×
login
ഇന്ത്യയുടെ ബാങ്കിങ് മേഖല പുതുയുഗത്തിലേക്ക്; സ്വാതന്ത്ര്യദിനത്തില്‍ 75 ഡിജിറ്റല്‍ ബാങ്കുകള്‍ തുറക്കും, പൂര്‍ണമായും കടലാസുരഹിതം

75 ജില്ലകളും നിശ്ചയിച്ചു. ഏതൊക്കെ ബാങ്കുകളാണ് ഡിജിറ്റല്‍ യൂണിറ്റുകള്‍ തുറക്കുന്നതെന്നും തീരുമാനിച്ചു. ലക്ഷദ്വീപില്‍ അടക്കം ഡിജിറ്റല്‍ ബാങ്ക് തുടങ്ങുന്നുണ്ട്.

ന്യൂദല്‍ഹി: ഇന്ത്യയുടെ ബാങ്കിങ് മേഖല പുതുയുഗത്തിലേക്കു കടക്കുന്നു. പൂര്‍ണമായും കടലാസുരഹിത ബാങ്കിങ് സംവിധാനമാണിത്. മുഴുവന്‍ പൗരന്മാര്‍ക്കും അതിവേഗത്തിലും തടസ്സരഹിതവുമായി ബാങ്കിങ് സൗകര്യമൊരുക്കുകയാണ് ലക്ഷ്യം. ഇതിന്റെ മുന്നോടിയായി ഈ സ്വാതന്ത്ര്യദിനത്തില്‍, രാജ്യത്തെ 75 ജില്ലകളില്‍ ഡിജിറ്റല്‍ ബാങ്കുകള്‍ തുറക്കും. പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യും. സ്വാതന്ത്ര്യത്തിന്റെ 75-ാം വാര്‍ഷികത്തോടനുബന്ധിച്ചാണിത്.

എഴുപത്തഞ്ചു ഡിജിറ്റല്‍ ബാങ്കിങ് യൂണിറ്റുകളും (ഡിബിയു) പൂര്‍ണമായും കടലാസുരഹിതമായിരിക്കും. മാത്രമല്ല, ഇടപാടുകാരെ ഡിജിറ്റല്‍ ബാങ്കിങ് പഠിപ്പിച്ചു കൊടുക്കുന്ന കേന്ദ്രങ്ങളായും ഇവ വര്‍ത്തിക്കും. 75 ജില്ലകളും നിശ്ചയിച്ചു. ഏതൊക്കെ ബാങ്കുകളാണ് ഡിജിറ്റല്‍ യൂണിറ്റുകള്‍ തുറക്കുന്നതെന്നും തീരുമാനിച്ചു. ലക്ഷദ്വീപില്‍ അടക്കം ഡിജിറ്റല്‍ ബാങ്ക് തുടങ്ങുന്നുണ്ട്.

മുഴുവന്‍ പൊതുമേഖലാ ബാങ്കുകളും 10 സ്വകാര്യ ബാങ്കുകളുമാണ് ഇതില്‍ പങ്കാളികളാകുന്നത്. ബജറ്റിലെ പ്രഖ്യാപനമാണിത്. പൈലറ്റ് പദ്ധതി ആര്‍ബിഐയുടെ നിരീക്ഷണത്തിലാകും നടപ്പാക്കുക.

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.