.jpg)
പൂര്‍ത്തിയാക്കുമ്പോള്‍ ബിബിഎ ബിസിനസ് അനലറ്റിക്‌സ് ബിരുദവും. രണ്ടണ്ടുവര്‍ഷത്തെ പി.ജി പഠനം പൂര്‍ത്തിയാക്കുമ്പോള്‍ എംബിഎ ഇന്റര്‍നാഷണല്‍ ബിസിനസ് ബിരുദവും സമ്മാനിക്കും.
കേന്ദ്ര വാണിജ്യ വകുപ്പിന് കീഴിലുള്ള കല്‍പിതസര്‍വകലാശാലയായ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഫോറിന്‍ ട്രേഡ് (ഐഐഎഫ്ടി) കാക്കിനാട കാമ്പസില്‍ (ആന്ധ്രാപ്രദേശ്) 2022-27 വര്‍ഷം നടത്തുന്ന ഇന്റഗ്രേറ്റഡ് മാനേജ്‌മെന്റ് പ്രോഗ്രാം (ഐപിഎം) പ്രവേശനത്തിന് സമര്‍ത്ഥരായ പ്ലസ്ടുകാര്‍ക്ക് അപേക്ഷിക്കാം.
ഐഐഎം ഇന്തോര്‍ ദേശീയതലത്തില്‍ ജൂലൈ രണ്ടിന് നടത്തുന്ന അഡ്മിഷന്‍ ടെസ്റ്റില്‍ (ഐപിഎംടി-2022) നേടുന്ന ഉയര്‍ന്ന സ്‌കോറും അക്കാഡമിക് മെരിറ്റും പരിഗണിച്ചാണ് പ്രവേശനം. അഡ്മിഷന്‍ ടെസ്റ്റില്‍ പങ്കെടുക്കുന്നതിന് ഐഐഎം ഇന്തോര്‍ വെബ്‌സൈറ്റില്‍ ഐപി
എംഎടി 2022 നുള്ള രജിസ്‌ട്രേഷന്‍ സൗകര്യമുണ്ട്. മേയ് 21 നകം ഓണ്‍ലൈനായി രജിസ്റ്റര്‍ ചെയ്യണം. ഫീസ് 4130 രൂപ. എസ്‌സി/എസ്ടി/പിഡബ്ല്യുഡി വിഭാഗങ്ങള്‍ക്ക് 2065 രൂപ. രജിസ്‌ട്രേഷനുള്ള നിര്‍ദേശങ്ങള്‍ വെബ്‌സൈറ്റില്‍ ലഭിക്കും.
പ്രവേശന യോഗ്യത: പ്ലസ്ടു/ഹയര്‍ സെക്കന്ററി/തത്തുല്യ ബോര്‍ഡ് പരീക്ഷ 2020/2021 വര്‍ഷത്തില്‍ ആര്‍ട്‌സ്/കൊമേഴ്‌സ്/സയന്‍സ് സ്ട്രീമില്‍ 60 ശതമാനം (എസ്‌സി/എസ്ടി/പിഡബ്ല്യുഡി/ട്രാന്‍സ്ജന്‍ഡര്‍ വിഭാഗങ്ങള്‍ക്ക് 55% മതി) മാര്‍ക്കില്‍ കുറയാതെ വിജയിച്ചിട്ടുള്ളവര്‍ക്കും 2022 ല്‍ ഫൈനല്‍ യോഗ്യതാ പരീക്ഷയെഴുതുന്നവര്‍ക്കും അപേക്ഷിക്കാം. പത്താം ക്ലാസ് പരീക്ഷയിലും ഇത്രയും ശതമാനം മാര്‍ക്കില്‍ കുറയാതെ വേണം. മാത്തമാറ്റിക്‌സ്/ബിസിനസ് മാത്തമാറ്റിക്‌സ് വിഷയം പ്ലസ്ടു തലത്തില്‍ നിര്‍ബന്ധമായും പഠിച്ചിരിക്കണം. അപേക്ഷകള്‍ 2002 ഓഗസ്റ്റ് ഒന്നിനോ അതിന് ശേഷമോ ജനിച്ചവരാകുന്നു. എസ്‌സി/എസ്ടി/പിഡബ്ല്യുഡി വിഭാഗങ്ങള്‍ക്ക് പ്രായപരിധിയില്‍ 5 വര്‍ഷത്തെ ഇളവുണ്ട്.
വിശദവിവരങ്ങളടങ്ങിയ പ്രോസ്‌പെക്ടസും പ്രവേശന വിജ്ഞാപനവും www.iift.ac.in ല്‍ ലഭ്യമാണ്. അപേക്ഷാ ഫീസ് 2000 രൂപ. എസ്‌സി/എസ്ടി/പിഡബ്ല്യുഡി വിഭാഗങ്ങള്‍ക്ക് 1000 രൂപ. അപേക്ഷ നിര്‍ദേശാനുസരണം ഓണ്‍ലൈനായി ഇപ്പോള്‍ സമര്‍പ്പിക്കാം. ജൂണ്‍ രണ്ട് വരെ അപേക്ഷകള്‍ സ്വീകരിക്കും.
ആകെ 50 പേര്‍ക്കാണ് പ്രവേശനം. റസിഡന്‍ഷ്യല്‍ പ്രോഗ്രാമായതിനാല്‍ കാമ്പസിലെ ഹോസ്റ്റലില്‍ താമസിച്ച് പഠിക്കണം. ഐപിഎം പ്രോഗ്രാമില്‍ സയന്‍സ്, ടെക്‌നോളജി, എന്‍ജിനീയറിങ്, മാത്തമാറ്റിക്‌സ് (സ്റ്റെം) വിഷയങ്ങള്‍ക്കൊപ്പം മാനേജ്‌മെന്റ് വിദ്യാഭ്യാസം സമന്വയിപ്പിച്ച് പാഠ്യപദ്ധതി രൂപകല്‍പ്പന ചെയ്തിരിക്കുന്നു. 3 വര്‍ഷത്തെ പഠനം
പൂര്‍ത്തിയാക്കുമ്പോള്‍ ബിബിഎ ബിസിനസ് അനലറ്റിക്‌സ് ബിരുദവും. രണ്ടണ്ടുവര്‍ഷത്തെ പി.ജി പഠനം പൂര്‍ത്തിയാക്കുമ്പോള്‍ എംബിഎ ഇന്റര്‍നാഷണല്‍ ബിസിനസ് ബിരുദവും സമ്മാനിക്കും. ആദ്യത്തെ 3 വര്‍ഷം നാല് ലക്ഷം രൂപ വീതവും (വാര്‍ഷിക ഫീസ്) തുടര്‍ന്ന് 4, 5 വര്‍ഷങ്ങളില്‍ എംബിഎ (ഐബി)കോഴ്‌സില്‍ നിലവിലുള്ള ഫീസും അടയ്ക്കണം. യുവമാനേജര്‍മാരെ സൃഷ്ടിക്കുകയാണ് പാഠ്യപദ്ധതിയുടെ ലക്ഷ്യം.
പുടിന് പിടിവള്ളി; കുര്‍ദ്ദിഷ് തീവ്രവാദികളുടെ ഒളികേന്ദ്രമായ സ്വീഡനെയും ഫിന്‍ലാന്‍റിനെയും നാറ്റോയില്‍ ചേരാന്‍ സമ്മതിക്കില്ലെന്ന് തുര്‍ക്കി
പിഴകളേറെ വന്ന യുദ്ധത്തില്‍ ഒടുവില്‍ പുടിന് അപൂര്‍വ്വ വിജയം; ഉക്രൈന്‍റെ മരിയുപോള്‍ ഉരുക്കുകോട്ട പിടിച്ച് റഷ്യ; 700 ഉക്രൈന്‍ പട്ടാളക്കാര്‍ കീഴടങ്ങി
എഎഫ്സി ചാമ്പ്യന്‍ഷിപ്പ്; എടികെയെ തകര്‍ത്ത് ഗോകുലം
തെരുവുഗുണ്ടകളുടെ വീറോടെ ബെംഗളൂരുവില്‍ സ്കൂള്‍ യൂണിഫോമില്‍ വിദ്യാര്‍ത്ഥിനികള്‍ തമ്മിലെ കൂട്ടത്തല്ല് വീഡിയോ വൈറല്‍; കാരണം അജ്ഞാതം
ഭക്ഷ്യ സുരക്ഷാ ലൈസന്‍സ് നിര്‍ബന്ധമാക്കും;സ്ഥാപനങ്ങളില്‍ ടോള്‍ ഫ്രീ നമ്പര്‍ പ്രദര്‍ശിപ്പിക്കണം; പരാതികള്‍ ഫോട്ടോ സഹിതം അപ്ലോഡ് ചെയ്യാം
മുന്‍ സ്പീക്കര്‍ ശ്രീരാമകൃഷ്ണന്‍റെ മകളുടെ വിവാഹം വൃദ്ധസദനത്തില്‍; തീരുമാനത്തിന് കാരണം മകള്‍ നിരഞ്ജനയുടെ പ്രത്യേക താല്‍പര്യം
ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.
ഐഐഎഫ്ടിയില് ഇന്റഗ്രേറ്റഡ് മാനേജ്‌മെന്റ് പ്രോഗ്രാം; പഠനാവസരം കാക്കിനാട കാമ്പസില്‍, സെലക്ഷന്‍ ടെസ്റ്റ് ജൂലൈ രണ്ടിന്
സിഫ്‌നെറ്റില്‍ ബിഎഫ്എസ്‌സി നോട്ടിക്കല്‍ സയന്‍സ്; വെസ്സല്‍ നാവിഗേറ്റര്‍/മറൈന്‍ ഫിറ്റര്‍ കോഴ്‌സുകളില്‍ പ്രവേശനം
കേന്ദ്ര തപാല്‍ വകുപ്പില്‍ ഗ്രാമീണ ഡാക് സേവക്
കേരള പോസ്റ്റല്‍ സര്‍ക്കിളില്‍ ബ്രാഞ്ച് പോസ്റ്റ് മാസ്റ്റര്‍, ഡാക്ക് സേവക്: ഒഴിവുകള്‍ 2203
ജിയോളജിക്കല്‍ സര്‍വ്വേ ഓഫ് ഇന്ത്യയില്‍ അസിസ്റ്റന്റ് കെമിസ്റ്റ്/ജിയോഫിസിസ്റ്റ് ഒഴിവുകള്‍ 62; ഓണ്‍ലൈന്‍ അപേക്ഷ മേയ് 12 നകം
കൊച്ചിന്‍ ഷിപ്പ്‌യാര്‍ഡില്‍ വര്‍ക്ക്‌മെന്‍, അസിസ്റ്റന്റ് എന്‍ജിനീയര്‍: 274 ഒഴിവുകള്‍, ഓണ്‍ലൈന്‍ അപേക്ഷ ജൂണ്‍ 6 വരെ