login
നസീര്‍ മടങ്ങിയത് ആ മോഹം സാധിക്കാതെ

പ്രേംനസീര്‍ തന്റെ ഒരാഗ്രഹം ബാക്കിവെച്ചാണ് യാത്രയായത്. ശ്രീനിവാസന്‍ കഥയെഴുതി മോഹന്‍ലാലിനെ നായകനാക്കി ഒരു ചിത്രം സംവിധാനം ചെയ്യണമെന്ന നസീറിന്റെ ആഗ്രഹം സാധിച്ചില്ല. മലയാള സിനിമാ രംഗത്തെയും അല്ലാതെയുമുള്ള അനേകം പേര്‍ക്ക് ഒരാശ്രയം തന്നെയായിരുന്നു പ്രേംനസീര്‍. അദ്ദേഹത്തിന്റെ കബറടക്കത്തിന് ചിറയിന്‍കീഴ് എന്ന ഗ്രാമത്തില്‍ തടിച്ചുകൂടിയ മനുഷ്യമഹാസാഗരം അത് ശരിവയ്ക്കുന്നതായിരുന്നു.

മലയാള സിനിമയിലെ നിത്യഹരിത നായകനായിരുന്ന പ്രേംനസീര്‍ അന്തരിച്ചിട്ട് 32 വര്‍ഷം തികയുകയാണ്. ചിറയിന്‍കീഴിലെ ആക്കോട്ടുതറ  വീട്ടില്‍ എ. ഷാഹുല്‍ ഹമീദിന്റെയും അസുമാ ബീവിയുടെയും രണ്ടാമത്തെ മകനായി ജനിച്ച അബ്ദുല്‍ ഖാദര്‍ ഏഴാം ക്ലാസില്‍ പഠിക്കുമ്പോഴാണ് രാജാംഗുലീയം എന്ന നാടകത്തിലെ സുലൈമാന്‍ എന്ന കഥാപാത്രത്തെ അവതരിപ്പിച്ചത്. ചങ്ങനാശ്ശേരി എസ്ബി കോളജില്‍ ഇന്റര്‍മീഡിയറ്റിന് പഠിക്കുന്ന അവസരത്തില്‍ നാടകങ്ങളില്‍ അഭിനയിച്ച് ശ്രദ്ധ നേടിയിരുന്നു. മുന്‍ഷി പരമുപിള്ള അബ്ദുല്‍ ഖാദറിന്റെ അനുജന്‍ അബ്ദുള്‍ വഹാബിനെ (പ്രേംനവാസ്)നായകനാക്കി ഒരു സിനിമ നിര്‍മിക്കാന്‍ ആഗ്രഹിച്ചിരുന്നു. അബ്ദുല്‍ ഖാദറിനെ നേരില്‍ കണ്ട മുന്‍ഷി അദ്ദേഹത്തെ നായകനാക്കി സിനിമ നിര്‍മിക്കാമെന്ന തീരുമാനത്തിലെത്തി. അങ്ങനെ അബ്ദുല്‍ ഖാദറിന് മരുമകള്‍ എന്ന ചിത്രത്തിലഭിനയിക്കാന്‍ അവസരം ലഭിച്ചു. എസ്.കെ. ചാരിയാണ് ചിത്രം സംവിധാനം ചെയ്തത്. നെയ്യാറ്റിന്‍കര കോമളമായിരുന്നു ചിത്രത്തിലെ നായിക. ചിത്രം ദയനീയമായി പരാജയപ്പെട്ടെങ്കിലും അബ്ദുള്‍ ഖാദറിന് വിശപ്പിന്റെ വിളി, അച്ഛന്‍ എന്നീ സിനിമകളിലും നായക നടനാകാന്‍ കഴിഞ്ഞു.

വിശപ്പിന്റെ വിളി എന്ന ചിത്രം നൂറ് ദിവസത്തിലധികം തിയേറ്ററുകളില്‍ പ്രദര്‍ശിപ്പിക്കാനും വമ്പിച്ച വിജയം നേടാനും കഴിഞ്ഞു. ഈ അവസരത്തിലാണ് തിക്കുറിശ്ശി സുകുമാരന്‍ നായര്‍ അബ്ദുള്‍ ഖാദറിന് പ്രേംനസീര്‍ എന്ന പേര് നല്‍കിയത്. അറുനൂറ്റി അമ്പതിലധികം ചിത്രങ്ങളില്‍ അഭിനയിച്ച് പ്രേംനസീര്‍ ഗിന്നസ് ബുക്കില്‍ ഇടംനേടുകയുണ്ടായി. ലാല്‍ അമേരിക്കയില്‍ എന്ന ചിത്രമാണ് നസീര്‍ അഭിനയിച്ച ചിത്രങ്ങളില്‍ ഒടുവില്‍ പ്രദര്‍ശനത്തിനെത്തിയത്. പ്രശസ്ത നടന്‍ സത്യനൊപ്പം നിരവധി ചിത്രങ്ങളില്‍ അഭിനയിച്ചിട്ടുള്ള പ്രേംനസീര്‍- നടി ഷീലയ്‌ക്കൊപ്പം 118 ചിത്രങ്ങളിലാണ് നായകനായത്.  

നസീര്‍ അഭിനയിച്ച ഇരുട്ടിന്റെ ആത്മാവ് മികച്ച സാമൂഹ്യ ചിത്രത്തിനുള്ള ദേശീയ പുരസ്‌കാരം നേടിയിരുന്നു. നസീറിന്റെ അഭിനയ മികവ് തെളിയിക്കുന്ന നിരവധി ചിത്രങ്ങളില്‍ മുറപ്പെണ്ണ്, അസുരവിത്ത് എന്നിവ ഉള്‍പ്പെടുന്നു. നാലു പതിറ്റാണ്ടുകാലം മലയാള സിനിമാ രംഗത്ത് ഒരു നന്മമരം കണക്കെ ശോഭിച്ചിരുന്ന പ്രേംനസീര്‍ പല നിര്‍മാതാക്കള്‍ക്കും പാവപ്പെട്ടവര്‍ക്കും ഒരത്താണിയായിരുന്നു. നടനും നിര്‍മാതാവും സംവിധായകനുമായിരുന്ന ടി.എസ്. മുത്തയ്യക്ക് നസീര്‍ നല്‍കിപ്പോന്ന സഹായം അദ്ദേഹത്തിന്റെ മരണശേഷം നസീറിന്റെ കുടുംബവും നല്‍കിപ്പോന്നു.

ഇന്ത്യന്‍ സിനിമാ ലോകത്തില്‍ തന്നെ ഒരദ്ഭുത പ്രതിഭാസമായിരുന്ന പ്രേംനസീറിനെ 1985 ല്‍ പത്മഭൂഷണ്‍ ബഹുമതി നല്‍കി കേന്ദ്രസര്‍ക്കാര്‍ ആദരിച്ചു.

1989 ജനുവരി മാസം ഒരു ഫിലിം പൂജാ കര്‍മത്തിന് പോകാനുള്ള തയ്യാറെടുപ്പിനിടെ വല്ലായ്മ തോന്നിയ നസീറിനെ പരിശോധിച്ച ഡോക്ടര്‍ രണ്ടുദിവസത്തിനുള്ളില്‍ ആശുപത്രി വിടാനാകുമെന്ന് പറഞ്ഞെങ്കിലും അദ്ദേഹത്തിന് രോഗം മൂര്‍ച്ഛിക്കുകയും 1989 ജനുവരി 16 ന് അദ്ദേഹം അന്തരിക്കുകയും ചെയ്തു.

പ്രേംനസീര്‍ തന്റെ ഒരാഗ്രഹം ബാക്കിവെച്ചാണ് യാത്രയായത്. ശ്രീനിവാസന്‍ കഥയെഴുതി മോഹന്‍ലാലിനെ നായകനാക്കി ഒരു ചിത്രം സംവിധാനം ചെയ്യണമെന്ന നസീറിന്റെ ആഗ്രഹം സാധിച്ചില്ല. മലയാള സിനിമാ രംഗത്തെയും അല്ലാതെയുമുള്ള അനേകം പേര്‍ക്ക് ഒരാശ്രയം തന്നെയായിരുന്നു പ്രേംനസീര്‍. അദ്ദേഹത്തിന്റെ  കബറടക്കത്തിന് ചിറയിന്‍കീഴ് എന്ന ഗ്രാമത്തില്‍ തടിച്ചുകൂടിയ മനുഷ്യമഹാസാഗരം അത് ശരിവയ്ക്കുന്നതായിരുന്നു.

 

    comment
    • Tags:

    LATEST NEWS


    'പിസി ജോര്‍ജ് മുസ്ലീങ്ങളെ ഒറ്റപ്പെടുത്തുന്നു; പിണറായി നിയമനടപടി സ്വീകരിക്കണം'; പൂഞ്ഞാര്‍ എംഎല്‍എക്കെതിരെ ആനി രാജ മുതല്‍ ബിന്ദു അമ്മിണിവരെ രംഗത്ത്


    'അഭിമന്യുവിന്റെ കൊലയില്‍ ഇരയും വേട്ടക്കാരനും സിപിഎം; അന്വേഷണം പോലീസ് ശക്തമാക്കണം'; സമാധാന അന്തരീക്ഷം തകര്‍ക്കാന്‍ ശ്രമമെന്ന് ആര്‍എസ്എസ്


    ഇസ്ലാമിക രാജ്യത്തിനായി ജനങ്ങളുടെ തലയറത്തു; പാല്‍മയില്‍ ഭീകരരുടെ കൊടും ക്രൂരത; ആക്രമത്തില്‍ ഭീതിപൂണ്ട് മൊസാംബിക്കില്‍ കൂട്ടപാലായനം


    'കൊറോണയുടെ അതിവ്യാപനം തടയാന്‍ മുന്‍നിരയില്‍ നിസ്വാര്‍ത്ഥം പ്രവര്‍ത്തിക്കുന്നു'; ആര്‍എസ്എസിന് സ്‌പെഷ്യല്‍ പോലീസ് പദവി നല്‍കി സര്‍ക്കാര്‍


    കോവിഡിനെതിരായ ഇന്ത്യയുടെ പോരാട്ടത്തില്‍ സഹായവുമായി മുകേഷ് അംബാനിയും; ശുദ്ധീകരണശാലകളില്‍ല്‍നിന്ന് സൗജന്യമായി ഓക്‌സിജന്‍ വിതരണം ചെയ്യുന്നു


    'ഭാവിയിലെ ഭീഷണികളെ നേരിടാന്‍ ദീര്‍ഘകാല പദ്ധതികളും തന്ത്രങ്ങളും തയ്യാറാക്കണം'; വ്യോമസേന കമാന്‍ഡര്‍മാരോട് പ്രതിരോധ മന്ത്രി രാജ്‌നാഥ് സിംഗ്


    'ആദ്യം എംജി രാധാകൃഷ്ണന്‍ എകെജി സെന്ററിലെത്തി മാപ്പ് പറഞ്ഞു; രണ്ടാമത് വിനു വി. ജോണും മാപ്പുപറയാനെത്തി'; ഏഷ്യാനെറ്റിനെതിരെ വെളിപ്പെടുത്തലുമായി സിപിഎം


    11.44 കോടി കോവിഡ് വാക്‌സിന്‍ ഡോസുകള്‍ രാജ്യത്ത് വിതരണം ചെയ്തു; 24 മണിക്കൂറില്‍ 33 ലക്ഷം ഡോസ് വാക്‌സിന്‍ നല്‍കി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.