×
login
ഷഷ്ഠി പൂര്‍ത്തി കഴിഞ്ഞപ്പോള്‍ സ്റ്റാര്‍ട്ടപുമായി കേന്ദ്ര സര്‍ക്കാര്‍ സ്ഥാപനങ്ങളുടെ മുന്‍ മേധാവികള്‍

നിര്‍മിതബുദ്ധി, മെഷീന്‍ ഇന്റലിജന്‍സ് എന്നിവയിലൂടെ ജനിതകഘടന മനസിലാക്കി രോഗം നിര്‍ണയിച്ച് കൃത്യമായ ചികിത്സ നല്‍കാനുള്ള പരിശോധന നടത്താന്‍ 'സാജിനോം' സ്ഥാപിച്ചത്

തിരുവനന്തപുരം:  പെന്‍ഷന്‍ പറ്റി വീട്ടിലിരിക്കേണ്ടതിനു പകരം നൂതന ആശയത്തിന്റെ സ്റ്റാര്‍ട്ട് അപ് കമ്പനിയുമായി എത്തുകയാണ് രണ്ടു പ്രമുഖ കേന്ദ്ര സര്‍ക്കാര്‍ സ്ഥാപനങ്ങളുടെ മുന്‍ മേധാവികള്‍.  

ഉമിനീര്‍ പരിശോധനയിലൂടെ വ്യക്തിയുടെ ജനിതകഘടന നൂതന സാങ്കേതികവിദ്യയുടെ സഹായത്തോടെ  കണ്ടുപിടിക്കുന്ന സംവിധാനം വികസിപ്പിച്ചെടുത്ത സാജിനോം എന്ന സ്റ്റാര്‍ട്ടപ്.     എച്ച്എല്‍എല്‍ ലൈഫ്‌കെയര്‍ മുന്‍ സിഎംഡി ഡോ. എം അയ്യപ്പനും രാജീവ് ഗാന്ധി സെന്റര്‍ ഫോര്‍ ബയോടെക്‌നോളജി (ആര്‍ജിസിബി) മുന്‍ ഡയറക്ടര്‍ പ്രൊഫ എം രാധാകൃഷ്ണപിള്ളയും ചേര്‍ന്ന് സ്ഥാപിച്ച നൂതന സ്ഥാപനം

. കേരളത്തിലെ രണ്ട് പ്രമുഖ കേന്ദ്ര സര്‍ക്കാര്‍  സ്ഥാപനങ്ങളെ ദീര്‍ഘകാലം നയിച്ചതിന്റെ അനുഭവ പാഠവുമായിട്ടാണ് ഇരുവരും 'സാജിനോം'  സ്ഥാപിച്ചത്.  ചെയര്‍മാനായി  ഡോ. അയ്യപ്പനും സിഇഒയായി  പ്രൊഫ രാധാകൃഷ്ണപിള്ളയും കമ്പനിയെ നയിക്കും

ഗര്‍ഭനിരോധന ഉറകള്‍ നിര്‍മിക്കുന്ന ഫാക്ടറിയില്‍ നിന്ന് എച്ച്എല്‍എല്‍ ലൈഫ്‌കെയറിനെ ഇന്ത്യയിലെ മികച്ച ആരോഗ്യ പരിരക്ഷാ സ്ഥാപനമായും മിനി രത്‌ന കമ്പനിയായും മാറ്റിയെടുത്ത വ്യക്തിയാണ് ഡോ. അയ്യപ്പന്‍. 44 വയസു മാത്രമുള്ളപ്പോള്‍ ആര്‍ജിസിബി ഡയറക്ടറായി നിയമിക്കപ്പെട്ട പ്രൊഫ. രാധാകൃഷ്ണപിള്ള ഇത്തരമൊരു സ്ഥാനത്തെത്തുന്ന ഏറ്റവും പ്രായം കുറഞ്ഞ വ്യക്തിയാണ്. 15 വര്‍ഷം കൊണ്ട് ആര്‍ജിസിബി-യെ ഇന്ത്യയിലെ ഏറ്റവും മികച്ച ജൈവസാങ്കേതിക സ്ഥാപനമാക്കി മാറ്റിയ പ്രൊഫ.പിള്ള ബയോനെസ്റ്റ് ടെക്‌നോളജി ഇന്‍കുബേറ്ററില്‍ ജന്‍മം നല്‍കിയത് 33 സ്റ്റാര്‍ട്ടപ്പുകള്‍ക്കാണ്.

വ്യക്തിയുടെ ജനിതക ഘടനയിലെ ആയിരക്കണക്കിന് വിവിധ രൂപങ്ങള്‍ മനസിലാക്കാന്‍ സാമ്പിള്‍ കിറ്റ് പ്രയോജനപ്പെടുമെന്നും ഇങ്ങനെ ലഭിക്കുന്ന ജനിതക ഡേറ്റ കമ്പ്യൂട്ടറില്‍ വിശകലനം ചെയ്ത് രോഗസാധ്യതകള്‍ നിര്‍ണയിക്കാനാവുമെന്നും ഡോ. പിള്ള പറഞ്ഞു. ചികിത്സാരീതികള്‍ മാത്രമല്ല ജീവിതശൈലിയില്‍ വരുത്തേണ്ട മാറ്റങ്ങള്‍  നിര്‍ദ്ദേശിക്കാനും ഇതിലൂടെ കഴിയുമെന്ന് അദ്ദേഹം ചൂണ്ടിക്കാട്ടി.

അര്‍ബുദം, ഹൃദയസംബന്ധവും നാഡീ സംബന്ധവുമായ രോഗങ്ങള്‍, പ്രത്യുല്പാദന-വന്ധ്യതാ പ്രശ്‌നങ്ങള്‍ എന്നിവയ്ക്കുപുറമെ മരുന്നുകളോട് ഒരു വ്യക്തിയുടെ ശരീരം പ്രതികരിക്കുന്ന രീതി (ഫാര്‍മാകോജിനോമിക്‌സ്), ആരോഗ്യപരിപാലന നിയന്ത്രണം എന്നിവയും കൈകാര്യം ചെയ്യാന്‍ ഇതിലൂടെ കഴിയും.

രക്തസാമ്പിള്‍ ഉപയോഗിച്ച് എളുപ്പത്തില്‍ ലിക്വിഡ് ബയോപ്‌സി നടത്തി അര്‍ബുദം വളരെ നേരത്തെ കണ്ടുപിടിക്കാന്‍ കഴിയുന്ന നൂതന മാര്‍ഗം വികസിപ്പിച്ചെടുത്ത് വ്യക്തിയധിഷ്ഠിതമായ ആരോഗ്യ പരിരക്ഷാ സംവിധാനം സാജിനോം ഉടന്‍ ഉറപ്പാക്കുമെന്ന് പ്രൊഫ. പിള്ള വ്യക്തമാക്കി.

കേരള  സ്റ്റാര്‍ട്ടപ് മിഷന്റെ കൊച്ചി ഇന്റഗ്രേറ്റഡ് സ്റ്റാര്‍ട്ടപ് കോംപ്ലക്‌സില്‍ (ഐഎസ് സി) ഇന്‍കുബേറ്റ് ചെയ്യപ്പെട്ടിട്ടുള്ള സാജിനോം ഇതിനോടകം തന്നെ വീടുകളിലെത്തി ഉമിനീര്‍ സാമ്പിളുകള്‍ ശേഖരിച്ച് പരിശോധിക്കുന്നതിനുള്ള ഹോം സലൈവ കളക്ഷന്‍ കിറ്റ് ദേശീയാടിസ്ഥാനത്തില്‍ പുറത്തിറക്കുകയും ചെയ്തിട്ടുണ്ടെന്ന് ഡോ. എം അയ്യപ്പന്‍ പറഞ്ഞു.

ലൈഫ് സയന്‍സ് പാര്‍ക്കില്‍ ഒരേക്കറില്‍ സ്വന്തമായി ലബോറട്ടറി സ്ഥാപിക്കാനുള്ള നിക്ഷേപം ഉടന്‍തന്നെ സാജിനോമിനു ലഭിക്കും. അടുത്ത വര്‍ഷം തന്നെ ലാബ് പൂര്‍ത്തിയാകുമെന്ന് അദ്ദേഹം പറഞ്ഞു.

 

    comment

    LATEST NEWS


    പെരുമുടിയൂരിന്റെ പെരുമ തകര്‍ക്കാന്‍ നീക്കം; സംസ്‌കൃതം പുറത്തേക്ക്, മലയാളം രണ്ടാം ഭാഷയാക്കാൻ അണിയറ പ്രവര്‍ത്തനങ്ങള്‍ ആരംഭിച്ചു


    ഡയറ്റില്‍ ഒഴിവ് റിപ്പോര്‍ട്ട് ചെയ്ത് ഏഴ് വര്‍ഷം കഴിഞ്ഞിട്ടും നിയമനമില്ല; പൊതു വിദ്യാഭ്യാസ വകുപ്പ് നിയമനം അട്ടിമറിക്കാന്‍ ശ്രമിക്കുന്നതായും ആരോപണം


    ത്രിവര്‍ണ്ണ പതാകയുമായി മോദിയെ വരവേറ്റ് യുഎസ്: നാളെ ജോ ബൈഡനും, കമല ഹാരിസുമായും കൂടിക്കാഴ്ച നടത്തും; യുഎന്‍, ക്വാഡ് ഉച്ചകോടിയില്‍ പങ്കെടുക്കും


    '1921 - മലബാര്‍ കലാപം - സത്യവും മിഥ്യയും ' കാനഡ കെ എച്ച് എഫ് സി പ്രഭാഷണം വെള്ളിയാഴ്ച


    പാലാ ബിഷപ്പിന്‍റെ വാദം തള്ളി മുഖ്യമന്ത്രി; കേരളത്തില്‍ നാർക്കോട്ടിക്ക് ജിഹാദും ലവ് ജിഹാദും ഇല്ലെന്ന് മുഖ്യമന്ത്രി


    കേരളം ഐഎസ് റിക്രൂട്ട്‌മെന്റ് കേന്ദ്രം: 2019വരെ 100 മലയാളികള്‍ ഇസ്ലാമിക്ക് സ്‌റ്റേറ്റിന്റെ തീവ്രവാദികളായെന്ന് സമ്മതിച്ച് മുഖ്യമന്ത്രി പിണറായി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.