×
login
ഹൈഡ്രോക്‌സിക്ലോക്വിന്‍ മൃതസഞ്ജീവനി; മരുന്നിന്റെ ശേഖരത്തില്‍ ഇന്ത്യ ഏറ്റവും സുരക്ഷിതമായ നിലയില്‍, 30 ദിവസത്തിനുള്ളില്‍ 40 ടണ്‍ ഉത്പ്പാദിപ്പിക്കാനാകും

ഒരു കോവിഡ് രോഗി ഒരു കോഴ്‌സില്‍ 200 മില്ലിഗ്രാമിന്റെ 14 ഗുളികകളാണ് കഴിക്കേണ്ടി വരിക. അതായത് ഇന്ത്യയുടെ ഒരു മാസത്തെ ഇന്ത്യയുടെ ഉത്പ്പാദനം കൊണ്ട് 1.42 കോടി രോഗികളെ ഭേദമാക്കാന്‍ നമുക്ക് സാധിക്കും.

ലോകം കോവിഡ് ഭീതിയില്‍ കഴിയുമ്പോള്‍ അല്‍പം അല്‍പം ആശ്വാസമേകിക്കൊണ്ടാണ് ഹൈഡ്രോക്‌സിക്ലോറോക്വിന്‍ എന്ന മരുന്ന് പ്രതിരോധത്തിന് ഫലപ്രദമാണെന്ന് ആരോഗ്യ വിദഗ്ധര്‍ കണ്ടെത്തിയത്. കൊറോണ വൈറസിന് കൃത്യമായ മരുന്നൊന്നും കണ്ടുപിടിക്കാന്‍ ഇതുവരെ സാധിച്ചിട്ടില്ല. ഇതിനായുള്ള ഗവേഷണങ്ങള്‍ ഇപ്പോഴും നടന്നുകൊണ്ടിരിക്കുകയാണ്. അതുകൊണ്ടുതന്നെ ലോകരാഷ്ട്രങ്ങള്‍ക്ക് ഹൈഡ്രോക്‌സി ക്ലോറോക്വിന്നിനെ ആശ്രയിച്ച് പരമാവധി പ്രതിരോധിക്കുക എന്നതല്ലാതെ മറ്റൊരുവഴിയുമില്ല.  

ഹൈഡ്രോക്‌സിക്ലോറോക്വിന്‍ സംഭരണത്തില്‍ ഇന്ത്യ ഇന്ന് ഏറെ മുന്നിലാണ്. അതിനാലാണ് ലോക രാഷ്ട്രങ്ങള്‍ മരുന്നിനായി ഇന്ത്യയെ തേടിയെത്തുന്നത്. മരുന്നിനും മറ്റും അവശ്യ സാധനങ്ങള്‍ക്കുമായി മറ്റ് രാജ്യങ്ങളുടെ സഹായം ഇല്ലാതെ ആഭ്യന്തരമായി വികസിപ്പിക്കാനുള്ള കേന്ദ്ര സര്‍ക്കാരിന്റെ തീരുമാനമാണ് ഹൈഡ്രോക്‌സിക്ലോറോക്വിന്‍ ഇന്ത്യയില്‍ വേണ്ടത്ര ശേഖരമുണ്ടാകാന്‍ കാരണം. ഈ മരുന്ന് സംഭരണത്തില്‍ ഇന്ത്യ തന്നെ രാജാവ്. മരുന്നിന്റെ ശേഖരത്തില്‍ ഏറ്റവും സുരക്ഷിതമായ നിലയിലാണ് ഇന്ത്യ.  

ഇന്ന് ലോകവിപണിയിലെ 70 ശതമാനവും ഉല്‍പാദിപ്പിക്കുന്നത് ഇന്ത്യയിലെ മൂന്ന് മുന്‍നിര കമ്പനികള്‍. 30 ദിവസത്തിനുള്ളില്‍ 40 ടണ്‍ മരുന്ന് (200 മില്ലിഗ്രാമിന്റെ 20 കോടി ഗുളികകള്‍) ഉല്‍പാദിപ്പിക്കാനുള്ള ശേഷിയും ഇന്ത്യയ്ക്കു സ്വന്തം. എന്നിരുന്നാലും ഹൈഡ്രോക്‌സിക്ലോറോക്വിന്നിന് ആന്താരാഷ്ട്ര തലത്തില്‍ ആവശ്യം കൂടുന്നതോടെ കയറ്റുമതിയും വര്‍ധിച്ചേക്കാം. ഇത് ആഭ്യന്തര തലത്തില്‍ ക്ഷാമവും അമിത വില ഈടാക്കാനുമുള്ള സാധ്യതയുമുണ്ട്. ഇതെല്ലാം കണക്കിലെടുത്താണ് കയറ്റുമതിക്ക് കേന്ദ്ര സര്‍ക്കാര്‍ നിയന്ത്രണങ്ങള്‍ കൊണ്ടുവന്നത്.  

എന്നിരുന്നാലും കോവിഡ് കൂടുതലായി ബാധിച്ചിട്ടുള്ള രാജ്യങ്ങളില്‍ അവശ്യങ്ങള്‍ക്കനുസൃതമായി മരുന്ന് കയറ്റുമതി ചെയ്യാമെന്നും ഇന്ത്യ അറിയിച്ചിട്ടുണ്ട്. ആവശ്യത്തിന് അനുസൃതമായി മരുന്നിന്റെ ഉത്പ്പാദനവും ഇന്ത്യ വര്‍ധിപ്പിച്ചിട്ടുണ്ട്.  

കോവിഡ് പ്രതിരോധത്തിന് ഹൈഡ്രോക്‌സിക്ലോറോക്വിന്‍ ഫലപ്രദമാണെങ്കിലും മരുന്ന് ഉപയോഗിക്കണമെങ്കില്‍ ഡോക്ടറുടെ നിര്‍ദ്ദേശം ലഭിക്കണം. ഇല്ലെങ്കില്‍ പാര്‍ശ്വഫലം ഉണ്ടായേക്കാം. അതുകൊണ്ടുതന്നെ ഡോക്ടറുടെ കുറുപ്പടിയും നിര്‍ദ്ദേശവുമില്ലാതെ ഈ മരുന്ന് വില്‍ക്കാനോ വാങ്ങാനോ സാധിക്കില്ല. ഹൈഡ്രോക്‌സിക്ലോറോക്വിന്‍ കോവിഡ് പ്രതിരോധ സംഹാരിയാണെന്ന് കരുതി ജനങ്ങള്‍ യാതൊരുവിധ നിര്‍ദ്ദേശവുമില്ലാതെ വാങ്ങി ഉപയോഗിക്കാതിരിക്കുന്നതിനാണ് ഇത്.  

ഒരു കോവിഡ് രോഗി ഒരു കോഴ്‌സില്‍ 200 മില്ലിഗ്രാമിന്റെ 14 ഗുളികകളാണ് കഴിക്കേണ്ടി വരിക. അതായത് ഇന്ത്യയുടെ ഒരു മാസത്തെ ഇന്ത്യയുടെ ഉത്പ്പാദനം കൊണ്ട് 1.42 കോടി രോഗികളെ ഭേദമാക്കാന്‍ നമുക്ക് സാധിക്കും. ഇപ്ക ലബോറട്ടറീസ് (മുംബൈ), സൈഡസ് കാഡില (അഹമ്മദാബാദ്), വാല്ലസ് ഫാര്‍മസ്യൂട്ടിക്കല്‍സ് (ഗോവ) എന്നീ കമ്പനികളാണ് രാജ്യത്ത് പ്രധാനമായും ഹൈഡ്രോക്‌സിക്ലോറോക്വിന്‍ ഉത്പാദിപ്പിക്കുന്നത്.

അപൂര്‍വമായി മാത്രം ഉപയോഗിക്കാറുള്ള ഈ മരുന്നിന് കോവിഡ്19 പൊട്ടിപ്പുറപ്പെട്ടതോടെയാണ് കൂടുതല്‍ ആവശ്യക്കാരെത്തിയത്. ഉത്തരേന്ത്യയിലെ ചില ഡോക്ടര്‍മാരുടെ വാട്‌സാപ് സന്ദേശങ്ങള്‍ കൂടി വന്നതോടെ പണക്കാര്‍ വ്യാപകമായി മരുന്ന് വാങ്ങിക്കൂട്ടാന്‍ തുടങ്ങി. മൂന്നു മാസം കൊണ്ട് വിറ്റഴിഞ്ഞിരുന്നത്രയും മരുന്ന് ഒരു ദിവസം കൊണ്ട് ചെലവാകുന്ന സ്ഥിതിയിലെത്തി.  

ഇതോടെയാണ് മാര്‍ച്ച് അവസാനത്തോടെ ഹൈഡ്രോക്‌സിക്ലോറോക്വിന്‍ ഷെഡ്യൂള്‍ എച്ച്1 വിഭാഗത്തില്‍ പെടുത്തിയത്. ഡോക്ടറുടെ കുറിപ്പടിയില്ലാതെ മരുന്ന് വില്‍ക്കാന്‍ സാധിക്കാതായി. ആവശ്യമുള്ളവര്‍ക്ക് ഈ മരുന്ന് ലഭ്യമാക്കുന്നതിന് വേണ്ടിയാണ് ഇത്  

കേരളത്തിലും ഹൈഡ്രോക്‌സിക്ലോറോക്വിന്‍ ആവശ്യത്തിന് സംഭരിച്ചുവെച്ചിട്ടുണ്ട്. കൂടാതെ കേന്ദ്രം അനുവദിച്ച 11.5 ലക്ഷം ഗുളികകള്‍ കൂടിയായതോടെ മൊത്തം 14 ലക്ഷം ഗുളികകളുടെ ശേഖരമാണ് സംസ്ഥാനത്തുള്ളത്. ഒരു ലക്ഷം രോഗികള്‍ക്ക് ഉപയോഗിക്കാവുന്നതാണ്.  

അതിനിടെ കേരള സ്റ്റേറ്റ് ഡ്രഗ്‌സ് ആന്‍ഡ് ഫാര്‍മസ്യൂട്ടിക്കല്‍സിന് ഹൈഡ്രോക്‌സിക്ലോറോക്വിന്‍ നിര്‍മാണത്തിനു വേണ്ട ലൈസന്‍സ് നല്‍കുന്ന കാര്യവും കേന്ദ്രസര്‍ക്കാര്‍ പരിഗണിച്ചിരുന്നു. എന്നാല്‍ സംസ്ഥാനത്ത് ആവശ്യത്തിലധികം ഹൈഡ്രോക്‌സിക്ലോറോക്വിന്നിന്റെ സ്റ്റോക്ക് ഉള്ളതിനാല്‍ ഇത് വേണ്ടെന്ന് വെയ്ക്കുകയായിരുന്നു. അനാവശ്യമായി അസംസ്‌കൃത വസ്തുക്കള്‍ സംഭരിക്കുന്നത് ചിലപ്പോള്‍ പാഴായിപ്പോകാനും സാധ്യതയുള്ളതിനെ തുടര്‍ന്നാണ് ഇത് വേണ്ടെന്ന് വെച്ചത്.

 

    comment

    LATEST NEWS


    'ഞങ്ങളെ വെടിവച്ചിടണം; അല്ലാതെ ഒരു തീവ്രവാദിക്കും നിങ്ങളെ കൊല്ലാനാവില്ല'; ഇതരസംസ്ഥാനത്തൊഴിലാളികള്‍ക്കായി കശ്മീര്‍ കൈകോര്‍ക്കുന്നു; ഒപ്പം സൈന്യവും


    തന്റെ കുഞ്ഞിനെ കടത്താന്‍ ഡിവൈഎഫ്‌ഐ നേതാവ് ഷിജുഖാന്‍ കൂട്ടുനിന്നു; പോലീസ് അന്വേഷണം അട്ടിമറിക്കുന്നു; കോടതിയെ സമീപിക്കുമെന്നും അനുപമ


    സര്‍ക്കാരിന്റെ ദുരിതാശ്വ- ഭക്ഷ്യ സാമഗ്രികള്‍ സിപിഎം ഓഫീസില്‍ വിതരണത്തിന്; തടഞ്ഞ് വില്ലേജ് ഓഫീസര്‍; വെള്ളപ്പൊക്കത്തിനിടയിലും രാഷ്ട്രീയ മുതലെടുപ്പ്


    കേരളം പരിശോധന വീണ്ടും കുറച്ചു; ഇന്ന് 8733 പേര്‍ക്ക് കോവിഡ്; 118 മരണങ്ങള്‍; നിരീക്ഷണത്തില്‍ 2,86,888 പേര്‍; 211 വാര്‍ഡുകളില്‍ കര്‍ശന നിയന്ത്രണം


    'ശമ്പളം പരിഷ്‌ക്കരിക്കണം; കൂടുതല്‍ ബസുകള്‍ നിരത്തിലിറക്കി യാത്രാക്ലേശം പരിഹരിക്കണം'; പണിമുടക്ക് പ്രഖ്യാപിച്ച് കെഎസ്ആര്‍ടിസി ജീവനക്കാര്‍


    അര്‍ഹതയുള്ളവരെ അംഗീകാരങ്ങള്‍ തേടിയെത്തും; സംസ്ഥാന അവാര്‍ഡ് തിളക്കത്തില്‍ ഇരട്ടി സന്തോഷവുമായി ബിജു ധ്വനിതരംഗ്

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.