×
login
ജയത്തോടെ ബ്രസീല്‍; അതിമനോഹര ഗോളുമായി റിച്ചാര്‍ലിസണ്‍; ആശങ്കയായി നെയ്മറുടെ പരുക്ക് (വീഡിയോ)

പരുക്കിനെ പറ്റി പറയാനാവില്ലെന്ന ടീം ഡോക്ടര്‍ റോഡ്രിഗ്രോ ലാസ്മര്‍. വലത് കണങ്കാലിനാണ് നെയ്മറിന് പരിക്കേറ്റിരിക്കുന്നത്. 24 മുതല്‍ 48 മണിക്കൂറിന് ശേഷം എം.ആര്‍.ഐ സ്‌കാനിങ്ങിലൂടെ മാത്രമേ പരിക്ക് വിലയിരുത്താനാവു

ദോഹ: ലോകകപ്പിലെ ആദ്യ മത്സരത്തില്‍ സെര്‍ബിയക്കെതിരേ ഉജ്വല വിജയത്തോടെ ബ്രസീലിന്റെ ജൈത്രയാത്ര ആരംഭിച്ചു. ബ്രസീലിയന്‍ താരം  റിച്ചാര്‍ലിസണിന്റെ കാലില്‍നിന്നായിരുന്നു രണ്ട് ഗോളുകളും. അതില്‍ രണ്ടാമത്തേത് ഈ ലോകകപ്പില്‍ പിറന്ന ഏറ്റവും മനോഹര ഗോളായിരുന്നു. ആദ്യ പകുതിയില്‍ ശക്തമായ പ്രതിരോധം തീര്‍ത്ത സെര്‍ബയയ്ക്ക് പക്ഷേ 62ാം മിനിറ്റില്‍ പിഴച്ചു. ഇടതുവശത്ത് പ്രതിരോധ താരങ്ങളെ വകഞ്ഞുമാറ്റി മുന്നോട്ടുകയറിയ നെയ്മര്‍ വിനീഷ്യസിലേക്ക് പന്ത് നല്‍കി. കരുത്തുറ്റ ഷോട്ട് ഗോള്‍മുഖത്തേക്ക് പറന്നു. ഗോള്‍ കീപ്പര്‍ തടഞ്ഞിട്ടു. പക്ഷേ, പന്ത് കിട്ടിയത് റിച്ചാര്‍ലിസണിന്റെ കാലില്‍. ആ ലക്ഷ്യം തെറ്റാതെ ആദ്യ ഗോള്‍. പത്ത് മിനിറ്റിനുള്ളില്‍ ആയിരുന്നു ഈ ലോകകപ്പിലെ മനോഹ ഗോള്‍.  ബോക്‌സിലേക്ക് വിനീഷ്യസിന്റെ ക്രോസ്. റിച്ചാര്‍ലിസണ്‍ വായുവിലുയര്‍ന്നു. പിന്നെ കണ്ണഞ്ചിപ്പിക്കുന്ന ബൈസിക്കിള്‍ കിക്കിലൂടെ പന്ത് വലയിലേക്ക് തൊടുത്തു. (2-0). പിന്നീടും നിരവധി അവസരങ്ങള്‍ ലഭിച്ചെങ്കിലും ബ്രസീലിനെ ഭാഗ്യം തുണിച്ചില്ല. ഗ്രൂപ്പ് ജിയില്‍ ബ്രസീല്‍ ഒന്നാമതായി. 28ന് സ്വിറ്റ്‌സര്‍ലന്‍ഡുമായാണ് അടുത്ത കളി.

അതേസമയം, ബ്രസീല്‍ ആരാധാകരെ ആകെ ആശങ്കയില്‍ ആഴ്ത്തിയിരിക്കുകയാണ് ബ്രസീല്‍ സൂപ്പര്‍ താരം നെയ്മറിന്റെ പരുക്ക്. പരുക്കിനെ പറ്റി പറയാനാവില്ലെന്ന ടീം ഡോക്ടര്‍ റോഡ്രിഗ്രോ ലാസ്മര്‍. വലത് കണങ്കാലിനാണ് നെയ്മറിന് പരിക്കേറ്റിരിക്കുന്നത്. 24 മുതല്‍ 48 മണിക്കൂറിന് ശേഷം എം.ആര്‍.ഐ സ്‌കാനിങ്ങിലൂടെ മാത്രമേ പരിക്ക് വിലയിരുത്താനാവു. ഇപ്പോള്‍ നമുക്ക് കാത്തിരിക്കാം. പരിക്ക് വിലയിരുത്തുന്നതിന് മുമ്പുള്ള നിഗമനങ്ങള്‍ക്ക് പ്രസക്തിയില്ലെന്നും അദ്ദേഹം പറഞ്ഞു. പരിക്കിന് ശേഷവും 11 മിനിറ്റ് നെയ്മര്‍ കളിക്കളത്തില്‍ തുടര്‍ന്നിരുന്നു. പിന്നീട് കളിക്കാനാവാതെ വന്നതോടെയാണ് അദ്ദേഹത്തെ പിന്‍വലിച്ചതെന്നും ടീം ഡോക്ടര്‍ വ്യക്തമാക്കി.

 

    comment

    LATEST NEWS


    വിഴിഞ്ഞം ചര്‍ച്ച അലസി; ചൊവ്വാഴ്ച പരിഹാരമായേക്കും; നിര്‍മ്മാണത്തിന് തടസ്സം നില്‍ക്കില്ലെന്ന് സൂചന; തീരശോഷണം പഠിക്കാന്‍ സമരപ്രതിനിധി വേണ്ട


    ചലച്ചിത്ര നിര്‍മ്മാതാവ് ജെയ്സണ്‍ എളംകുളം ഫ്ലാറ്റില്‍ മരിച്ച നിലയില്‍; ശൃംഗാരവേലൻ, ജമ്നാപ്യാരി ചിത്രങ്ങളുടെ നിര്‍മ്മാതാവ്


    താമര വിരിയും, ഗുജറാത്തിലും ഹിമാചല്‍ പ്രദേശിലും എക്സിറ്റ് പോള്‍ ഫലങ്ങള്‍ ബിജെപിയ്ക്ക് അനുകൂലം കോണ്‍ഗ്രസിന് സീറ്റ് കുറയും


    എംബാപ്പെയുടെ ഫ്രാന്‍സിനെ വിറപ്പിക്കാന്‍ ഇംഗ്ലണ്ടിന്‍റെ 19കാരന്‍ ജൂഡ് ബെല്ലിംഗാം; ഇംഗ്ലണ്ടുകാരുടെ ഗോള്‍ഡന്‍ ബോയ് ആയി ജൂഡ്


    തിരുവനന്തപുരം കോര്‍പറേഷനില്‍ നിന്നും 17 ഫയലുകള്‍ കാണാനില്ല; എല്ലാ ഫയലുകളും അപ്രത്യക്ഷമായത് ആര്യാ രാജേന്ദ്രന്‍ ചുമതലയേറ്റ ശേഷം


    മയക്കമരുന്ന് കടത്തില്‍ ആഗോള മാഫിയയെ പിടിക്കണം; വന്‍മത്സ്യങ്ങള്‍ക്ക് പിന്നാലെ പോകാനും നിര്‍മ്മല സീതാരാമന്‍

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.