×
login
സഞ്ജു സാംസണ്‍‍ നയിച്ചു; പൃഥ്വി ഷാ(77) അടിച്ചു; കുല്‍ദീപ് യാദവ് (ഹാട്രിക്കടക്കം 4) എറിഞ്ഞു; പരമ്പര സ്വന്തമാക്കി ഇന്ത്യ

സ്‌കോര്‍: ന്യൂസിലന്‍ഡ് 219(47), ഇന്ത്യ 222/6(34.).

ചെന്നൈ: സഞ്ജു സാംസണ്‍  നായകനായി ആദ്യ പരമ്പര ഇന്ത്യ നേടി.  ന്യൂസിലന്‍ഡ് എയ്‌ക്കെതിരായ രണ്ടാം ഏകദിനത്തില്‍ ഇന്ത്യ എ നാല് വിക്കറ്റ് ജയം സ്വന്തമാക്കി. പൃഥ്വി ഷാ(77)യും  സഞ്ജു സാംസ(35)ണും തകര്‍ത്തടിക്കുകയും ഹാട്രിക്കടക്കം 4 വിക്കറ്റുമായി കുല്‍ദീപ് യാദവ് തിളങ്ങുകയും ചെയ്ത കളിയില്‍ ഇന്ത്യയുടേത് അനായാസ ജയമായിരുന്നു. ആദ്യം ബാറ്റ് ചെയ്ത ന്യൂസിലന്‍ഡ് എ 219 റണ്‍സെടുത്തപ്പോള്‍ ഇന്ത്യ 34 ഓവറില്‍ ആറ് വിക്കറ്റ് നഷ്ടത്തില്‍ മറികടന്നു.

ടോസ് നേടി ബാറ്റിംഗിനിറങ്ങിയ ന്യൂസിലന്‍ഡിന് വേണ്ടി ജോ കാര്‍ട്ടര്‍ (72), രചിന്‍ രവീന്ദ്ര (61) എന്നിവരാണ് മികച്ച പ്രകടനം പുറത്തെടുത്തവര്‍. ചാഡ് ബൗസ്(15), ഡെയ്ന്‍ ക്ലീവര്‍(6), ക്യാപ്റ്റന്‍ റോബര്‍ട്ട് ഒ ഡോണില്‍(0), ടോം ബ്രൂസ്(10), സീന്‍ സോളിയ(28), മിച്ചല്‍ റിപ്പണ്‍(10), ലോഗന്‍ വാന്‍ ബീക്ക്(4), ജോ വോക്കര്‍(0), ജേക്കബ് ഡഫ്ഫി(0*) എന്നിങ്ങനെയായിരുന്നു മറ്റ് താരങ്ങളുടെ സ്‌കോര്‍. 47ാം ഓവറില്‍ വാന്‍ ബീക്ക്, വോക്കര്‍, ഡഫ്ഫി എന്നിവരെ പുറത്താക്കിയായിരുന്നു ചാഡ് ബോവ്‌സിനെ (15) പുറത്താക്കി ഉമ്രാന്‍ മാലിക്കാണ് ഇന്ത്യ എയ്ക്ക് ആദ്യ ബ്രേക്ക് ത്രൂ നല്‍കിയത്. പിന്നീട് കൃത്യമായ ഇടവേളകളില്‍ ന്യൂസീലന്‍ഡ് എയ്ക്ക് വിക്കറ്റ് നഷ്ടമായി. രാഹുല്‍ ചഹാര്‍, ഋഷി ധവാന്‍ എന്നിവര്‍  രണ്ട് വിക്കറ്റ് വീതം വീഴ്ത്തിയപ്പോള്‍ ഉമ്രാന്‍ മാലിക്കിനും രാജ് ബവയ്ക്കും ഓരോ വിക്കറ്റ് വീതമുണ്ട്.


മറുപടി ബാറ്റിംഗില്‍ വിസ്മയ തുടക്കമാണ് ഓപ്പണര്‍മാരായ പൃഥ്വി ഷായും റുതുരാജ് ഗെയ്ക്‌വാദും ഇന്ത്യക്ക് നല്‍കിയത്.  സ്‌കോര്‍ 82ല്‍ നില്‍ക്കേ റുതുരാജ് (34 പന്തില്‍ 30) പുറത്തായി. രജത പടിദാറും1(7 പന്തില്‍ 20)  തിലക് വര്‍മ ഗോള്‍ഡന്‍ ഡക്കായും അടുത്തടുത്ത ഓവറുകളില്‍ പുറത്തായി. സഞ്ജു സാംസണ്‍ 35 പന്തില്‍ നാല് ഫോറും രണ്ട് സിക്‌സും ഉള്‍പ്പടെയാണ് 37 റണ്‍സെടുത്തു. 48 പന്ത് നീണ്ട ഇന്നിംഗ്‌സില്‍ 11 ഫോറും മൂന്ന് സിക്‌സും സഹിതം ഷാ 77 റണ്‍സെടുത്തു.  

സ്‌കോര്‍: ന്യൂസിലന്‍ഡ് 219(47), ഇന്ത്യ 222/6(34.).

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.