ന്യൂദല്ഹി: ഇന്ത്യയിലെ പ്രമുഖ ശാസ്ത്രീയ ആയൂര്വേദ കമ്പനിയായ ഡാബര് ഇന്ത്യ ‘ഡാബര് റെഡ് പുള്ളിങ് ഓയില്’ അവതരിപ്പിച്ചുകൊണ്ട് മൗത്ത് വാഷ് വിഭാഗത്തിലേക്ക് കടക്കുന്നു. വായുമായി ബന്ധപ്പെട്ട സംരക്ഷണങ്ങളുടെ വിപണിയില് പുതിയ സൃഷ്ടിയാണ് ആയൂര്വേദ മൗത്ത് വാഷ്. പല്ലിന്റെയും മോണയുടെയും സംരക്ഷണത്തിനായുള്ള ഈ ആയൂര്വേദ ഉല്പ്പന്നത്തിന്റെ അവതരണം ഇന്ത്യയിലെ ആയൂര്വേദ വ്യവസായത്തെ പുതിയ മാനങ്ങളിലെത്തിച്ചിരിക്കുകയാണ്.
നിത്യേനയുള്ള ഓറല് കെയറില് മുന്നിലുള്ള ആയൂര്വേദിക്ക് ടൂത്ത് പേസ്റ്റ് ബ്രാന്ഡിനൊപ്പം നൂതനമായ ഒരു ഉല്പ്പന്നം കൂടി ചേരുകയാണ്. ഡാബര് റെഡ് പുള്ളിങ് ഓയിലിന്റെ 195 മില്ലിലിറ്ററിന്റെ പാക്കിന് 275 രൂപയാണ് വില. തുടക്കത്തില് പ്രമുഖ ഇ-കൊമേഴ്സ് പ്ലാറ്റ്ഫോമുകളില് മാത്രമായിരിക്കും ലഭ്യമാകുക. ഉടനെ തന്നെ റീട്ടെയില് ചാനലുകളിലും എത്തും.
ആല്ക്കഹോള് ഇല്ലാതെ സ്വാഭാവിക ഓയിലുകളും ഔഷധങ്ങളും ചേര്ന്ന ആയൂര്വേദ മൗത്ത് വാഷാണ് ഡാബര് റെഡ് പുള്ളിങ് ഓയിലെന്നും വെളിച്ചെണ്ണ, എള്ളെണ്ണ, തുളസി, ഗ്രാമ്പൂ, കറുവപ്പട്ട എണ്ണ, പുതിന തുടങ്ങിയവയാണ് ഇതിലെ ചേരുവകളെന്നും ഇത് പല്ലുകളെ ബലപ്പെടുത്തുക മാത്രമല്ല, 99.9 ശതമാനം അണുക്കളെ നശിപ്പിക്കുകയും ചെയ്യുമെന്ന് ഡാബര് ഇന്ത്യ ഓറല് കെയര് മാര്ക്കറ്റിങ് മേധാവി ഹര്ക്കവാല് സിങ് പറഞ്ഞു.
പ്രതികരിക്കാൻ ഇവിടെ എഴുതുക: