×
login
താമര ചിഹ്നത്തില്‍ ജയിച്ച് അച്ചന്‍കുഞ്ഞ് ജോണും ബെന്നി മാത്യുവും; ഭരണം ബിജെപിക്ക്; പന്തളത്തേതാണ് ഭാവി കേരള രാഷ്ട്രീയം

ബിജെപിയുടെ പുതുമുഖങ്ങളായ കൗണ്‍സിലര്‍മാരില്‍ രണ്ട് പേര്‍ ഓര്‍ത്തഡോക്സ് സഭാംഗങ്ങളും പള്ളി ഭാരവാഹികളുമാണ്.

തിരുവനന്തപുരം:  കേരളത്തില്‍ ബിജെപി ഭരിക്കുന്ന രണ്ടാമത്തെ നഗരസഭയായി പന്തളം മാറുമ്പോള്‍ അതില്‍ ഭാവിയുടെ രാഷ്ടീയ ചിത്രം കൂടിയുണ്ട്. ന്യൂനപക്ഷങ്ങള്‍ക്കൂടി ഒപ്പമുണ്ടായാല്‍ ഇരുമുന്നണിയേയും പരാജയപ്പെടുത്തി വിജയിക്കുക ബിജെപി എന്ന യാഥാര്‍ത്ഥ്യം . അയ്യപ്പന്റെ നാട്ടില്‍ അതാണ് തെളിഞ്ഞത്.

33 സീറ്റുകളുള്ള നഗരസഭയില്‍ 18 സീറ്റുകളാണ് ബിജെപി നേടിയത്. ഭരണകക്ഷിയായ എല്‍ഡിഎഫ് വിജയം ഒന്‍പത് സീറ്റുകളിലൊതുങ്ങി. യുഡിഎഫിന് അഞ്ച് സീറ്റുകളില്‍ മാത്രമാണ് ജയിക്കാനായത്.  

ബിജെപിയുടെ പുതുമുഖങ്ങളായ കൗണ്‍സിലര്‍മാരില്‍ രണ്ട് പേര്‍ ഓര്‍ത്തഡോക്സ് സഭാംഗങ്ങളും പള്ളി ഭാരവാഹികളുമാണ്. പന്തളം കുരമ്പാല സെന്റ്തോമസ് ഓര്‍ത്തഡോക്സ് പള്ളിയുടെ മുന്‍ ട്രസ്റ്റി അച്ചന്‍കുഞ്ഞ് ജോണും പന്തളം അറത്തില്‍ സെന്റ് ജോര്‍ജ് ഓര്‍ത്തഡോക്സ് മഹാ ഇടവക പള്ളിയിലെ സെക്രട്ടറി ബെന്നി മാത്യുവുമാണ് നഗരസഭയിലേക്ക് ബി.ജെ.പി. സ്ഥാനാര്‍ഥികളായി മത്സരിച്ച് ജയിച്ചത്.

നഗരസഭയില്‍ ഏറ്റവും കൂടുതല്‍ സ്ഥാനാര്‍ഥികള്‍ മത്സരിച്ച മൂന്നാം വാര്‍ഡില്‍ ഇടതു വലതു മുന്നണി സ്ഥാനാര്‍ഥികളുള്‍പ്പെടെ ഏഴുപേരെ പിന്നിലാക്കിയാണ് 30 വോട്ടിന്റെ ഭൂരിപക്ഷത്തില്‍ ബെന്നി വിജയം കണ്ടത്. യുണൈറ്റഡ് ക്രിസ്ത്യന്‍ ഫെലോഷിപ്പ് കൗണ്‍സല്‍ അംഗം, മുടിയൂര്‍ക്കോണം പൗരസമിതി പ്രസിഡന്റ്, പന്തളം വികസന സമിതിയംഗം എന്നീ നിലകളില്‍ പ്രവര്‍ത്തിക്കുന്നു. യു.സി.എസ്. സെക്രട്ടറിയും ഓര്‍ത്തഡോക്സ് സഭാ കൗണ്‍സില്‍ അംഗവുമായിരുന്നു. കേരള കോണ്‍ഗ്രസ്(എം)നിയോജക മണ്ഡലം സെക്രട്ടറിയായും പ്രവര്‍ത്തിച്ചിട്ടുണ്ട്. അറത്തില്‍ സെന്റ് ജോര്‍ജ് ഓര്‍ത്തഡോക്സ് മഹാ ഇടവകയിലെ ആദ്യ കൗണ്‍സിലറെന്ന അംഗീകാരവും ബെന്നിക്കുണ്ട്.

നഗരസഭയിലെ 15-ാം വാര്‍ഡില്‍നിന്ന് 12 വോട്ടിന്റെ ഭൂരിപക്ഷത്തിലാണ് അച്ചന്‍കുഞ്ഞ് ജോണ്‍ വിജയിച്ചത്. അഞ്ചു വര്‍ഷം കുരമ്പാല സെന്റ് തോമസ് ഓര്‍ത്തഡോക്സ് വലിയപള്ളിയുടെ ട്രസ്റ്റിയായിരുന്നു അച്ചന്‍കുഞ്ഞ് ജോണ്‍. ഇപ്പോള്‍ പള്ളിയുടെ കീഴിലുള്ള സെന്റ് തോമസ് സ്‌കൂളിന്റെ ട്രസ്റ്റിയാണ്.

കുവൈത്തില്‍ ജോലിനോക്കിയിരുന്ന കാലത്ത് ഓര്‍ത്തഡോക്സ് അസോസിയേഷന്‍ മെമ്പറുമായിരുന്നു. ന്യൂനപക്ഷ മോര്‍ച്ച മുന്‍ ജില്ലാപ്രസിഡന്റും ഇപ്പോള്‍ ബി.ജെ.പി. സംസ്ഥാന കൗണ്‍സിലംഗവുമാണ്.

 

    comment

    LATEST NEWS


    ഒമിക്രോണ്‍ പടര്‍ന്നു പിടിക്കുന്ന ആഫ്രിക്കന്‍ രാജ്യങ്ങള്‍ക്ക് സഹായഹസ്തവുമായി ഇന്ത്യ; വാക്‌സിനുകളും എത്തിക്കും


    ഐഐഐടി തിരുവനന്തപുരം ഓഫ് കാമ്പസ് സെന്ററില്‍ വര്‍ക്കിങ് പ്രൊഫഷണലുകള്‍ക്ക് എംടെക് പ്രവേശനം നേടാന്‍ അവസരം


    1983 ലെ ത്രസിപ്പിക്കുന്ന ലോകകപ്പ് വിജയം; 83 സിനിമയുടെ ട്രെയ്‌ലര്‍ പുറത്തിറങ്ങി; കപില്‍ ദേവായി രണ്‍വീര്‍


    അയല്‍വാസിയുടെ തോക്കില്‍ നിന്നുള്ള വെടിയുണ്ട സീലിങ് തുളച്ചെത്തി; അമേരിക്കയില്‍ മലയാളി യുവതിക്ക് ദാരുണാന്ത്യം


    പോണ്ടിച്ചേരി കേന്ദ്ര സര്‍വ്വകലാശാലയില്‍ എംബിഎ, ഡിഗ്രി, പിജി വിദൂര വിദ്യാഭ്യാസത്തിന് അവസരം; ആദ്യം അപേക്ഷിക്കുന്നവര്‍ക്ക് അഡ്മിഷന്‍


    കര്‍താപൂര്‍ ഗുരുദ്വാരയില്‍ മതവികാരം വൃണപ്പെടുത്തി പാക് മോഡലിന്റെ ഫോട്ടോഷൂട്ട്; പ്രതിഷേധം ശക്തമായതോടെ മാപ്പു പറഞ്ഞ് സൗലേഹ

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.