×
login
തദ്ദേശീയമായി നിര്‍മ്മിച്ച ആകാശ് മിസൈലിന്റെ കയറ്റുമതിക്ക് കേന്ദ്ര മന്ത്രിസഭയുടെ അംഗീകാരം

വിവിധ രാജ്യങ്ങള്‍ സമര്‍പ്പിക്കുന്ന ക്വട്ടേഷനുകളില്‍ പങ്കെടുക്കാന്‍, ഈ കേന്ദ്ര തീരുമാനത്തിലൂടെ ഇന്ത്യന്‍ നിര്‍മ്മാതാക്കള്‍ക്ക് കഴിയും.

ന്യൂദല്‍ഹി: കരയില്‍ നിന്നും 25 കിലോമീറ്റര്‍ ദൂരപരിധിയില്‍ വിക്ഷേപിക്കാന്‍ കഴിയുന്ന ആകാശ് മിസൈലിന്റെ കയറ്റുമതിക്ക് കേന്ദ്ര മന്ത്രിസഭാ യോഗം അംഗീകാരം നല്‍കി. 96% തദ്ദേശീയമായി നിര്‍മ്മിച്ചതാണ് ഈ മിസൈല്‍.

ആകാശ് മിസൈല്‍ പ്രവര്‍ത്തനസജ്ജമായതിന് ശേഷം അന്താരാഷ്ട്ര പ്രദര്‍ശനങ്ങള്‍, ഏറോ ഇന്ത്യ, പ്രതിരോധ പ്രദര്‍ശനങ്ങള്‍ എന്നിവയില്‍ നിരവധി സൗഹൃദ രാജ്യങ്ങള്‍ മിസൈല്‍ വാങ്ങുന്നതിന് താല്പര്യം പ്രകടിപ്പിച്ചിരുന്നു. വിവിധ രാജ്യങ്ങള്‍ സമര്‍പ്പിക്കുന്ന ക്വട്ടേഷനുകളില്‍ പങ്കെടുക്കാന്‍, ഈ കേന്ദ്ര തീരുമാനത്തിലൂടെ ഇന്ത്യന്‍ നിര്‍മ്മാതാക്കള്‍ക്ക് കഴിയും.

കയറ്റുമതിക്കുള്ള അംഗീകാരം വേഗത്തില്‍ നല്‍കുന്നതിന് രാജ്യരക്ഷാ മന്ത്രി, വിദേശകാര്യമന്ത്രി, ദേശീയ സുരക്ഷാ ഉപദേഷ്ടാവ് എന്നിവര്‍ അംഗങ്ങളായ സമിതിയും രൂപീകരിച്ചു. തദ്ദേശീയമായി നിര്‍മിച്ച പ്രതിരോധ ഉല്‍പന്നങ്ങളുടെ കയറ്റുമതിക്കുള്ള തുടര്‍നടപടികള്‍ക്ക് ഈ സമിതി അംഗീകാരം നല്‍കും.


പ്രതിരോധ ഉല്‍പ്പന്നങ്ങളുടെ വില്‍പ്പന 5 ബില്യണ്‍ ഡോളര്‍ എന്ന ലക്ഷ്യം കൈവരിക്കുന്നതിനും, സൗഹൃദ രാജ്യങ്ങളുമായുള്ള നയതന്ത്രബന്ധം ശക്തിപ്പെടുത്തുന്നതിനും ഇതിലൂടെ കേന്ദ്ര ഗവണ്‍മെന്റ് ലക്ഷ്യമിടുന്നു.

 

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.