×
login
അന്താരാഷ്ട്ര നാണയനിധി എം ഡിയുമായി നിര്‍മ്മല സീതാരാമന്‍ കൂടിക്കാഴ്ച നടത്തി

ആഗോള, പ്രാദേശിക സമ്പദ്‌വ്യവസ്ഥകള്‍ ഇപ്പോള്‍ അഭിമുഖീകരിക്കുന്ന ബഹുമുഖമായ പ്രശ്‌നങ്ങളും, ഇന്ത്യയെ സംബന്ധിച്ച് പ്രാധാന്യമുള്ള വിഷയങ്ങളും ചര്‍ച്ചയായി

വാഷിംഗ്ടണ്‍ ഡിസി: അന്താരാഷ്ട്ര നാണയനിധി  ലോക ബാങ്ക് വസന്തകാല യോഗത്തിനെത്തിയ കേന്ദ്ര ധനകാര്യ മന്ത്രി നിര്‍മ്മല സീതാരാമന്‍, അന്താരാഷ്ട്ര നാണയനിധിമാനേജിംഗ് ഡയറക്ടര്‍  ക്രിസ്റ്റലീന ജോര്‍ജീവയുമായി വാഷിംഗ്ടണ്‍ ഡിസിയില്‍ ഉഭയകക്ഷി ചര്‍ച്ച നടത്തി.

കൂടിക്കാഴ്ചയില്‍, ആഗോള, പ്രാദേശിക സമ്പദ്‌വ്യവസ്ഥകള്‍ ഇപ്പോള്‍ അഭിമുഖീകരിക്കുന്ന ബഹുമുഖമായ പ്രശ്‌നങ്ങളും, ഇന്ത്യയെ സംബന്ധിച്ച് പ്രാധാന്യമുള്ള വിഷയങ്ങളും ചര്‍ച്ചയായി.

കോവിഡ്  മഹാമാരി ഉയര്‍ത്തുന്ന വെല്ലുവിളികള്‍ക്കിടയിലും ആഗോളതലത്തില്‍ അതിവേഗം വളരുന്ന സമ്പദ് വ്യവസ്ഥയായി തുടരുന്ന ഇന്ത്യയുടെ അതിജീവന ശേഷി മിസ് ജോര്‍ജീവ എടുത്തുപറഞ്ഞു. ഐഎംഎഫിന്റെ ശേഷി വികസന പ്രവര്‍ത്തനങ്ങളില്‍ ഇന്ത്യ നല്‍കിയ സംഭാവനകളെ അവര്‍ അഭിനന്ദിച്ചു.


അന്താരാഷ്ട്ര നാണയനിധി, ശ്രീലങ്കയെ പിന്തുണയ്‌ക്കേണ്ടതിന്റെയും അടിയന്തര സാമ്പത്തിക സഹായം ലഭ്യമാക്കേണ്ടതിന്റെയും ആവശ്യകത സീതാരാമന്‍ ചര്‍ച്ചയില്‍ സൂചിപ്പിച്ചു.

സമീപകാല ആഗോള രാഷ്ട്രീയ സംഭവവികാസങ്ങള്‍ ചര്‍ച്ച ചെയ്ത,സീതാരാമനും  ജോര്‍ജീവയും ആഗോള സമ്പദ്‌വ്യവസ്ഥയില്‍ അതു ചെലുത്തുന്ന സ്വാധീനത്തെക്കുറിച്ചും, ഊര്‍ജ്ജ വിലക്കയറ്റവുമായി ബന്ധപ്പെട്ട വെല്ലുവിളികളെക്കുറിച്ചും ആശങ്ക പ്രകടിപ്പിച്ചു

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.