×
login
ഓരോ മണിക്കൂറിലും 68 കോടി സ്മാര്‍ട്ഫോണുകള്‍ വിറ്റു; ഉത്സവകാല വില്‍പ്പനയിലുടെ ഫ്‌ളിപ്കാര്‍ട്ടും ആമസോണും ഇന്ത്യയില്‍ നിന്ന് നേടിയത് കോടികള്‍

ബിഗ് ബില്യണ്‍ ഡേ സെയിലിലൂടെ ഫ്ളിപ്കാര്‍ട്ടിലാണ് ഏറ്റവും കൂടുതല്‍ കച്ചവടം നടന്നത്. ആമസോണ്‍ ആണ് തൊട്ടുപിന്നില്‍.

മുംബൈ : ഉത്സവകാല വില്‍പ്പനയിലൂടെ ഇന്ത്യയില്‍ നിന്നും കോടികള്‍ നേടി ഇ കോമേഴ്‌സ് വെബ്‌സൈറ്റുകള്‍. കോവിഡ് കാലത്തും ഉത്സവ സീസണില്‍ ഇത്തവണ വന്‍ വില്‍പ്പനയാണ് ഉണ്ടായിരിക്കുന്നത്. മൊബൈല്‍ ഫോണുകള്‍ ഫാഷന്‍ ഉത്പ്പന്നങ്ങള്‍ എന്നിവയാണ് ഇത്തവണ കൂടുതലായി വിറ്റഴിക്കപ്പെട്ടത്.  

ഉത്സവകാല ഓഫറുകളിലൂടെ ഫ്‌ളിപ്പ്കാര്‍ട്ടും ആമസോണും ഇന്ത്യയില്‍ നിന്നും 32000 കോടിയുടെ വില്‍പ്പനയാണ് നേടിയത്. ആമസോണിലെ ഗ്രേറ്റ് ഇന്ത്യന്‍ ഫെസ്റ്റിവല്‍ എന്ന പേരിലും ഫ്‌ളിപ്കാര്‍ട്ടില്‍ ബിഗ് ബില്യണ്‍ ഡേ സെയില്‍ എന്നപേരിലും ഓഫര്‍ സെയില്‍ നടത്തിയാണ് ഉത്പ്പന്നങ്ങള്‍ വിറ്റഴിച്ചത്. കഴിഞ്ഞ വര്‍ഷത്തെ അപേക്ഷിച്ച് മൊത്തത്തിലുള്ള ഓണ്‍ലൈന്‍ വില്‍പന 20 ശതമാനമാണ് വര്‍ധിച്ചത്.  

ബിഗ് ബില്യണ്‍ ഡേ സെയിലിലൂടെ ഫ്ളിപ്കാര്‍ട്ടിലാണ് ഏറ്റവും കൂടുതല്‍ കച്ചവടം നടന്നത്. ആമസോണ്‍ ആണ് തൊട്ടുപിന്നില്‍. ഇരു കമ്പനികളും ഓഫര്‍ പ്രഖ്യാപിച്ചിരുന്ന ഒക്ടോബര്‍ രണ്ട് മുതല്‍ പത്ത് വരെ ഓരോ മണിക്കൂറിലും 68 കോടി സ്മാര്‍ട്ഫോണുകള്‍ വിറ്റഴിക്കപ്പെട്ടു എന്നാണ് മാര്‍ക്കറ്റ് റിസര്‍ച്ച് സ്ഥാപനമായ റെഡ്സീറിന്റെ കണക്കുകളില്‍ പറയുന്നത്.  

സ്മാര്‍ട്ഫോണുകളും ഗൃഹോപകരണങ്ങളും ഉള്‍പ്പടെയുള്ള ഇലക്ട്രോണിക്സ് ഉപകരണങ്ങള്‍ കമ്പനികള്‍ നല്‍കുന്ന വിലക്കിഴിവിന് പുറമെ ബാങ്ക് ഓഫറുകളും മറ്റ് അധിക ആനുകൂല്യങ്ങളും ലഭിച്ചതും ഉപഭോക്താക്കളെ ആകര്‍ഷിച്ചു. ആമസോണില്‍ ഇപ്പോഴും ഡീലുകളും ഓഫറുകളും തുടരുന്നുണ്ട്.  

എല്ലാവര്‍ഷവും ഇത്തരത്തില്‍ ഉത്സവകാല ഓഫര്‍ വില്‍പ്പന സംഘടിപ്പിക്കുന്നുണ്ടെങ്കിലും കോവിഡ് പ്രതിസന്ധിയെ തുടര്‍ന്ന് കഴിഞ്ഞ വര്‍ഷം അധികം വില്‍പ്പന നടന്നിരുന്നില്ല. എന്നാല്‍ ഇത്തവണ ഫാഷന്‍ ഉത്പന്നങ്ങളുടെ ആവശ്യം ഈ വര്‍ഷം വര്‍ധിച്ചു. ഇതിനായി വിലകുറഞ്ഞ ഉത്പന്നങ്ങളും ലഭ്യമാക്കിയിരുന്നു. ഓണ്‍ലൈന്‍ ഫാഷന്‍ പ്ലാറ്റ്ഫോമായ മീഷോയും ഈ സീസണില്‍ കാര്യമായ നേട്ടമുണ്ടാക്കിയെന്നാണ് റിപ്പോര്‍ട്ടുകള്‍.  

 

 

    comment

    LATEST NEWS


    മ്യൂസിക് ഫെസ്റ്റിവലിന്‍റെ പേരില്‍ റിസോര്‍ട്ടില്‍ ലഹരിപാര്‍ട്ടി; ആളുകളെ ക്ഷണിച്ചത് വാട്‌സ്ആപ്പ് വഴി, എംഡിഎംഎ അടക്കമുള്ള മയക്കുമരുന്നുകള്‍ വിതരണം ചെയ്തു


    പ്രതിപക്ഷ ബഹളം: പാര്‍ലമെന്‍റില്‍ ശീതകാലസമ്മേളനത്തിന്‍റെ ആദ്യആഴ്ചയില്‍ തന്നെ 52.30 ശതമാനം സിറ്റിംഗ് പാഴാക്കി രാജ്യസഭ


    പെരിയയില്‍ തോറ്റതിന് തിരുവല്ലയില്‍ കണക്കു തീര്‍ക്കരുത്; പ്രതികള്‍ക്ക് സിപിഎമ്മുമായാണ് ബന്ധം, റിമാന്‍ഡ് റിപ്പോര്‍ട്ട് സിപിഎം തിരുത്തി എഴുതിച്ചു


    ഭീകരാക്രമണങ്ങള്‍ കുറഞ്ഞു; കശ്മീരിലേക്ക് സഞ്ചാരികള്‍ ഒഴുകുന്നു; നവംബറിലെത്തിയത് ഒന്നേകാല്‍ ലക്ഷം ടൂറിസ്റ്റുകള്‍


    എസ്എന്‍ഡിപി അമരത്ത് കാല്‍നൂറ്റാണ്ട് തികച്ച് വെള്ളാപ്പള്ളി; "ഈഴവ സമുദായത്തിന്റെ ഉയര്‍ത്തെഴുന്നേല്‍പ്പിന്‌ കാരണക്കാരന്‍"; ആശംസകളുമായി നേതാക്കള്‍


    ബിജെപി- ആര്‍എസ്എസ് പ്രവര്‍ത്തകര്‍ ആളുകളെ ഏകോപിപ്പിച്ച് ആസൂത്രണം ചെയ്ത് സന്ദീപിനെ കൊലപ്പെടുത്തി; ആവര്‍ത്തിച്ച് കോടിയേരി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.