ലോകത്ത് ദിനംപ്രതി കുതിക്കുന്ന ഇ- വാഹനവിപണിലേയ്ക്ക് കാലെടുത്തു വച്ചിരിക്കുകയാണ് ജാപ്പനീസ് ഇരുചക്ര വാഹന ബ്രാന്ഡായ ഹോണ്ട മോട്ടോര്സ്. ചൈനയില് ആണ് ഹോണ്ട ഇലക്ട്രിക് ടൂ വീലര് സെഗ്മെന്റില് ഇറങ്ങിയിരിക്കുന്നത്. ഹോണ്ടയുടെ ചൈനീസ് വിഭാഗമായ വുയാങ് ഹോണ്ട യുഗോ എന്ന പേരില് പുതിയ ഇലക്ട്രിക് സ്കൂട്ടര് കമ്പനി അവതരിപ്പിച്ചതായി ദേശീയമാധ്യമം റിപ്പോര്ട്ട് ചെയ്തു.
റെഗുലര്, ലോസ്പീഡ് എന്നിങ്ങനെ രണ്ട് വേരിയന്റുകളിലാണ് സ്കൂട്ടര് വിപണിയിലെത്തുന്നത്. 48വോള്ട്ട് 30എഎച്ച് ലിഥിയം അയണ് നീക്കം ചെയ്യാവുന്ന ബാറ്ററി പായ്ക്കാണ് ഹോണ്ട യുഗോയുടെ ശക്തി. റെഗുലര് മോഡലില് 1.2kW ഹബ് മോട്ടോറും ലോസ്പീഡ് വേരിയന്റിന് ശക്തി കുറഞ്ഞ 800W മോട്ടോര് ലഭിക്കുന്നു.
കരുത്ത് കൂടിയ പതിപ്പ് പരമാവധി 65 കിലോമീറ്റര് റേഞ്ചാണ് നല്കുന്നത്. അതേസമയം യുഗോയുടെ ലോസ്പീഡ് വേരിയന്റ് 130 കിലോമീറ്റര് റേഞ്ചും വാഗ്ദാനം ചെയ്യും. പരമാവധി 53 കിലോമീറ്റര് വേഗത വാഗ്ദാനം ചെയ്യുന്ന റെഗുലര് വേരിയന്റിന് 26 ലിറ്റര് ആണ് അണ്ടര് സീറ്റ് സംഭരണ ശേഷി. പൂര്ണഎല്ഇഡി ലൈറ്റിംഗ്, യൂട്ടിലിറ്റി ഗ്ലൗവ് ബോക്സ്, ആന്റിതെഫ്റ്റ് അലാറം, യുഎസ്ബി ചാര്ജിംഗ് പോര്ട്ട് എന്നിവയാണ് ഈ വാഹനത്തെ വേറിട്ടതാക്കുന്നു.
വേഗത, റേഞ്ച്, ബാറ്ററി നില, റൈഡിംഗ് മോഡ് തുടങ്ങിയ അടിസ്ഥാന വിവരങ്ങള് നല്കുന്ന ഒരു എല്സിഡി ഇന്സ്ട്രുമെന്റ് കണ്സോളും സ്!കൂട്ടറില് ഉണ്ട്. 12 ഇഞ്ച് ഫ്രണ്ട്, 10 ഇഞ്ച് റിയര് അലോയ് വീലുകളിലാണ് സ്കൂട്ടര് ഒരുങ്ങിയിരിക്കുന്നത്. യുഗോ ലോസ്പീഡ് ഏകദേശം 91,700 രൂപയാണ് വില എന്നാല്, റെഗുലര് പതിപ്പിന് ഏകദേശം 86,000 രൂപയെ ആകുകയൊള്ളു. ആതേസമയം ഇ-സ്കൂട്ടര് സമീപഭാവിയില് ഭാരതത്തിലെ വിപണിയിലേക്ക് എത്തുമോ എന്നകാര്യം വ്യക്തമല്ല.
പ്രതികരിക്കാൻ ഇവിടെ എഴുതുക: