×
login
ചുവപ്പ് ജനങ്ങളില്‍ ഭീതിയും അസ്വസ്ഥതയും ഉണ്ടാക്കുന്നു; ജമ്മു കശ്മീരിലെ സൈനിക വാഹനങ്ങളില്‍ ഇനിമുതല്‍ നീല പതാക

ഇനിമുതല്‍ ലാത്തികളാവില്ല. പകരം വിസില്‍ ആയിരിക്കും ഉപയോഗിക്കുകയെന്ന് ലഫ്റ്റനന്റ് കേണല്‍ ക്യു ഖാന്‍ വാര്‍ത്താ ഏജന്‍സിയെ അറിയിച്ചു.

ന്യൂദല്‍ഹി : സൈനിക വാഹനങ്ങളില്‍ ചുവന്ന പതാകയ്ക്ക് പകരം ഇനി നീല പതാകകള്‍. ചുവപ്പ് ജനങ്ങള്‍ക്കിടയില്‍ ഭീതിയും അസ്വസ്ഥയും ഉണ്ടാക്കുമെന്ന വിലയിരുത്തലിലാണ് പതാകയുടെ നിറം നീലയാക്കാന്‍ തീരുമാനിച്ചതെന്ന് സൈനിക വൃത്തങ്ങള്‍ അറിയിച്ചു.  

ഇനിമുതല്‍ നീലപതാക ഉയര്‍ത്തിക്കൊണ്ടായിരിക്കും ജമ്മുകശ്മീരിലെ സൈനിക വാഹനവ്യൂഹങ്ങള്‍ നീങ്ങുക. കശ്മീര്‍ താഴ്വരകളിലും സൈന്യം നീലപതാകയും ഏന്തിയായിരിക്കും ഇറങ്ങുക. ഒപ്പം സൈനിക ക്യാമ്പുകളിലെല്ലാം നീലപതാകയാക്കും.  


ഇത് കൂടാതെ സൈന്യത്തിന്റെ പൊതു വേഷത്തില്‍ മാറ്റം വരുത്തുന്നതിന്റെ ഭാഗമായി ഇനിമുതല്‍ ലാത്തികളാവില്ല. പകരം വിസില്‍ ആയിരിക്കും ഉപയോഗിക്കുകയെന്ന് ലഫ്റ്റനന്റ് കേണല്‍ ക്യു ഖാന്‍ വാര്‍ത്താ ഏജന്‍സിയെ അറിയിച്ചു. സൈനിക വാഹനങ്ങളില്‍ ജമ്മുകശ്മീരിനെ ഓര്‍മ്മിപ്പിക്കുന്ന ചിത്രങ്ങള്‍ പതിപ്പിക്കും. മതിലുകളില്‍ വിജയം കൈവരിച്ചിട്ടുള്ള സംസ്ഥാനത്തെ യുവാക്കളുടെ ചിത്രവും നല്‍കുമെന്നും ലഫ്റ്റനന്റ് കേണല്‍ കൂട്ടിച്ചേര്‍ത്തു.

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.