×
login
'സിനിമ കാണാന്‍ ആളില്ല'; ബോക്‌സ് ഓഫീസില്‍ തകര്‍ന്നടിഞ്ഞ് ലാല്‍ സിംഗ് ഛദ്ദ; ഒരാഴ്ചക്കുള്ളില്‍ പ്രദര്‍ശനം അവസാവനിപ്പിക്കുമെന്ന് റിപ്പോര്‍ട്ട്

ലാല്‍ സിംഗ് ഛദ്ദ കാണാന്‍ തിയറ്ററില്‍ ആളില്ലാത്തതു കൊണ്ട് ചിത്രത്തിന്റെ 70 ശതമാനം ഷോകളും തിയറ്റര്‍ ഉടമകള്‍ നിര്‍ത്തിയതായും ബോളിവുഡ് ഹംങ്കാമ റിപ്പോര്‍ട്ട് ചെയ്യുന്നു. ആമീര്‍ ഖാന്റെ സിനിമ ജീവിതത്തില്‍ ഏറ്റവും വലിയ പരാജയമായി ലാല്‍ സിംഗ് ഛദ്ദ മാറി.

തിയറ്ററില്‍ റിലീസായി ഒരു ആഴ്ച കഴിഞ്ഞിട്ടും കരകയറാനാകാതെ ആമിര്‍ ഖാന്‍ സിനിമ ലാല്‍ സിംഗ് ഛദ്ദ. 180 കോടി മുതല്‍ മുടക്കില്‍ എടുത്ത സിനിമ 50 കോടി കളക്ഷന്‍ പോലും നേടാന്‍ സാധിച്ചിട്ടില്ലെന്ന് റിപ്പോര്‍ട്ട്.  

2018ലെ തഗ്ഗസ് ഓഫ് ഹിന്ദുസ്ഥാന് ശേഷം ആമിര്‍ ഖാന്റെ തുടര്‍ച്ചയായ രണ്ടാമത്തെ പരാജയ സിനിമയാണിത്.  13 വര്‍ഷത്തിന് ശേഷം ഒരു ആമിര്‍ ഖാന്‍ ചിത്രത്തിന് ലഭിക്കുന്ന ഏറ്റവും ചെറിയ കളക്ഷനാണ് ലാല്‍ സിങ് ചദ്ദക്ക് ലഭിച്ചത്. 1994 ല്‍ ടോം ഹാങ്ക്സ് പ്രധാനവേഷത്തില്‍ എത്തിയ അമേരിക്കന്‍ ചലച്ചിത്രം ഫോറസ്റ്റ് ഗമ്പിന്റെ അഡാപ്റ്റേഷനായിട്ടാണ് ലാല്‍ സിംഗ് ചദ്ദ ഒരുക്കിയിരിക്കുന്നത്. 2018ലാണ് ഫോറസ്റ്റ് ഗമ്പിന്റെ റീമേക്ക് അവകാശം ആമിര്‍ ഖാന്‍ സ്വന്തമാക്കിയത്.

ലാല്‍ സിംഗ് ഛദ്ദ കാണാന്‍ തിയറ്ററില്‍ ആളില്ലാത്തതു കൊണ്ട് ചിത്രത്തിന്റെ 70 ശതമാനം ഷോകളും തിയറ്റര്‍ ഉടമകള്‍ നിര്‍ത്തിയതായും ബോളിവുഡ് ഹംങ്കാമ റിപ്പോര്‍ട്ട് ചെയ്യുന്നു. ആമീര്‍ ഖാന്റെ സിനിമ ജീവിതത്തില്‍ ഏറ്റവും വലിയ പരാജയമായി ലാല്‍ സിംഗ് ഛദ്ദ മാറി. പ്രേക്ഷകര്‍ ഇല്ലാത്തതു കൊണ്ട് കുറച്ച് ദിവസത്തിനകം സിനിമ തിയറ്ററില്‍ പ്രദര്‍ശനം അവസാനിപ്പിക്കുമെന്നും ബോളിവുഡ് ഹംങ്കാമ റിപ്പോര്‍ട്ട് ചെയ്യുന്നു.

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.