ്വദേശിയായ സുഹാസ് യതിരാജ്.

അതേസമയം മിക്സഡ് ഡബിള്‍സ് എസ്എല്‍ 3-എസ്എല്‍ 5 വിഭാഗത്തില്‍ വെങ്കലത്തിനായി മത്സരിച്ച ഇന്ത്യയുടെ പ്രമോദ് ഭഗത്-പാലക് കോലി സഖ്യം ജപ്പാന്റെ ഡൈസുകി ഫുജിഹര-അകികോ സുഗിനോ സഖ്യത്തോട് തോല്‍വി വഴങ്ങി. വാശിയേറിയ പോരാട്ടത്തിനൊടുവിലാണ് ഇന്ത്യന്‍ ടീം തോല്‍വി വഴങ്ങിയത്. സ്‌കോര്‍: 23-21, 21-19. പുരുഷ സിംഗിള്‍സ് എസ്എല്‍ 4ലും ഇന്ത്യക്ക് മെഡല്‍ നഷ്ടമമായി. വെങ്കലമെഡല്‍ പോരാട്ടത്തില്‍ ഇന്ത്യയുടെ തരുണ്‍ ധില്ലന്‍ തോറ്റു. ഇന്തോനേഷ്യന്‍ താരം ഫ്രെഡിയോട് നേരിട്ടുള്ള ഗെയിമുകള്‍ക്കാണ് തോല്‍വി. സ്‌കോര്‍ 21-17, 21-11.

    comment

    LATEST NEWS


    പരിമിതികൾ പ്രശ്നമല്ല, ലക്ഷ്യമാണ് പ്രധാനം; കാർഗിലിലേക്ക് 2500 കി.മി പ്രത്യേക സ്കൂട്ടറിൽ യാത്ര ചെയ്ത് റെക്കോഡ് നേടി ഭിന്നശേഷിക്കാരനായ ദമ്പതിമാർ


    മയക്കുമരുന്ന് കേസില്‍ ആര്യനെ മോചിപ്പിക്കാന്‍ 25 കോടിയെന്ന കൈക്കൂലി ആരോപണം തള്ളി എന്‍സിബി; അടിസ്ഥാന രഹിതമെന്ന് സമീര്‍ വാംഖഡെ


    നടി ഗായത്രി സുരേഷ് ലഹരിമരുന്ന് ഉപയോഗിച്ചിരുന്നോ എന്ന് സംശയം; നടിക്കെതിരേ അമ്മ സംഘടന നടപടിയെടുക്കണമെന്ന് സംവിധായകന്‍


    തീരങ്ങള്‍ മാഫിയകളുടെ കൈകളില്‍: അനധികൃത നിര്‍മാണങ്ങള്‍ വ്യാപകം, മത്സ്യത്തൊഴിലാളികളെ കബളിപ്പിച്ച് മാഫിയകള്‍ക്ക് ഭൂമി വാങ്ങി നല്‍കുന്നു


    മോന്‍സണുമായി എന്തു ബന്ധം; കലൂരിലെ മ്യൂസിയം സന്ദര്‍ശിച്ചത് എന്തിന്; ബെഹ്‌റയുടെ മൊഴി രേഖപ്പെടുത്തി ക്രൈംബ്രാഞ്ച് എഡിജിപി എസ്. ശ്രീജിത്ത്


    വീരമൃത്യുവരിച്ച സൈനികന്‍ വൈശാഖിന്റെ കുടുംബത്തോട് സംസ്ഥാന സര്‍ക്കാരിന്റെ അവഗണന, കുടുംബത്തിന് ആശ്വാസ ധനം അനുവദിച്ചില്ല

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.