സതീഷ് നായര് ‘ റെജിന ‘ എന്ന ബഹു ഭാഷാ സിനിമയിലൂടെ സംഗീത സംവിധായകനും നിര്മ്മാതാവുമായി രംഗ പ്രവേശം നടത്തുന്നു. പ്രശസ്ത തെന്നിന്ത്യന് നടി സുനൈനയെ നായികയാക്കി ഡോമിന്.ഡി.സില്വ മലയാളം, തമിഴ്, തെലുങ്ക്, ഹിന്ദി എന്നീ ഭാഷകളിലായി അണിയിച്ചൊരുക്കുന്ന ചിത്രമാണിത്. അതിനെ കുറിച്ച് സതീഷ് നായര്
‘ ഞാനൊരു വ്യവസായിയാണ് . സിനിമ എന്റെ പുതിയ സംരംഭവും.ഒന്നര വര്ഷം മുന്പ് എസ് എന് മൂസിക്കല് എന്ന പേരില് ഒരു യൂട്യൂബ് ചാനല് തുടങ്ങി. ഞാന് തന്നെ സംഗീതം നല്കിയ ഗാന ആല്ബങ്ങള് അതില് അപ് ലോഡ് ചെയ്തു. വലിയ സ്വീകരണമാണ് ലഭിച്ചത്. ആ സമയത്താണ് ഡോമിന്. ഡി.സില്വ ‘ റെജിന ‘ യുടെ കഥ എന്നോട് പറഞ്ഞത്. കഥ എനിക്ക് നന്നേ ഇഷ്ടപ്പെട്ടു. എന്തു കൊണ്ട് എനിക്കു തന്നെ നിര്മ്മിച്ചു കൂടാാാ ? മാത്രമല്ലാ സംഗീതത്തിലുള്ള എന്റെ കഴിവ് വെളിപ്പെടുത്താനുള്ള ഒരു അവസരവും കിട്ടുമല്ലോ എന്ന് തോന്നി . അങ്ങനെ നല്ലൊരു സന്ദര്ഭം ഒത്തു വന്നപ്പോള് നിര്മ്മാതാവും സംഗീത സംവിധായകനുമാവാന് തീരുമാനിച്ചു.’
‘ റെജിന ‘ ക്ക് വേണ്ടി മലയാളത്തില് ഹരി നാരായണന് രചിച്ച് സതീഷ് നായര് സംഗീതം നല്കി രമ്യാ നമ്പീശന് പാടിയ ഗാനം കഴിഞ്ഞ ദിവസം റെക്കോര്ഡ് ചെയ്തു. വന്ദനാ ശ്രീനിവാസന്, കല്പന, ചിന്മയി എന്നീ ഗായികമാരാണ് ഇതര ഭാഷകള്ക്കായി പാടിയവര്. ക്രൈം ത്രില്ലറായ ‘ റെജിന ‘ യെ കുറിച്ചുളള കൂടുതല് വിവരങ്ങള് ഉടന് വെളിപ്പെടുത്തുമെന്നും സതീഷ് നായര് അറിയിച്ചു.
