×
login
വിദ്യാര്‍ത്ഥികള്‍ക്ക് ആശ്വാസവാര്‍ത്തയുമായി ദേശീയ മെഡിക്കല്‍ കമ്മീഷന്‍: വിദേശത്ത് ഇന്റേണ്‍ഷിപ്പ് മുടങ്ങിയവര്‍ക്ക് ഇന്ത്യയില്‍ പരിശീലനം പൂര്‍ത്തിയാക്കാം

ആയിരക്കണക്കിന് വിദ്യര്‍ത്ഥികളാണ് റഷ്യന്‍ സൈനിക ആക്രമണത്തെ തുടര്‍ന്ന് കേന്ദ്ര സര്‍ക്കാര്‍ അയച്ച വിമാനങ്ങളില്‍ രാജ്യത്തേക്ക് മടങ്ങിയത്.

ന്യൂദല്‍ഹി: യുദ്ധം, കൊവിഡ് തുടങ്ങിയ സാഹചര്യങ്ങളാല്‍ ഇന്റേണ്‍ഷിപ്പ് പൂര്‍ത്തിയാക്കാന്‍ കഴിയാത്ത വിദേശ മെഡിക്കല്‍ ബിരുദധാരികള്‍ക്ക് ഇന്ത്യയില്‍ തന്നെ പരിശീലനം പൂര്‍ത്തിയാക്കാം. ഇതു സംബന്ധിച്ച സർക്കുലർ  ദേശീയ മെഡിക്കല്‍ കമ്മീഷന്‍ പുറപ്പെടുവിച്ചു. റഷ്യന്‍ ആക്രമണത്താല്‍ കോഴ്സുകള്‍ പാതിവഴിയില്‍ ഉപേക്ഷിക്കേണ്ടിവന്ന യുക്രെയിനിലെ ഇന്ത്യന്‍ വിദ്യാര്‍ത്ഥികള്‍ക്ക് ഇത് വളരെയധികം ആശ്വാസകരമാണ്.  

നാഷണല്‍ ബോര്‍ഡ് ഒഫ് എക്സാമിനേഷന്‍ നടത്തുന്ന ഫോറിന്‍ മെഡിക്കല്‍ ഗ്രാജ്വേറ്റ് എക്സാമിനേഷന്‍(എഫ്‌എംജിഇ) പാസായെങ്കില്‍ ഇന്റേണ്‍ഷിപ്പ് പൂര്‍ത്തിയാക്കുന്നതിനുള്ള അപേക്ഷ സംസ്ഥാന മെഡിക്കല്‍ കൗണ്‍സിലുകള്‍ക്ക് അയക്കാമെന്ന് ഇന്ത്യന്‍ മെഡിക്കല്‍ വിദ്യാഭ്യാസ റെഗുലേറ്ററി ബോഡി അറിയിച്ചു. യുദ്ധം, കൊവിഡ് തുടങ്ങിയ സാഹചര്യങ്ങളാല്‍ ഇന്റേണ്‍ഷിപ്പ് പൂര്‍ത്തിയാക്കാന്‍ കഴിയാത്ത വിദേശ മെഡിക്കല്‍ ബിരുദധാരികള്‍ക്ക് ഇത് പ്രയോജനപ്പെടുത്താമെന്നും എന്‍എംസി പറഞ്ഞു.  


ഇന്ത്യയില്‍ രജിസ്റ്റര്‍ ചെയ്യുന്ന വിദ്യാര്‍ത്ഥികള്‍ എഫ്‌എംജിഇ പാസായിട്ടുണ്ടെന്ന് സംസ്ഥാന മെഡിക്കല്‍ കൗണ്‍സിലുകള്‍ ഉറപ്പാക്കണം. ശേഷം 12 മാസത്തെ ഇന്റേണ്‍ഷിപ്പ് അല്ലെങ്കില്‍ ബാക്കിയുള്ള കാലയളവ് അനുവദിക്കാം എന്നും സര്‍ക്കുലറില്‍ പറയുന്നു.  

ഇന്റേണ്‍ഷിപ്പ് പൂര്‍ത്തിയാക്കുന്നതിന് വിദ്യാര്‍ത്ഥികളില്‍ നിന്നും ഫീസ് ഈടാക്കുന്നില്ല എന്ന് ഉറപ്പു വരുത്തണമെന്നും എന്‍എംസി സംസ്ഥാന മെഡിക്കല്‍ കൗണ്‍സിലുകളോട് ആവശ്യപ്പെട്ടു. സ്റ്റൈപ്പന്റും മറ്റ് സൗകര്യങ്ങളും നിശ്ചയിച്ച പ്രകാരം ഇന്റേണ്‍ഷിപ്പ് ചെയ്യുന്ന വിദ്യാര്‍ത്ഥികള്‍ക്ക് നല്‍കണമെന്നും സര്‍ക്കുലറില്‍ പറയുന്നു.

    comment

    LATEST NEWS


    ഗുജറാത്തിൽ നവരാത്രി ഉത്സവത്തിന് ഒരുങ്ങുന്ന സൂറത്തിലെ യുവതികൾ മുതുകിൽ വരയ്ക്കുന്ന ടാറ്റൂവില്‍ മോദിയും ചീറ്റയും...


    അമിത വില; കേരളത്തിന്റെ പരാതി പ്രധാനമന്ത്രി കേട്ടു; നെടുമ്പാശേരി വിമാനത്താവളത്തില്‍ ചായക്കും കാപ്പിക്കും വില നിശ്ചയിച്ചു; കൊള്ളയ്ക്ക് കൂച്ചുവിലങ്ങ്


    സുഗമ്യ ഭാരത് അഭിയാന്‍: എട്ടു വര്‍ഷത്തില്‍ 1090 എസ്‌കലേറ്ററുകള്‍, 981ലിഫ്റ്റുകള്‍; രാജ്യത്തെ 497 റെയില്‍വേ സ്‌റ്റേഷനുകള്‍ ദിവ്യാംഗസൗഹൃദമാക്കി റെയില്‍വേ


    പിഎഫ്‌ഐ തീവ്രവാദികളെ നീരാളി പിടിച്ചു; പിന്നാലെ വിമാനത്താവള സ്വര്‍ണ്ണ കടത്ത് നിലച്ചു; ആറ് വര്‍ഷത്തിനിടെ കേരളത്തില്‍ പിടിച്ചത് 983.12കോടിയുടെ സ്വര്‍ണ്ണം


    ഏഴ് മിനിറ്റോളം കൃത്രിമശ്വാസം നല്കി നവജാതശിശുവിനെ രക്ഷിച്ച യോഗിയുടെ നാട്ടിലെ സര്‍ക്കാര്‍ ഡോക്ടറായ സുരേഖ ചൗധരിയുടെ വീഡിയോക്ക് കയ്യടി


    ഉഭയകക്ഷി പങ്കാളിത്തം ശക്തിപ്പെടുത്തുന്നതില്‍ ആബെയുടെ സംഭാവനകള്‍ പ്രധാനമന്ത്രി ചൂണ്ടിക്കാട്ടി; ജപ്പാന്‍ പ്രധാനമന്ത്രിയുമായി കൂടിക്കാഴ്ച നരേന്ദ്ര മോദി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.