×
login
റിക്കാര്‍ഡ് ഭേദിച്ച ജനക്കുട്ടം; സംഘാടക മികവിന്റെ സാക്ഷ്യ പത്രമായി ബിജെപി പരിപാടി

ചരിത്രത്തിലാദ്യമായി രാഷ്ടീയ പാര്‍ട്ടിയുടെ പരിപാടിക്ക് സാക്ഷ്യം വഹിച്ച സ്റ്റേഡിയം മുന്‍ ആരവങ്ങളെയെല്ലാം പിന്നിലാക്കി.

ചിത്രം: വി വി അനൂപ്‌

തിരുവനന്തപുരം: അനന്തപുരിയെ ആവേശക്കടലാക്കി എന്‍ഡിഎ സംഘടിപ്പിച്ച വിജയറാലി. പുതിയ കേരളത്തിനായി വിജയറാലിഉദ്ഘാടനം ചെയ്യാന്‍ അനന്തപുരിയില്‍ എത്തിയ പ്രധാനമന്ത്രി നരേന്ദ്രമോദിക്ക് ഹൃദ്യമായി വരവേല്‍പ്പ്. അര ലക്ഷത്തിലധികം പേര്‍ പങ്കെടുത്ത മഹാറാലി അനന്തപുരി ഇന്നു വരെ കണ്ടിട്ടില്ലാത്ത രാഷ്ട്രീയ സമ്മേളനമായി. വിജയറാലിയുടെ മഹാസമ്മേളനത്തിന് കഴക്കൂട്ടം ഗ്രീന്‍ ഫീല്‍ഡ് സ്‌റ്റേഡിയം സാക്ഷ്യം വഹിച്ചപ്പോള്‍ അതിന്റെ അലയൊലി തലസ്ഥാനമാകെ മുഴങ്ങി. ക്രിക്കറ്റിനു വേണ്ടി മാത്രം ഗ്യാലറികളില്‍ നിന്നും ഉയര്‍ന്നിട്ടുള്ള കൈയ്യടിയും ആരവവുമെല്ലാം എന്‍ഡിഎയുടെ തെരഞ്ഞെടുപ്പ് സമ്മേളനത്തോടെ ഗ്രീന്‍ഫീല്‍ഡ് സ്റ്റേഡിയത്തിന്റെ ചരിത്രത്തിലും പുതിയ അധ്യായത്തിന് തുടക്കം കുറിച്ചു. 

അനന്തപുരിയുടെ വീഥികളെല്ലാം വൈകീട്ട് മൂന്ന് മണിയോടെ ഗ്രീന്‍ഫീല്‍ഡ് സ്റ്റേഡിയത്തിലേക്ക് പ്രവര്‍ത്തകരുടെ ഒഴുക്കായിരുന്നു അമ്പതിനായിരം പേര്‍ക്ക് ഇരിയ്ക്കാവുന്ന സ്റ്റേഡിയത്തിന്റെ ഗ്യാലറികള്‍ ആറ് മണിയോടെ നിറഞ്ഞു. സ്റ്റേഡിയത്തിന്റെ ഗ്രൗണ്ടിലും കൂടി പ്രവര്‍ത്തകര്‍ സ്ഥാനം പിടിച്ചതോടെ സ്റ്റേഡിയം നിറഞ്ഞ് കവിഞ്ഞു. തുടര്‍ന്ന് സ്റ്റേഡിയത്തിന് പുറത്ത് സ്ഥാനം പിടിക്കുകയായിരുന്നു വിജയറാലിയില്‍ പങ്കെടുക്കാന്‍ എത്തിയവര്‍.

നിശ്ചയച്ചതിലും ഒരു മണിക്കൂറിലധികം വൈകിയാണ് മോദി സ്റ്റേഡിത്തില്‍ എത്തിയത്. 7.15 ന് വേദിയില്‍ എത്തിച്ചേര്‍ന്ന മോദിയെ വരവേറ്റത് പതിനായിരക്കണക്കിന് കണ്ഠങ്ങളില്‍ നിന്നും ഉയര്‍ന്ന ഭാരത്മാതാക്കീ ജയ് വിളികളോടെ ആയിരുന്നു. ഈ സമയം ഗാലറികളില്‍ നിന്നും മൊബൈലിന്റെ ടോര്‍ച്ച് തെളിച്ചപ്പോള്‍ പതിനായിരക്കണക്കിന് നക്ഷത്രങ്ങള്‍ ഒന്നിച്ച് ഉദിച്ചതുപോലെയായി ഗ്രീന്‍ഫീല്‍ഡ് സ്റ്റേഡിയം. ആവേശം ഒട്ടും ചോരാതെ വേദിയുടെ റാമ്പിലെത്തി മോദി അഭിവാദ്യം സ്വീകരിച്ചു. മാസ്ക്ക് മാറ്റി കൈകള്‍ വീശി പ്രത്യഭിവാദ്യവും നടത്തിയപ്പോള്‍ പതിനായിരങ്ങളുടെ ഹര്‍ഷാരവം.

നേമം നിയോജക മണ്ഡലത്തിലെ എന്‍ഡിഎ സ്ഥാനാര്‍ത്ഥി കുമ്മനം രാജശേഖരന്‍ ഷാള്‍ അണിയിച്ച് മോദിയെ സ്വീകരിച്ചു. തുടര്‍ന്ന് കാട്ടാക്കട നിയോജക മണ്ഡലത്തിലെ സ്ഥാനാര്‍ത്ഥി പി.കെ. കൃഷ്ണദാസും ഷാള്‍ അണിയിച്ചു. ബിജെപി ജില്ലാ കമ്മറ്റിക്കുവേണ്ടി പ്രസിഡന്റ് വി.വി. രാജേഷും, മേഖലാ വൈസ് പ്രസിഡന്റ് വെങ്ങാനൂര്‍ സതീഷും ചേര്‍ന്ന് പ്രധാനന്ത്രിക്ക് ജില്ലാ കമ്മറ്റിയുടെ ഉപഹാരം നല്‍കി.

വലിയതുറയിലെ മത്സ്യതൊഴിലാളികളുടെ ദുരിത ജീവിതത്തിന് പരിഹാരം കാണാന്‍ തിരുവനന്തപുരം മണ്ഡലത്തിലെ സ്ഥാനാര്‍ത്ഥി കൃഷ്ണകുമാര്‍.ജിയും തിരുവനന്തപുരം വിമാനത്താവളത്തിന്റെയും നഗരത്തിന്റെ വികസനത്തിനുമായി വി.വി. രാജേഷും നിവേദനങ്ങള്‍ നല്‍കി.

ആറ്റുകാല്‍, ആഴിമല, വെള്ളായണി തുടങ്ങിയ ക്ഷേത്രങ്ങളെയും ചട്ടമ്പിസ്വാമി, ശ്രീനാരായണഗുരു, അയ്യന്‍കാളി തുടങ്ങിയ സാമൂഹിക പരിഷ്‌കര്‍ത്താക്കളുടെയും പേരെടുത്ത് പറഞ്ഞായിരുന്നു മേദിയുടെ പ്രസംഗത്തിന്റെ തുടക്കം. കേരളത്തിലെ രാഷ്ട്രീയ സാമൂഹിക പ്രശ്‌നങ്ങളെ സംബന്ധിച്ചും എല്‍ഡിഎഫിനെയും യുഡിഎഫിനെയും പ്രസംഗത്തിലൂടനീളം കടന്നാക്രമിച്ചു. വിശ്വാസത്തെ തച്ചുടച്ച മന്ത്രി കടകംപള്ളി സുരേന്ദ്രനെയും കടുത്ത ഭാഷയില്‍ വിമര്‍ശിച്ചു. നമ്പിനാരായണന്റെ കഴിവിനെ എല്‍ഡിഎഫും യുഡിഎഫും ചേര്‍ന്ന് നശിപ്പിച്ചപ്പോള്‍ മെട്രോമാന്‍ ശ്രീധരന്റെ കഴിവിനെ ബിജെപി അംഗീകരിച്ചു. അദ്ദേഹം ഇപ്പോള്‍ ബിജെപിയിലാണെന്നും മോദി ഓര്‍മ്മിപ്പിച്ചു. കേരളത്തില്‍ ബിജെപിയുടെ അക്കൗണ്ട് തുറന്നത് തിരുവനന്തപുരം ജില്ലയില്‍ നിന്നാണെന്ന് ചൂണ്ടിക്കാട്ടി മുക്കാല്‍ മണിക്കൂറോളം പ്രസംഗിച്ച മോദി വേദിയില്‍ നിന്നും മടങ്ങവെ ഒ.രാജഗോപാല്‍ എംഎല്‍എ കെട്ടിപ്പിടിച്ച് ആശ്ലേഷിക്കാനും മറന്നില്ല.

ഗ്രീന്‍ഫീല്‍ഡ് സ്റ്റേഡിയത്തിലേക്ക് ആളൊഴുകുന്നത് പുത്തരിയല്ല. ദേശീയ ഗയിംസും അന്താരാഷ്ട്ര ക്രിക്കറ്റ് മത്സരങ്ങളും നടന്നപ്പോള്‍ യുവാക്കള്‍ ആരവം മുഴക്കി സ്‌റ്റേഡിയത്തിന്റെ ഗ്യാലറികളെ ത്രസിപ്പിച്ചു. അരലക്ഷം പേരെ ഉള്‍ക്കൊളളാവുന്ന സ്റ്റേഡിയത്തില്‍ കൂടുതല്‍ ആളുകള്‍ വന്നത് 2016 ജനുവരി 6 ന് ഇന്ത്യാ- അഫ്ഗാനിസ്ഥാന്‍ ക്രിക്കറ്റ് മത്സരം കാണാനാണ്. 40500 പേരാണ് അന്ന് കളികാണാന്‍ ഗാലറിയില്‍ എത്തിയതെങ്കില്‍ ബിജെപി പരിപാടി ആ റെക്കോഡ് മറികടന്നു. സംഘാടക മികവിന്റെ സാക്ഷ്യ പത്രമായി പരിപാടി മാറിയപ്പോള്‍ തടിച്ചുകൂടിയ ആള്‍ക്കുട്ടം ജില്ലയിലെ ബിജെപി മുന്നേറ്റത്തിന്റെ നേര്‍ക്കാഴ്ചയുമായി.

    comment

    LATEST NEWS


    ഇസ്രയേല്‍ തലതുളയ്ക്കാന്‍ നോട്ടമിട്ടയാള്‍, ഹമാസ് തീവ്രവാദികളുടെ തലവന്‍; മൊസാദിനെ പേടിച്ച് ഇസ്മായില്‍ ഹനിയ ഭീകരപ്രവര്‍ത്തനം നടത്തുന്നത് ഒളിവിലിരുന്ന്


    പിഎസ് സി ലിസ്റ്റ് വെട്ടിയും പാര്‍ട്ടിക്കാരെ തിരുകിയും കേരളം; യുപിയില്‍ 5 വര്‍ഷത്തില്‍ 4.5 ലക്ഷം യുവാക്കള്‍ക്ക് തൊഴില്‍ നല്‍കിയെന്ന് യോഗി ആദിത്യനാഥ്


    ഇന്ത്യയുടെ ജനസംഖ്യ 'ഒരു ബില്യണ്‍ 300 കോടി' എന്ന് പാക്കിസ്ഥാന്‍ പ്രധാനമന്ത്രി ഇമ്രാന്‍ ഖാന്‍; സമൂഹമധ്യമങ്ങളില്‍ ട്രോള്‍, വീഡിയോ


    പട്ടിണിയും സാമ്പത്തിക പ്രതിസന്ധിയും; പാക് പ്രധാനമന്ത്രിയുടെ ഔദ്യോഗിക വസതിയും ഗവര്‍ണര്‍ ഹൗസുകളും വാടകയ്ക്ക് നല്‍കും; ഇമ്രാന്‍ ഖാന്‍ വീടൊഴിയുന്നു


    മോദിയുമായുള്ള കൂടിക്കാഴ്ചക്ക് പിന്നാലെ അമിത് ഷായെ കണ്ട് ശരദ് പവാർ; നിർണായക വിഷയങ്ങൾ ചർച്ച ചെയ്തു


    ഇന്ത്യ ഉള്‍പ്പെടെയുള്ള രാജ്യങ്ങള്‍ക്കായി വാതില്‍ തുറന്ന് യ.എ.ഇ; കൊറോണ വാക്‌സിനെടുത്തവര്‍ക്ക് തിരികെയെത്താം; നിര്‍ദേശങ്ങളുമായി ഐ.സി.എ


    പാര്‍ട്ടിക്ക് വേണ്ടി ജീവന്‍ ത്യജിച്ചും പ്രവര്‍ത്തിച്ചു ;കരുവന്നൂർ തട്ടിപ്പിനെതിരെ പ്രതികരിച്ചപ്പോള്‍ സഖാവിന് വധഭീഷണി, ; ഇപ്പോള്‍ പുറത്താക്കി സിപിഎം


    പാക്കിസ്ഥാന്റെ കാശ്മീര്‍ പ്രീമിയര്‍ ലീഗില്‍നിന്നുള്ള പിന്‍മാറ്റം ഭീഷണിയെ തുടര്‍ന്നല്ലെന്ന് മോണ്ടി പനേസര്‍; കാരണം വ്യക്തമാക്കി ആരോപണത്തിന് മറുപടി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.