×
login
ഇന്ത്യന്‍ കോസ്റ്റ് ഗാര്‍ഡില്‍ ഒഴിവുകള്‍, നിയമനം ജനറല്‍ ഡ്യൂട്ടി, കമേര്‍ഷ്യല്‍ പൈലറ്റ് ലൈസന്‍സ്, ടെക്‌നിക്കല്‍, ലോ ബ്രാഞ്ചുകളില്‍

ടെക്‌നിക്കല്‍ (മെക്കാനിക്കല്‍/ഇലക്ട്രിക്കല്‍/ഇലക്‌ട്രോണിക്‌സ്)- ബന്ധപ്പെട്ട അനുബന്ധ ബ്രാഞ്ചില്‍ മൊത്തം 60 ശതമാനം മാര്‍ക്കില്‍ കുറയാതെ ബിഇ/ബിടെക്/തത്തുല്യ ബിരുദം. പ്ലസ്ടു തലത്തില്‍ മാത്തമാറ്റിക്‌സ്, ഫിസിക്‌സ് വിഷയങ്ങള്‍ക്ക് മൊത്തം 55% മാര്‍ക്കില്‍ കുറയാതെയുണ്ടാകണം.

കേന്ദ്ര പ്രതിരോധ മന്ത്രാലയത്തിന് കീഴിലുള്ള ഇന്ത്യന്‍ കോസ്റ്റ് ഗാര്‍ഡ് 02/2023 ബാച്ചിലേക്ക് അസിസ്റ്റന്റ് കമാന്‍ഡന്റുകളെ റിക്രൂട്ട് ചെയ്യുന്നു. ജനറല്‍ ഡ്യൂട്ടി, കമേര്‍ഷ്യല്‍ പൈലറ്റ് ലൈസന്‍സ് (സിപിഎല്‍-എസ്എസ്എ), ടെക്‌നിക്കല്‍ (മെക്കാനിക്കല്‍/ഇലക്ട്രിക്കല്‍/ഇലക്‌ട്രോണിക്‌സ്, ലോ) ബ്രാഞ്ചുകളിലേക്കാണ് തെരഞ്ഞെടുപ്പ്. ഗ്രൂപ്പ് എ ഗസറ്റഡ് ഓഫീസര്‍ തസ്തികയാണിത്. 56100 രൂപ അടിസ്ഥാന ശമ്പളത്തിലാണ് നിയമനം. വിശദവിവരങ്ങളടങ്ങിയറിക്രൂട്ട്‌മെന്റ് വിജ്ഞാപനം  https://joinindiancoastguard.cdac.in ല്‍ ലഭ്യമാണ്. ആകെ 71 ഒഴിവുകളുണ്ട്. (ജിഡി/എസ്എസ്എ-50, ടെക്‌നിക്കല്‍ 20, ലോ-1).

യോഗ്യത: ജനറല്‍ ഡ്യൂട്ടി (ജിഡി)- 60 ശതമാനം മാര്‍ക്കോടെ അംഗീകൃത സര്‍വ്വകലാശാലാ ബിരുദം. പ്ലസ്ടു തലത്തില്‍ മാത്തമാറ്റിക്‌സ്/ഫിസിക്‌സ് വിഷയങ്ങള്‍ക്ക് മൊത്തം 55% മാര്‍ക്കില്‍ കുറയാതെ വേണം. 55% മാര്‍ക്കോടെ ഡിപ്ലോമ (ഫിസിക്‌സ് ആന്റ് മാത്‌സ് കരിക്കുലത്തിലുണ്ടാകണം) നേടിയശേഷം ബിരുദമെടുത്തവരെയും പരിഗണിക്കും. 1997 ജൂലൈ ഒന്നിനും 2001 ജൂണ്‍ 30 നും മധ്യേ ജനിച്ചവരാകണം. പുരുഷന്മാര്‍ക്കാണ് അവസരം.

കമേര്‍ഷ്യല്‍ പൈലറ്റ് ലൈസന്‍സ് (എസ്എസ്എ)- മാത്തമാറ്റിക്‌സ്, ഫിസിക്‌സ് വിഷയങ്ങള്‍ക്ക്‌മൊത്തം 55% മാര്‍ക്കില്‍ കുറയാതെ പ്ലസ്ടു വിജയിച്ചിരിക്കണം. 55% മാര്‍ക്കോടെ ഡിപ്ലോമ നേടിയവരെയും പരിഗണിക്കും. എന്നാല്‍ ഫിസിക്‌സും മാത്‌സും കരിക്കുലത്തിലുണ്ടായിരിക്കണം. ജിഡിസിഎ അംഗീകരിച്ച കമേര്‍ഷ്യല്‍ ലൈറ്റ് ലൈസന്‍സ് ഉണ്ടായിരിക്കണം. 1997 ജൂലൈ ഒന്നിനും 2003 ജൂണ്‍ 30 നും മധ്യേ ജനിച്ചവരാകണം. പുരുഷന്മാര്‍ക്കും വനിതകള്‍ക്കും അപേക്ഷിക്കാം. എസ്എസ്എ/ഷോര്‍ട്ട് സര്‍വ്വീസ് നിയമനം 8 വര്‍ഷത്തേക്കാണ്. 14 വര്‍ഷം വരെ തുടരാം.

ടെക്‌നിക്കല്‍ (മെക്കാനിക്കല്‍/ഇലക്ട്രിക്കല്‍/ഇലക്‌ട്രോണിക്‌സ്)- ബന്ധപ്പെട്ട അനുബന്ധ ബ്രാഞ്ചില്‍ മൊത്തം 60 ശതമാനം മാര്‍ക്കില്‍ കുറയാതെ ബിഇ/ബിടെക്/തത്തുല്യ ബിരുദം. പ്ലസ്ടു തലത്തില്‍ മാത്തമാറ്റിക്‌സ്, ഫിസിക്‌സ് വിഷയങ്ങള്‍ക്ക് മൊത്തം 55% മാര്‍ക്കില്‍ കുറയാതെയുണ്ടാകണം. 1997 ജൂലൈ ഒന്നിനും 2001 ജൂണ്‍ 30 നും മധ്യേ ജനിച്ചവരാകണം. പുരുഷന്മാര്‍ക്കാണ് അവസരം.


ലോ (നിയമം): 60 ശതമാനം മാര്‍ക്കോടെ അംഗീകൃത നിയമബിരുദം ഉണ്ടാകണം. 1993 ജൂലൈ ഒന്നിനും 2001 ജൂണ്‍ 30 നും മധ്യേ ജനിച്ചവരാകണം. പുരുഷന്മാര്‍ക്കും വനിതകള്‍ക്കും അപേക്ഷിക്കാം.

കോസ്റ്റ് ഗാര്‍ഡ്, ആര്‍മി/നേവി/എയര്‍ഫോഴ്‌സ് ജീവനക്കാര്‍ക്ക് പ്രായപരിധിയില്‍ 5 വര്‍ഷത്തെ ഇളവുണ്ട്. എസ്‌സി/എസ്ടികാര്‍ക്ക് 5 വര്‍ഷവും നോണ്‍ക്രീമിലെയര്‍ വിഭാഗക്കാര്‍ക്ക് 5 വര്‍ഷവും പ്രായപരിധിയില്‍ ഇളവ് ലഭിക്കും.

ദേശീയതലത്തില്‍ നടത്തുന്ന പ്രിലിമിനറി (സ്‌ക്രീനിംഗ്)/ഫൈനല്‍ സെലക്ഷന്‍ ടെസ്റ്റുകള്‍ (സൈക്കോളജിക്കല്‍ ടെസ്റ്റ്, ഗ്രൂപ്പ് ടാസ്‌ക്/ഇന്റര്‍വ്യു, വൈദ്യപരിശോധന എന്നിവയുടെ അടിസ്ഥാനത്തിലാണ് സെലക്ഷന്‍.

പരീക്ഷാ ഫീസ് 250 രൂപ. എസ്‌സി/എസ്ടികാര്‍ക്ക് ഫീസില്ല. ക്രഡിറ്റ്/ഡബിറ്റ് കാര്‍ഡ്, നെറ്റ് ബാങ്കിംഗ് വഴി ഫീസ് അടയ്ക്കാം. അപേക്ഷ ഓണ്‍ലൈനായി https://joinindiancoastguard.cdac.in ല്‍ ഇപ്പോള്‍ സമര്‍പ്പിക്കാം. സെപ്തംബര്‍ 7 വൈകിട്ട് 5.30 മണിവരെ അപേക്ഷ സ്വീകരിക്കും. കൂടുതല്‍ വിവരങ്ങള്‍ വിജ്ഞാപനത്തിലുണ്ട്.

 

    comment

    LATEST NEWS


    വിഴിഞ്ഞം ചര്‍ച്ച അലസി; ചൊവ്വാഴ്ച പരിഹാരമായേക്കും; നിര്‍മ്മാണത്തിന് തടസ്സം നില്‍ക്കില്ലെന്ന് സൂചന; തീരശോഷണം പഠിക്കാന്‍ സമരപ്രതിനിധി വേണ്ട


    ചലച്ചിത്ര നിര്‍മ്മാതാവ് ജെയ്സണ്‍ എളംകുളം ഫ്ലാറ്റില്‍ മരിച്ച നിലയില്‍; ശൃംഗാരവേലൻ, ജമ്നാപ്യാരി ചിത്രങ്ങളുടെ നിര്‍മ്മാതാവ്


    താമര വിരിയും, ഗുജറാത്തിലും ഹിമാചല്‍ പ്രദേശിലും എക്സിറ്റ് പോള്‍ ഫലങ്ങള്‍ ബിജെപിയ്ക്ക് അനുകൂലം കോണ്‍ഗ്രസിന് സീറ്റ് കുറയും


    എംബാപ്പെയുടെ ഫ്രാന്‍സിനെ വിറപ്പിക്കാന്‍ ഇംഗ്ലണ്ടിന്‍റെ 19കാരന്‍ ജൂഡ് ബെല്ലിംഗാം; ഇംഗ്ലണ്ടുകാരുടെ ഗോള്‍ഡന്‍ ബോയ് ആയി ജൂഡ്


    തിരുവനന്തപുരം കോര്‍പറേഷനില്‍ നിന്നും 17 ഫയലുകള്‍ കാണാനില്ല; എല്ലാ ഫയലുകളും അപ്രത്യക്ഷമായത് ആര്യാ രാജേന്ദ്രന്‍ ചുമതലയേറ്റ ശേഷം


    മയക്കമരുന്ന് കടത്തില്‍ ആഗോള മാഫിയയെ പിടിക്കണം; വന്‍മത്സ്യങ്ങള്‍ക്ക് പിന്നാലെ പോകാനും നിര്‍മ്മല സീതാരാമന്‍

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.