×
login
'അവസാനം ബോണി കപ്പൂറും സൈബര്‍ തട്ടിപ്പിന് ഇര'; ആരും അറിയാതെ ക്രെഡിറ്റ് കാര്‍ഡിന് വിരുദ്ധന്‍മാര്‍ തട്ടിയത് 3.82 ലക്ഷം; അമ്പരന്ന് സിനിമ ലോകം

ബോണി കപ്പൂറിന്റെ ക്രെഡിറ്റ് കാര്‍ഡ് ഉപയോഗിച്ച് അദ്ദേഹത്തിന്റെ അക്കൗണ്‍ഡില്‍ നിന്നും 3.82 ലക്ഷം രൂപ തട്ടിയതായാണ് റിപ്പോര്‍ട്ട്. പ്രതികള്‍ ക്രെഡിറ്റ് കാര്‍ഡ് ഉപയോഗിച്ച് അഞ്ച് തട്ടിപ്പ് ഇടപാടുകള്‍ നടത്തിയതായാണ് സൂചന.

സാധാരണക്കാര്‍ മുതല്‍ സെലിബ്രിറ്റികള്‍ വരെ സെബര്‍ കുറ്റകൃത്യങ്ങള്‍ക്ക് ഇരയായകുന്ന കാലം. ഇപ്പോള്‍ ആ സ്ഥാനത്ത് ഇടം പിടിച്ചിരിക്കുകയാണ് പ്രശസ്ത ബോളിവുഡ് നിര്‍മ്മാതാവ് ബോണി കപൂര്‍. സൈബര്‍ തട്ടിപ്പ് കേസില്‍ അടുത്തിടെ അദ്ദേഹത്തിന്റെ ക്രെഡിറ്റ് കാര്‍ഡ് ദുരുപയോഗം ചെയ്‌തെന്നാണ് ഇപ്പോള്‍ പുറത്ത് വരുന്ന വാര്‍ത്ത. ഈ വിഷയം സമൂഹമാധ്യമങ്ങളിലും ബോളിവുഡിലും വലിയ കൊലിളക്കം തന്നെ സൃഷ്ടിച്ചിട്ടുണ്ട്.

ബോണി കപ്പൂറിന്റെ ക്രെഡിറ്റ് കാര്‍ഡ് ഉപയോഗിച്ച് അദ്ദേഹത്തിന്റെ അക്കൗണ്‍ഡില്‍ നിന്നും 3.82 ലക്ഷം രൂപ തട്ടിയതായാണ് റിപ്പോര്‍ട്ട്. പ്രതികള്‍ ക്രെഡിറ്റ് കാര്‍ഡ് ഉപയോഗിച്ച് അഞ്ച് തട്ടിപ്പ് ഇടപാടുകള്‍ നടത്തിയതായാണ് സൂചന. തന്റെ അക്കൗണ്ടില്‍ നിന്ന് പണം പിന്‍വലിച്ചതിനെ തുടര്‍ന്ന് ബാങ്കിനോട് അന്വേഷിച്ചപ്പോഴാണ് ക്രെഡിറ്റ് കാര്‍ഡ് ദുരുപയോഗം ചെയ്തതായി ശ്രദ്ധയില്‍പ്പെട്ടത്. തുടര്‍ന്ന് പോലീസില്‍ പരാതി നല്‍കി.

സംഭവത്തില്‍ ഐപിസി, ഇന്‍ഫര്‍മേഷന്‍ ടെക്നോളജി ആക്ട് പ്രകാരവും മുംബൈയിലെ അംബോലി പോലീസ് സ്റ്റേഷനില്‍ പരാതി നല്‍കിയിട്ടുണ്ട്.  തന്റെ ക്രെഡിറ്റ് കാര്‍ഡ് വിശദാംശങ്ങളുമായി ബന്ധപ്പെട്ട് തനിക്ക് ഒരു ഫോണ്‍ കോളും ലഭിച്ചിട്ടില്ലെന്നും ആരും തന്നോട് ക്രെഡിറ്റ് കാര്‍ഡ് ആവശ്യപ്പെട്ടിട്ടില്ലെന്നും അദ്ദേഹത്തിന്റെ പരാതിയില്‍ പറയുന്നു. ബോണി കാര്‍ഡ് ഉപയോഗിക്കുമ്പോള്‍ ആര്‍ക്കെങ്കിലും വിവരങ്ങള്‍ ലഭിച്ചതാകാമെന്ന് പോലീസ് സംശയം പ്രകടിപ്പിച്ചു. അക്കൗണ്ടില്‍ നിന്നുള്ള പണം ഗുരുഗ്രാം ആസ്ഥാനമായുള്ള ഒരു കമ്പനിയുടെ അക്കൗണ്ടിലേക്ക് അയച്ചതായും റിപ്പോര്‍ട്ടുണ്ട്.

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.