×
login
ഭാരതീയ വായുസേനയില്‍ അഗ്‌നിവീര്‍: രജിസ്‌ട്രേഷന്‍ നവംബര്‍ 23 വരെ, സെലക്ഷന്‍ ടെസ്റ്റ് ജനുവരി 18-24 വരെ, ഓണ്‍ലൈനായി അപേക്ഷിക്കാം

പുരുഷന്മാര്‍ക്ക് മിനിമം ഉയരം 152.5 സെ.മീറ്റര്‍/വനിതകള്‍ക്ക് 152 സെ.മീറ്റര്‍. ഉയരത്തിനും പ്രായത്തിനും അനുസൃതമായ ഭാരവും വേണം. നെഞ്ചളവ് പുരുഷന്മാര്‍ക്ക് 77 സെ.മീറ്റര്‍. 5 സെ.മീറ്റര്‍ വികാസശേഷിയുണ്ടാകണം. നല്ല കാഴ്ചശക്തിയുണ്ടാകണം

ഇന്ത്യന്‍ എയര്‍ഫോഴ്‌സില്‍ അഗ്‌നിവീര്‍വായു 01/2023 സെലക്ഷന്‍ ടെസ്റ്റ് ജനുവരി 18 മുതല്‍ 24 വരെ സംഘടിപ്പിക്കുന്നതാണ്. ഭാരതീയരായ പുരുഷന്മാര്‍ക്കും വനിതകള്‍ക്കുമാണ് അവസരം. അവിവാഹിതരായിരിക്കണം. ഇതില്‍ പങ്കെടുക്കുന്നതിനുള്ള രജിസ്‌ട്രേഷന്‍ തുടങ്ങി. നവംബര്‍ 23 വൈകിട്ട് 5 മണി വരെ ഓണ്‍ലൈനായി അപേക്ഷിക്കാം. വിശദവിവരങ്ങളടങ്ങിയ റിക്രൂട്ട്‌മെന്റ് വിജ്ഞാപനം https://agnipathvayu.cdac.in ല്‍നിന്നും ഡൗണ്‍ലോഡ് ചെയ്ത് നിര്‍ദ്ദേശങ്ങള്‍ പാലിച്ചാവണം അപേക്ഷിക്കേണ്ടത്.

യോഗ്യത: മാത്തമാറ്റിക്‌സ്, ഫിസിക്‌സ്, ഇംഗ്ലീഷ് വിഷയങ്ങളോടെ മൊത്തം 50% മാര്‍ക്കില്‍ കുറയാതെ ഇന്റര്‍മീഡിയറ്റ്/പ്ലസ്ടു/തത്തുല്യ ബോര്‍ഡ് പരീക്ഷ വിജയിച്ചിരിക്കണം. ശാസ്‌ത്രേതര വിഷയങ്ങളിലെ പ്ലസ്ടുകാരെയും പരിഗണിക്കും. ഇംഗ്ലീഷിന് 50% മാര്‍ക്കില്‍ കുറയാതെ വേണം. അല്ലെങ്കില്‍ ത്രിവത്‌സര എന്‍ജിനീയറിങ് ഡിപ്ലോമ (മെക്കാനിക്കല്‍/ഇലക്ട്രിക്കല്‍/ഇലക്‌ട്രോണിക്‌സ്/ഓട്ടോമൊബൈല്‍/കമ്പ്യൂട്ടര്‍ സയന്‍സ്/ഇന്‍സ്ട്രുമെന്റേഷന്‍ ടെക്‌നോളജി/ഐടി)മൊത്തം 50% മാര്‍ക്കില്‍ കുറയാതെ പാസായിരിക്കണം. (ഡിപ്ലോമ/പ്ലസ്ടു/എസ്എസ്എല്‍സി തലത്തില്‍ ഇംഗ്ലീഷിന് 50% മാര്‍ക്കില്‍ കുറയാതെയുണ്ടാകണം). പ്രായപരിധി 21 വയസ്. അപേക്ഷകര്‍ 2002 ജൂണ്‍ 27 നും 2005 ഡിസംബര്‍ 27 നും മധ്യേ ജനിച്ചവരാകണം.

പുരുഷന്മാര്‍ക്ക് മിനിമം ഉയരം 152.5 സെ.മീറ്റര്‍/വനിതകള്‍ക്ക് 152 സെ.മീറ്റര്‍. ഉയരത്തിനും പ്രായത്തിനും അനുസൃതമായ ഭാരവും വേണം. നെഞ്ചളവ് പുരുഷന്മാര്‍ക്ക് 77 സെ.മീറ്റര്‍. 5 സെ.മീറ്റര്‍ വികാസശേഷിയുണ്ടാകണം. നല്ല കാഴ്ചശക്തിയുണ്ടാകണം. ഫിസിക്കല്‍, മെഡിക്കല്‍ ഫിറ്റ്‌നസ് ഉണ്ടാകണം. വൈകല്യങ്ങള്‍ പാടില്ല. സെലക്ഷന്‍ നടപടിക്രമം വിജ്ഞാപനത്തിലുണ്ട്. തെരഞ്ഞെടുക്കപ്പെടുന്നവര്‍ക്ക് 4 വര്‍ഷത്തേക്കാണ് നിയമനം.  


ആദ്യവര്‍ഷം പ്രതിമാസം 30,000 രൂപ, രണ്ടാം വര്‍ഷം പ്രതിമാസം 33,000 രൂപ, മൂന്നാംവര്‍ഷം പ്രതിമാസം 36,500 രൂപ, നാലാം വര്‍ഷം പ്രതിമാസം 40,000 രൂപ എന്നിങ്ങനെയാണ് ശമ്പളം. പിരിഞ്ഞുപോരുമ്പോള്‍ ഏകദേശം 10.04 ലക്ഷം രൂപ ലഭിക്കുന്നതാണ്. കൂടുതല്‍ വിവരങ്ങള്‍ക്കും അപ്‌ഡേറ്റുകള്‍ക്കും വെബ്‌സൈറ്റ് സന്ദര്‍ശിക്കേണ്ടതാണ്.

 

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.