.jpg)
സൗഹൃദത്തോടെ ഒരുമിച്ച് നടക്കാന്‍ കഴിയുന്നില്ലെങ്കില്‍ നമുക്ക് വേറിട്ട് നടക്കാം.
കഴിഞ്ഞ ദിവസം പുനര്‍വിവാഹം ചെയ്ത നടന്‍ ആശിഷ് വിദ്യാര്‍ത്ഥി അതേ കുറിച്ചും ആദ്യ ഭാര്യ പിലുവില്‍ നിന്ന് വിവാഹമോചനം നേടിയത് സംബന്ധിച്ചും സാമൂഹ്യ മാധ്യമത്തിലൂടെ പ്രതികരിച്ചു.വിവാഹമോചനം വിശദീകരിക്കുന്ന വീഡിയോ പോസ്റ്റ് ചെയ്യുകയും വിവാഹമോചനത്തിന് ശേഷം വസ്ത്രശാല ഉടമ രൂപാലി ബറുവെയെ കണ്ടുമുട്ടുന്നതിനെക്കുറിച്ചും വെളിപ്പെടുത്തി.
''നമ്മളെല്ലാവരും സന്തോഷവാനായിരിക്കാന്‍ ആഗ്രഹിക്കുന്നു. അങ്ങനെ, ഏകദേശം 22 വര്‍ഷം മുമ്പ്, പിലൂവും ഞാനും കണ്ടുമുട്ടി, ഞങ്ങള്‍ വിവാഹിതരായി. ഞങ്ങള്‍ക്ക് ഇപ്പോള്‍ 22 വയസുള്ള ആര്‍ത് ഉണ്ടായിരുന്നു. അവന്‍ ജോലി ചെയ്യുന്നു. എന്നാല്‍ കഴിഞ്ഞ രണ്ട് വര്‍ഷമായി, ഞങ്ങള്‍ ഭാവിയെ എങ്ങനെ കാണുന്നു എന്നതില്‍ വ്യത്യസ്ത അഭിപ്രായമുണ്ടെന്ന് തോന്നി. ഭിന്നതകള്‍ പരിഹരിക്കാന്‍ ഞങ്ങള്‍ പരമാവധി ശ്രമിച്ചു. പരിഹരിക്കാന്‍ കഴിയുമെങ്കിലും അത് നമ്മില്‍ ഒരാള്‍ മറ്റൊരാളുടെ മേല്‍ അടിച്ചേല്‍പ്പിക്കുന്ന തരത്തിലായിരിക്കും. അത് സന്തോഷം കെടുത്തും. സന്തോഷം മാത്രമാണല്ലോ നമ്മള്‍ ആഗ്രഹിക്കുന്നത്.
സൗഹൃദത്തോടെ ഒരുമിച്ച് നടക്കാന്‍ കഴിയുന്നില്ലെങ്കില്‍ നമുക്ക് വേറിട്ട് നടക്കാം. എന്നാല്‍ സൗഹൃദം തുടരാം എന്ന് തീരുമാനിച്ചു. അതാണ് ഞങ്ങള്‍ ചെയ്തത്. എന്നാല്‍ ആരെങ്കിലും കൂടെ വേണമെന്ന് ആഗ്രഹിക്കുന്നതിനാല്‍ എനിക്ക് വിവാഹം കഴിക്കണമെന്ന് ഉണ്ടായിരുന്നു- ആശിഷ് വിദ്യാര്‍ത്ഥി പറഞ്ഞു.
എനിക്ക് 55 വയസായിരുന്നു. അങ്ങനെയാണ് ഞാന്‍ രൂപാലി ബറുവയെ പരിചയപ്പെടുന്നത്. ഞങ്ങള്‍ ചാറ്റ് ചെയ്തു. ഒരു വര്‍ഷം മുമ്പ് ഞങ്ങള്‍ കണ്ടുമുട്ടി. ഭാര്യാഭര്‍ത്താക്കന്മാരായി ഒരുമിച്ച് നടക്കാമെന്ന് ഞങ്ങള്‍ കരുതി. അങ്ങനെ ഞാനും രൂപാലിയും വിവാഹിതരായി. രുപാലിക്ക് 50 വയസും എനിക്ക് 57 വയസുമുണ്ട്. പ്രായം പ്രശ്‌നമേയല്ല .
ആശിഷിന്റെയും രൂപാലിയുടെയും വിവാഹ ചിത്രങ്ങള്‍ സാമൂഹ്യ മാധ്യമങ്ങളില്‍ വൈറലായിരിക്കുകയാണ്. വിവാഹമോചനത്തെക്കുറിച്ച് സംസാരിക്കുമ്പോള്‍, ആശിഷിന്റെ ആദ്യ ഭാര്യയും നടിയുമായ പൈലു പറഞ്ഞത് ഇങ്ങനെ . ''അതെ, അതിനെക്കുറിച്ച് ആളുകളോട് പറയണമെന്ന് ഞങ്ങള്‍ക്ക് തോന്നിയില്ല. മാധ്യമ സംപ്രേക്ഷണം, എല്ലാവരെയും അറിയിക്കല്‍ എന്നിവയില്‍ താത്പര്യമില്ല. ഞങ്ങള്‍ രണ്ടുപേരും നല്ല സുഹൃത്തുക്കളാണ്. ഈ 22 വര്‍ഷങ്ങള്‍ എന്റെ ജീവിതത്തിലെ ഏറ്റവും നല്ല ഭാഗമായിരുന്നു. നിങ്ങള്‍ അദ്ദേഹത്തോട് ചോദിച്ചാല്‍ ഒരുപക്ഷേ ഇതേ മറുപടിയാകും കിട്ടുക.
കൊല്‍ക്കത്തയില്‍ വച്ച് നടന്ന വിവാഹത്തില്‍ ആശിഷിന്റെയും രുപാലിയുടെയും അടുത്ത ബന്ധുക്കളും സുഹൃത്തുക്കളുമാണ് പങ്കെടുത്തത്. പാതി മലയാളിയാണ് ആശിഷ് വിദ്യാര്‍ത്ഥി.
ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.
ഹിന്ദു വംശഹത്യയെക്കുറിച്ച് പറയുന്ന സിനിമയെ തകര്‍ക്കാന്‍ സിപിഎം ശ്രമമെന്ന് രാമസിംഹന്‍; സുരേന്ദ്രന്‍ പണം തന്നില്ലെന്ന നുണപ്രചാരണം വഴിയും തകര്‍ക്കുന്നു
രാമായണം സീരിയല്‍ ഹിന്ദുത്വ അജണ്ട വലിയ തോതില്‍ പ്രചരിപ്പിച്ചു; ആര്‍ആര്‍ആറിലും ഹിന്ദുത്വ അജണ്ട;ഗോള്‍ഡന്‍ ഗ്ലോബ് ലഭിച്ചത് കച്ചവടതാത്പര്യത്തിലെന്നും കമല്‍
കശ്മീരി ഫയല്‍സിനു പിന്നാലെ കേരള സ്റ്റോറി;കേരളത്തിലെ തീവ്രവാദവും ബോളിവുഡിലേക്ക്;ഐഎസ് റിക്രൂട്ട്‌മെന്റ് കഥ പറയുന്ന ചിത്രത്തിന്റെ ടീസര്‍ പുറത്ത് (വീഡിയോ)
തെരുവുനായ്ക്കളെ കൊല്ലുന്നത് നിര്‍ത്തൂ; കുറ്റം ചെയ്യുന്ന മനുഷ്യനെ ശിക്ഷിക്കുന്നു, പക്ഷേ, കൊല്ലുന്നില്ല; നായ്ക്കള്‍ക്ക് പിന്തുണയുമായി നടി മൃദുല മുരളി
വിജയ് ചിത്രം 'ബീസ്റ്റ്' വിലക്കണം; റിലീസായാല്‍ അസാധാരണ സാഹചര്യം; പ്രദര്‍ശനം തടയണമെന്ന് ആവശ്യപ്പെട്ട് മുസ്ലീം ലീഗ്
'പുഴ മുതല്‍ പുഴ വരെ' എല്ലാ ഹിന്ദുക്കളും കാണണം, ഇല്ലെങ്കില്‍ നാളെ ഇവിടെ ഹിന്ദുവായിട്ട് ജീവിക്കാന്‍ പറ്റില്ല: കണ്ണീര്‍ വാര്‍ത്ത് യുവതി