കൊച്ചി : കേന്ദ്ര ഗവണ്മെന്റ് സാംസ്കാരിക വകുപ്പിന്റെ അമൃത പുരസ്കാരം നേടിയ കലാക്ഷേത്ര വിലാസിനി ടീച്ചര്ക്ക് ആര്എല്വി കോളേജ് ഭരതനാട്യ വിഭാഗം മുന് വിദ്യാര്ത്ഥി കൂട്ടായ്മയുടെ ആദരം. തൃപ്പൂണിത്തുറ ലായം കൂത്തമ്പലത്തില് വച്ച് അനുമോദന ചടങ്ങും സംഘടിപ്പിച്ചു .
പ്രശസ്ത നൃത്ത അധ്യാപികമാരായ ആര് എല് വി ദേവി, ആര് എല് വി രത്നമ്മ , ആര് എല് വി ഗിരിജ, ആര് എല് വി സരോജിനി, ആര്എല്വി അംബിക എന്നിവര്ക്ക് പ്രഥമ നാട്യരംഗ് പുരസ്കാരവും സമര്പ്പിച്ചു. ശ്രീ സുനില് നെല്ലായി അധ്യക്ഷത വഹിച്ചു. ശ്രീമതി കലാ വിജയന്, ആര് എല്വി കോളേജ് പ്രിന്സിപ്പല് രാജലക്ഷ്മി. തൃപ്പൂണിത്തുറ നഗരസഭ ചെയര്പേഴ്സണ് ശ്രീമതി രമാ സന്തോഷ് എന്നിവര് ചടങ്ങില് പങ്കെടുത്തു. അമ്പതില്പ്പരം നര്ത്തകീ നര്ത്തകര് ചേര്ന്ന് പ്രിയ അധ്യാപികയ്ക്കായി നൃത്ത അര്ച്ചനയും നടത്തി.
പ്രതികരിക്കാൻ ഇവിടെ എഴുതുക: