×
login
കിറ്റക്‌സിനെ സ്വീകരിക്കാനൊരുങ്ങി മറ്റുസംസ്ഥാനങ്ങള്‍‍; അഞ്ച് സംസ്ഥാനങ്ങള്‍ ചര്‍ച്ചകള്‍ നടത്തിക്കഴിഞ്ഞു, എല്ലാ സൗകര്യങ്ങളും ചെയ്തു നല്‍കാമെന്ന് വാഗ്ദാനം

മറ്റു സംസ്ഥാനങ്ങളിലെ ഉന്നത ഉദ്യോഗസ്ഥരാണ് സാബുജേക്കബുമായി സംസാരിക്കുന്നത്. വ്യവസായം തുടങ്ങുന്നതിനാവശ്യമായ എല്ലാ സൗകര്യങ്ങളും ചെയ്തു നല്‍കാമെന്നും അനുമതികള്‍ വേഗത്തില്‍ നല്‍കാമെന്നുമാണ് ഇവര്‍ നല്‍കുന്ന വാഗ്ദാനം.

കൊച്ചി: കേരളത്തില്‍ നടപ്പാക്കാനിരുന്ന 3,500 കോടിരൂപയുടെ നിക്ഷേപ പദ്ധതികളില്‍ നിന്നും പിന്‍മാറുന്നു എന്നറിയിച്ചതോടെ കിറ്റക്‌സിനെ നിക്ഷേപം നടത്താനായി മറ്റുസംസ്ഥാനങ്ങള്‍ ക്ഷണിക്കുന്നു. ഇതുവരെ അഞ്ച് സംസ്ഥാനങ്ങള്‍ കിറ്റക്‌സ് ഗ്രൂപ്പ് ചെയര്‍മാന്‍ സാബു ജേക്കബുമായി ഇത് സംബന്ധിച്ച് ചര്‍ച്ചകള്‍ നടത്തിക്കഴിഞ്ഞെന്നാണ് ലഭിക്കുന്ന വിവരം.  

മറ്റു സംസ്ഥാനങ്ങളിലെ ഉന്നത ഉദ്യോഗസ്ഥരാണ് സാബുജേക്കബുമായി സംസാരിക്കുന്നത്. വ്യവസായം തുടങ്ങുന്നതിനാവശ്യമായ എല്ലാ സൗകര്യങ്ങളും ചെയ്തു നല്‍കാമെന്നും അനുമതികള്‍ വേഗത്തില്‍ നല്‍കാമെന്നുമാണ് ഇവര്‍ നല്‍കുന്ന വാഗ്ദാനം. എന്നാല്‍ ഇതുവരെ നിക്ഷേപം മറ്റുസംസ്ഥാനങ്ങളിലേയ്ക്ക് മാറ്റുന്നത് സംബന്ധിച്ച് കിറ്റക്‌സ് ഗ്രൂപ്പ് സ്ഥിരീകരണം നടത്തിയിട്ടില്ല.  


എറണാകുളം , തിരുവനന്തപുരം , പാലക്കാട് ജില്ലകളിലായി മൂന്ന് അപ്പാരല്‍ പാര്‍ക്കുകള്‍ സ്ഥാപിക്കാനായിരുന്നു കിറ്റക്‌സിന്റെ പദ്ധതി. നിരവധിയാളുകള്‍ക്ക് തൊഴില്‍ ലഭിക്കുന്ന സംരഭമായിരുന്നു ഇത്. 2020 ല്‍ കൊച്ചിയില്‍ നടന്ന ആഗോള നിക്ഷേപക സംഗമത്തിലായിരുന്നു സംസ്ഥാനസര്‍ക്കാരുമായി ഇതുസംബന്ധിച്ച കാരാര്‍ ഒപ്പിട്ടത്. ഇതിനായുള്ള സ്ഥലമെടുത്ത് വിശദമായ പ്ലാനും പ്രൊജക്ട് റിപ്പോര്‍ട്ടും പൂര്‍ത്തീകരിച്ചിരുന്നു.  

എന്നാല്‍ ഇപ്പോഴുള്ള അനുഭവങ്ങളുടെ പശ്ചാത്തലത്തില്‍ ഇനി കൂടുതല്‍ മുതല്‍മുക്കേണ്ടതില്ലെന്ന വിലയിരുത്തിലാലണ് 3500 കോടിയുടെ നിക്ഷേപ പദ്ധതിയില്‍ നിന്നും പിന്‍മാറുന്നതായി സാബു ജേക്കബ് കഴിഞ്ഞ ദിവസം പ്രഖ്യാപിച്ചത്. കഴിഞ്ഞ ഒരു മാസത്തിനിടെ വിവിധ വകുപ്പുകളില്‍ നിന്നായി കമ്പനിയില്‍ 11 റെയ്ഡുകളാണ് നടന്നതെന്ന് അദ്ദേഹം പറഞ്ഞു. 

രാഷ്ട്രീയ പകപോക്കലുകളാണ് റെയ്ഡുകള്‍ക്ക് പിന്നിലെന്നും തന്നെയും കമ്പനിയേയും തകര്‍ക്കാനുള്ള മനപൂര്‍വ്വമായ ശ്രമങ്ങളാണ് നടത്തുന്നതെന്നും സാബുജേക്കബ് ആരോപിക്കുന്നു. സ്ഥലം എംഎല്‍എയ്ക്കും ഇതില്‍ പങ്കുണ്ടെന്ന് അദ്ദേഹം പറഞ്ഞു.   

    comment

    LATEST NEWS


    'ആസാദ് കശ്മീര്‍ എന്നെഴുതിയത് ഡബിള്‍ ഇന്‍വര്‍ട്ടഡ് കോമയില്‍', അര്‍ത്ഥം മനസ്സിലാക്കാനാകാത്തവരോട് സഹതാപം മാത്രം; വിവാദത്തില്‍ മറുപടിയുമായി ജലീല്‍


    കയറ്റം കയറുന്നതിനിടെ റെഡിമിക്സ് വാഹനത്തിന്റെ ടയർ പൊട്ടി; വണ്ടി പതിച്ചത് വീടിന് മുകളിലേക്ക്, വീട്ടമ്മ രക്ഷപ്പെട്ടത് തലനാരിഴയ്ക്ക്


    നെയ്യാറ്റിൻകരയിൽ ബിജെപി ഉയർത്തിയ ദേശീയ പതാക സിപിഎം പ്രവർത്തകൻ പിഴുതെറിഞ്ഞു; കോട്ടക്കൽ സ്വദേശിയെ അറസ്റ്റ് ചെയ്ത് പോലീസ്


    സല്‍മാന്‍ റുഷ്ദി വെന്‍റിലേറ്ററില്‍, കാഴ്ചശക്തി നഷ്ടപ്പെട്ടേക്കാം; ഇസ്ലാമിനെ വിമര്‍ശിക്കുന്നവര്‍ ആക്രമിക്കപ്പെട്ടേക്കാമെന്ന് തസ്ലിമ നസ്രിന്‍


    'ഹര്‍ ഘര്‍ തിരംഗ എല്ലാ പൗരന്മാരും ആഹ്വാനമായി ഏറ്റെടുക്കണം'; എളമക്കരയിലെ വസതിയില്‍ ദേശീയ പതാക ഉയര്‍ത്തി മോഹന്‍ലാല്‍


    ത്രിവര്‍ണ പതാകയില്‍ നിറഞ്ഞ് രാജ്യം

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.