മട്ടാഞ്ചേരി: പുതുവത്സരാഘോഷത്തിന്റെ ഭാഗമായി എത്തുന്നവര് കൊവിഡ് മാനദണ്ഡങ്ങള് പാലിക്കുന്നുണ്ടോയെന്ന് വിലയിരുത്തുന്നതിനും വീഴ്ച വരുത്തുന്നവര്ക്കെതിരെ നടപടിയെടുക്കുന്നതിനും കൊച്ചി താലൂക്കിലെ രണ്ട് കടപ്പുറത്ത് ജില്ലാ ഭരണകൂടം നിയോഗിച്ച രണ്ട് തഹസില്ദാര്മാരും എത്തിയില്ല.
സംസ്ഥാനത്തെ മറ്റ് ജില്ലകളില് തഹസില്ദാര്മാരെ നിയോഗിച്ച് നേരത്തേ തന്നെ ഉത്തരവിറങ്ങിയെങ്കിലും സുപ്രധാന കേന്ദ്രമായ കൊച്ചിയില് ആളെ നിയോഗിച്ചിരുന്നില്ല. കൗണ്സിലര് ഉള്പ്പെടെ പലരും ജില്ലാ ഭരണകൂടവുമായി ബന്ധപ്പെട്ട ശേഷം വൈകിയാണ് ഉത്തരവ് ഇറങ്ങിയത്. അപ്പോഴേക്കും തഹസില്ദാര്മാര് വീട്ടിലേക്ക് പോയിരുന്നു.
ഫോര്ട്ട്കൊച്ചി, മുനമ്പം കടപ്പുറത്തേക്കാണ് തഹസില്ദാര്മാരെ നിയോഗിച്ചത്. കൊച്ചി തഹസില്ദാര് സുനിത ജേക്കബ്, അഡീഷണല് തഹസില്ദാര് ബെന്നി എന്നിവരെയാണ് ചുമതലപ്പെടുത്തിയത്. എന്നാല് ജില്ലാ ഭരണകൂടത്തിന്റെ വീഴ്ച മൂലം രാത്രി വൈകിയും തഹസില്ദാര്മാര് എത്തിയില്ല.
പ്രതികരിക്കാൻ ഇവിടെ എഴുതുക: