login
ജോഫ്ര ആര്‍ച്ചര്‍ കസറി; ആദ്യ ടി20 യില്‍ ഇന്ത്യക്ക് തോല്‍വി

ടോസ് നഷ്ടപ്പെട്ട് ബാറ്റ് ചെയ്ത ഇന്ത്യയെ പേസര്‍ ജോഫ്ര ആര്‍ച്ചറാണ് തകര്‍ത്തത്. നാല് ഓവറില്‍ 23 റണ്‍സിന് മൂന്ന് വിക്കറ്റ് വീഴ്ത്തി.

അഹമ്മദാബാദ്: പേസര്‍ ജോഫ്ര ആര്‍ച്ചറുടെയും ഓപ്പണര്‍ ജേസണ്‍ റോയിയുടെയും മികവില്‍ ഇംഗ്ലണ്ടിന് വിജയം. ആദ്യ ടി 20 യില്‍ അവര്‍ എട്ട്് വിക്കറ്റിന് ഇന്ത്യയെ തോല്‍പ്പിച്ചു.  

125 റണ്‍സ് വിജയലക്ഷ്യത്തിനായി ബാറ്റേന്തിയ ഇംഗ്ലണ്ട്  15.3 ഓവറില്‍ രണ്ട് വിക്കറ്റ് നഷ്ടത്തില്‍ 130 റണ്‍സ് നേടി.  

ആദ്യം ബാറ്റ് ചെയ്ത ഇന്ത്യ 20 ഓവറില്‍ ഏഴു വിക്കറ്റിന് 124 റണ്‍സാണെടുത്തത്. ഈ വിജയത്തോടെ ഇംഗ്ലണ്ട് അഞ്ചു മത്സരങ്ങളുടെ പരമ്പരയില്‍ 1- 0 ന് മുന്നിലെത്തി.  

ജേസണ്‍ റോയ് 32 പന്തില്‍ നാലു ഫോറും മൂന്ന് സിക്‌സറും ഉള്‍പ്പെടെ 49 റണ്‍സ് എടുത്തു. ജോണി ബെയര്‍സ്‌റ്റോ പതിനേഴ് പന്തില്‍ 26 റണ്‍സുമായി പുറത്താകാതെ നിന്നു. 24 റണ്‍സ് എടുത്ത ഡേവിഡ് മലാനും പുറത്തായില്ല.  

ടോസ് നഷ്ടപ്പെട്ട് ബാറ്റ് ചെയ്ത ഇന്ത്യയെ പേസര്‍ ജോഫ്ര ആര്‍ച്ചറാണ് തകര്‍ത്തത്.  നാല് ഓവറില്‍ 23 റണ്‍സിന് മൂന്ന് വിക്കറ്റ് വീഴ്ത്തി.

തുടക്കം തകര്‍ന്ന ഇന്ത്യയെ ശ്രേയസ് അയ്യരുടെ അര്‍ധ ശതമാണ് നൂറ് കടത്തിയത്. അയ്യര്‍ നാല്‍പ്പത്തിയെട്ട് പന്തില്‍ എട്ട് ഫോറും ഒരു സിക്‌സറും സഹിതം 67 റണ്‍സ് നേടി. ഋഷഭ് പന്ത് 23 പന്തില്‍ 21 റണ്‍സ് നേടി. രണ്ട് ഫോറും ഒരു സിക്‌സറും അടച്ചു. ഹാര്‍ദിക് പാണ്ഡ്യ 21 പന്തില്‍ ഒരു ഫോറും ഒരു സിക്‌സും അടക്കം 19 റണ്‍്‌സ് എടുത്തു. അക്‌സര്‍ പട്ടേല്‍ മൂന്ന് പന്തില്‍ ഏഴു റണ്‍സുമായി പുറത്താകാതെ നിന്നു.

ബാറ്റിങ്ങിനയ്ക്കപ്പെട്ട ഇന്ത്യയുടെ തുടക്കം തകര്‍ച്ചയോടെയായിരുന്നു. ഓപ്പണര്‍ രാഹുല്‍ ഒരു റണ്‍സിനും ക്യാപ്റ്റന്‍ കോഹ് ലി പൂജ്യത്തിനും പുറത്തായി. രണ്ട് വിക്കറ്റ് വീഴുമ്പോള്‍ സ്‌കോര്‍ബോര്‍ഡില്‍ മൂന്ന് റണ്‍സ് മാത്രം. ശിഖര്‍ ധവാനും അനായാസം കീഴടങ്ങി. നാലു റണ്‍സിന് പുറത്തായി. അയ്യരും ഹാര്‍ദിക് പാണ്ഡ്യയും ഒത്തുചേര്‍ന്നതോടെയാണ് ഇന്ത്യന്‍ സ്‌കോര്‍ ഉയര്‍ന്നത്. അഞ്ചാം വിക്കറ്റില്‍ ഇവര്‍ 54 റണ്‍സ് കൂട്ടിച്ചേര്‍ത്തു.  

ഇംഗ്ലീഷ് പേസര്‍ ജോഫ്ര ആര്‍ച്ചറാണ് ഇന്ത്യയെ തകര്‍ത്തത്. നാല് ഓവറില്‍ 23 റണ്‍സിന് മൂന്ന് വിക്കറ്റ് വീഴ്ത്തി. ആദില്‍ റഷീദ്, മാര്‍ക്‌വ് വുഡ്, ക്രിസ് ജോര്‍ദാന്‍ , ബെന്‍സ്‌റ്റോക്‌സ് എന്നിവര്‍ ഓരോ വിക്കറ്റ് എടുത്തു. ടോസ് നേടിയ ഇംഗ്ലീഷ് ക്യാപ്റ്റന്‍ മോര്‍ഗന്‍ ഫീല്‍ഡിങ് തെരഞ്ഞെടുത്തു. ഇന്ത്യ ഓപ്പണര്‍ രോഹിത് ശര്‍മയ്ക്ക് വിശ്രമം നല്‍കി.

 

    comment

    LATEST NEWS


    ഗണേഷ് കുമാറിനെതിരേ സിപിഎം നേതൃത്വത്തെ സമീപിച്ച് സഹോദരി; അച്ഛന്റെ സ്വത്തുക്കള്‍ തട്ടിയെടുത്തു; സരിത ബന്ധവും ചര്‍ച്ച; ആദ്യ ടേം മന്ത്രിസ്ഥാനം ഒഴിവാക്കി


    രാഷ്ട്രീയക്കാര്‍ പ്രതിയാകുമ്പോള്‍ ജനങ്ങളെ ഉപയോഗിച്ച് ഉദ്യോഗസ്ഥരെ ഭയപ്പെടുത്തുന്നത് അംഗീകരിക്കില്ല; മമതയ്ക്ക് ബംഗാള്‍ ഹൈക്കോടതിയുടെ രൂക്ഷ വിമര്‍ശനം


    പശുക്കള്‍ക്ക് കുളമ്പുരോഗം പടരുന്നു; കർഷകർ പാൽ കറന്ന് കളയുന്നു, സർക്കാർ ആശുപത്രി ഉണ്ടെങ്കിലും ഡോക്ടർമാരില്ല


    മാരാരിക്കുളം തെക്ക് പഞ്ചായത്തില്‍ സിപിഎം സെല്‍ഭരണം, ബിജെപി സ്ഥാനാര്‍ത്ഥിയായി മത്സരിച്ച വനിതയ്ക്ക് വൈദ്യുതി കണക്ഷന്‍ നല്‍കുന്നില്ല


    ഇസ്രയേലിനെ ആക്രമിക്കാന്‍ അയച്ച ആറു മിസൈലുകളും സ്വന്തം രാജ്യത്ത് തന്നെ പതിച്ചു; ഇസ്രയേലിന്റെ തിരിച്ചടിയില്‍ വിറങ്ങലിച്ച് ലെബനന്‍


    ആലപ്പുഴയിൽ കനത്ത മഴയിലും കാറ്റിലും 29 വീടുകള്‍ പൂര്‍ണമായി തകര്‍ന്നു, 653 വീടുകള്‍ക്ക് ഭാഗികനാശം


    ചീറിപ്പായുന്നു ടാങ്കർ ലോറികൾ :അപകടക്കെണിയൊരുക്കി ദേശീയപാത, ഒരു മാസത്തിനിടെ അപകടത്തിൽപ്പെട്ടത് മൂന്ന് ടാങ്കർ ലോറികൾ


    പാലസ്തീന് ഐക്യദാര്‍ഢ്യവുമായി ഖത്തര്‍; ധനസഹായം പ്രഖ്യാപിച്ചതിന് പിന്നാലെ ഗാസ റെഡ്ക്രസന്റ് ഓഫീസ് ഇസ്രയേല്‍ ഷെല്‍ ആക്രമണത്തില്‍ തകര്‍ത്തു

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.