×
login
2020-ലെ സിവില്‍ സര്‍വീസസ് അഭിമുഖം‍ ഓഗസ്റ്റ് രണ്ടു മുതല്‍ പുനഃരാരംഭിക്കും

നേരത്തേ ഏപ്രില്‍ മാസം ആരംഭിച്ച അഭിമുഖ നടപടികള്‍ കോവിഡ് വ്യാപനംമൂലം നിര്‍ത്തി വയ്‌ക്കേണ്ടിവന്നിരുന്നു.

ന്യൂഡല്‍ഹി: 2020-ലെ സിവില്‍ സര്‍വീസസ് അഭിമുഖം ഓഗസ്റ്റ് രണ്ടു മുതല്‍ പുനഃരാരംഭിക്കും. സ്ഥിതിഗതികള്‍ വിലയിരുത്തിയതിന്റെ അടിസ്ഥാനത്തിലാണ് തീരുമാനമെന്ന്  യൂണിയന്‍ പബ്ലിക് സര്‍വീസ് കമ്മീഷന്‍ (യുപിഎസ്‌സി) ഔദ്യോഗിക പ്രസ്താവനയില്‍ അറിയിച്ചു. നേരത്തേ ഏപ്രില്‍ മാസം ആരംഭിച്ച അഭിമുഖ നടപടികള്‍ കോവിഡ് വ്യാപനംമൂലം നിര്‍ത്തി വയ്‌ക്കേണ്ടിവന്നിരുന്നു. 

'സാഹചര്യം വിലയിരുത്തിയശേഷം, 2020-ലെ സിവില്‍ സര്‍വീസസ് പേഴ്‌സണല്‍ ടെസ്റ്റ് ഓഗസ്റ്റ് രണ്ടു മുതല്‍ പുനഃരാരംഭിക്കാന്‍ തീരുമാനിച്ചിട്ടുണ്ട്'-പ്രസ്താവനയില്‍ പറയുന്നു. സെപ്റ്റംബര്‍ 22 വരെ നീളുന്ന അഭിമുഖത്തിനായി തെരഞ്ഞെടുക്കപ്പെട്ട വിദ്യാര്‍ഥികള്‍ക്കായി കോള്‍ ലെറ്റര്‍ യുപിഎസ്‌സിയുടെ വെബ്‌സൈറ്റില്‍ പ്രസിദ്ധീകരിക്കും. 

2046 ഉദ്യോഗാര്‍ഥികളാകും പങ്കെടുക്കുക. ജൂണ്‍ 27-ന് നടത്താന്‍ നിശ്ചയിച്ചിരുന്ന സിവില്‍ സര്‍വീസസ് പ്രിലിമിനറി (2021), മെയ് ഒന്‍പതിന് നടത്താനിരുന്ന ഇപിഎഫ്ഒ തുടങ്ങി നിരവധി പരീക്ഷകള്‍ യുപിഎസ്‌സി നേരത്തേ നീട്ടിവച്ചിരുന്നു.  

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.