×
login
അര്‍ഹതയുള്ളവരെ അംഗീകാരങ്ങള്‍ തേടിയെത്തും; സംസ്ഥാന അവാര്‍ഡ് തിളക്കത്തില്‍ ഇരട്ടി സന്തോഷവുമായി ബിജു ധ്വനിതരംഗ്

അരവിന്ദന്റെ അതിഥികള്‍' എന്ന ചിത്രത്തിന് വേണ്ടി കൊറിയോഗ്രാഫി ചെയ്യാന്‍ അവസരം ലഭിച്ചു. ആ ചിത്രത്തിലെ ഒട്ടു മിക്ക ഗാനങ്ങള്‍ക്കും ബിജു ധ്വനിതരംഗ് തന്നെയാണ് ചുവടുകള്‍ പകര്‍ന്നു നല്‍കിയത്. എന്നാല്‍ ആ വര്‍ഷത്തെ സംസ്ഥാന ചലച്ചിത്ര അവാര്‍ഡ് പ്രഖ്യാപന വേളയില്‍ പ്രസ്തുത ചിത്രത്തിലെ കൊറിയോഗ്രാഫി നിര്‍വ്വഹിച്ച പ്രശസ്തനായ മറ്റൊരു കലാകാരനെയാണ് പുരസ്‌കാരത്തിന് അര്‍ഹനായത്.

പി.ശിവപ്രസാദ്

ഒരു സിനിമയില്‍ ഗാനത്തിനുള്ളത് പോലെ തന്നെ തുല്യമായ പ്രാധാന്യമര്‍ഹിക്കുന്ന ഒന്നാണ് നൃത്തം. നൃത്ത കലാകാരന്മാര്‍ ഒരുപാട് ഉണ്ടെങ്കിലും പലരേയും ലോകം അറിയാതെ പോകുന്നുമുണ്ട് എന്നതാണ് സത്യം. ഈ വര്‍ഷത്തെ സംസ്ഥാന ചലച്ചിത്ര അവാര്‍ഡില്‍ മികച്ച കൊറിയോഗ്രാഫറായി തെരഞ്ഞെടുത്തത് പ്രശസ്ത കലാകാരന്‍ ബിജു ധ്വനിതരംഗിനെ ആണ്.  

ഫ്രൈഡേ ഫിലിം ഹൗസിന്റെ ബാനറില്‍ വിജയ് ബാബു നിര്‍മ്മിച്ച് ഷാനവാസ് നാരായണിപ്പുഴ സംവിധാനം നിര്‍വ്വഹിച്ച 'സൂഫിയും സുജാതയും' എന്ന ചിത്രത്തിന് വേണ്ടി ബിജു ചിട്ടപ്പെടുത്തിയ നൃത്തരംഗങ്ങള്‍ക്ക് ആണ് പുരസ്‌കാരത്തിനര്‍ഹമാക്കിയത്. എന്ത് കൊണ്ടും അര്‍ഹനീയമായ നേട്ടം തന്നെയാണ് ഇപ്പോള്‍ അദ്ദേഹത്തിന് ലഭിച്ചിരിക്കുന്നത്. അത്രമേല്‍ ഓരോ മലയാളിയുടെ മനസ്സിലും സുജാതയുടെ നൃത്ത രംഗങ്ങള്‍ പതിഞ്ഞിട്ടുണ്ട്.

ശ്യാമള സേവിയര്‍ എന്ന സ്വന്തം അമ്മയായ ഗുരുവിന്റെ ശിക്ഷണത്തില്‍ നൃത്തത്തിലെ ബാലപാഠങ്ങള്‍ സ്വായത്തമാക്കിയ ബിജു ധ്വനിതരംഗ് പ്രശസ്തമായ ആര്‍എല്‍വി കോളേജില്‍ നിന്നും ഭരതനാട്യത്തില്‍ ബിഎ എടുക്കുകയുണ്ടായി. ഒരുപാട് സ്റ്റേജ് പ്രോഗ്രാമുകള്‍ കഴിവുള്ള കലാകാരന്മാരോടൊപ്പം ചെയ്യാന്‍ ഭാഗ്യം ലഭിച്ച ഇദ്ദേഹം ഒട്ടനവധി നടീനടന്മാര്‍ക്ക് നൃത്തത്തില്‍ ഗുരുവായിട്ടുണ്ട്. ശേഷമാണ് മലയാള സിനിമാ പ്രവേശനം.  

ആദ്യമായി 2014ല്‍ പുറത്തിറങ്ങിയ ഉണ്ണിമുകുന്ദന്‍ സനുഷ പ്രയാഗ മാര്‍ട്ടിന്‍ കൂട്ടുകെട്ടില്‍ പുറത്തിറങ്ങിയ 'ഒരു മുറൈ വന്ത് പാര്‍ത്തായ' എന്ന ചിത്രത്തിനാണ് നൃത്ത രംഗങ്ങള്‍ പകര്‍ന്ന് നല്‍കിയത്. പിന്നീട് 2018ല്‍ പുറത്തിറങ്ങിയ എം. മോഹന്‍ സംവിധാനം നിര്‍വ്വഹിച്ച 'അരവിന്ദന്റെ അതിഥികള്‍' എന്ന ചിത്രത്തിന് വേണ്ടി കൊറിയോഗ്രാഫി ചെയ്യാന്‍ അവസരം ലഭിച്ചു. ആ ചിത്രത്തിലെ ഒട്ടു മിക്ക ഗാനങ്ങള്‍ക്കും ബിജു ധ്വനിതരംഗ് തന്നെയാണ് ചുവടുകള്‍ പകര്‍ന്നു നല്‍കിയത്. എന്നാല്‍ ആ വര്‍ഷത്തെ സംസ്ഥാന ചലച്ചിത്ര അവാര്‍ഡ് പ്രഖ്യാപന വേളയില്‍ പ്രസ്തുത ചിത്രത്തിലെ കൊറിയോഗ്രാഫി നിര്‍വ്വഹിച്ച പ്രശസ്തനായ മറ്റൊരു കലാകാരനെയാണ് പുരസ്‌കാരത്തിന് അര്‍ഹനായത്. 

ടൈറ്റിലില്‍ തന്റെ പേര് ഇല്ലാത്തതിനെ തുടര്‍ന്നാണ് ഇങ്ങനെ സംഭവിച്ചതെന്ന് അന്നത്തെ ജൂറി അംഗങ്ങള്‍ വാദിച്ചു. എന്തായാലും അര്‍ഹതയുള്ളവരെ അതിന്റെ അംഗീകാരം തേടിയെത്തും എന്നതിനുള്ള തെളിവായാണ് ഈ നേട്ടത്തെ ബിജു ധ്വനിതരംഗ് കാണുന്നത്. ഇത് ഇരട്ടി മധുരം എന്നാണ് അദ്ദേഹത്തിന്റെ വാക്കുകള്‍.

ലോക്കഡോണ്‍ കാലഘട്ടത്തില്‍ അമ്മയായ ശ്യാമള സേവിയറും ഒത്തു ചെയ്ത് സാമൂഹ്യ മാധ്യമങ്ങളില്‍ പോസ്റ്റ് ചെയ്ത നൃത്ത രംഗങ്ങള്‍ എല്ലാം തന്നെ വൈറല്‍ ആയിരുന്നു. സിത്താര കൃഷ്ണകുമാറിന്റെ തരംഗമായി മാറിയ മ്യൂസിക്കല്‍ ആല്‍ബം 'തരുണി' യുടെയും നൃത്തച്ചുവടുകള്‍ ഇദ്ദേഹത്തിന്റെ സ്വന്തമായിരുന്നു. 'കണ്ണാടി', സ്റ്റാന്‍ഡേര്‍ഡ് 10 ഇ, ഖെദ്ദ എന്നീ ചിത്രങ്ങളാണ് ഇനി ഇദ്ദേഹത്തിന്റെതായി ഇറങ്ങാനുള്ളത്.

 

 

    comment

    LATEST NEWS


    വിവാദങ്ങളുമായി ആഷസ് ഒന്നാം ക്രിക്കറ്റ് ടെസ്റ്റ്; 14 നോബോള്‍ എറിഞ്ഞ് സ്റ്റോക്‌സ്; അമ്പയര്‍ വിളിച്ചത് രണ്ടെണ്ണം മാത്രം; വിമര്‍ശനവുമായി ഓസീസ് ആരാധകര്‍


    യു.എ.ഇ ഗോള്‍ഡന്‍ വിസ സ്വന്തമാക്കി നടന്‍ നിവിന്‍ പോളിയും, സംവിധായകന്‍ റോഷന്‍ ആന്‍ഡ്രൂസും


    പൗരത്വ ഭേദഗതി നിയമത്തിനെതിരെയുള്ള കലാപത്തിന്‍റെ മുഖ്യസൂത്രധാരന്‍ ഷര്‍ജില്‍ ഇമാമിന് ദല്‍ഹി കോടതി ജാമ്യം അനുവദിച്ചു


    കണ്ണന്‍ താമരക്കുളത്തിന്റെ 'ഉടുമ്പ്'നാളെ പുറത്തിറങ്ങും; ഡിസംബര്‍ അവസാനത്തോടെ ബോളിവുഡില്‍ ചിത്രീകരണം ആരംഭിക്കും


    നിര്‍മ്മിച്ചത് രണ്ടു വര്‍ഷം എടുത്ത്; ഗുരുവായൂരപ്പന് മയില്‍പ്പീലി വയലിനുമായി പ്രിയന്‍


    ഒരു വര്‍ഷം നീണ്ട കര്‍ഷകസമരം അവസാനിച്ചു; കര്‍ഷകര്‍ ഡിസംബര്‍ 11ന് ദല്‍ഹി അതിര്‍ത്തികള്‍ വിട്ട് നാട്ടിലേക്ക് മടങ്ങും

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.