×
login
ലോകത്തിലെ ഏറ്റവും വലിയ കോവിഡ് വാക്‌സിനേഷന്‍ യജ്ഞം: രാജ്യത്ത് 13.54 കോടിയിലധികം ഡോസ് വാക്‌സിന്‍ നല്‍കി;കേരളത്തില്‍ 65 ലക്ഷം

•കഴിഞ്ഞ 24 മണിക്കൂറില്‍ 31 ലക്ഷത്തിലധികം വാക്‌സിന്‍ ഡോസ് നല്‍കി. • രാജ്യത്ത് ആകെ ചികിത്സയില്‍ ഉള്ളവരില്‍ 60% വും, 5 സംസ്ഥാനങ്ങളില്‍. • കഴിഞ്ഞ 24 മണിക്കൂര്‍ 1.93 ലക്ഷത്തിലധികം പേര്‍ രോഗമുക്തി നേടി

ന്യൂദല്‍ഹി: ലോകത്തിലെ ഏറ്റവും വലിയ കോവിഡ്  വാക്‌സിനേഷന്‍ യജ്ഞത്തിന്റെ ഭാഗമായി രാജ്യവ്യാപകമായി ആകെ 13.54 കോടിയിലധികം  കോവിഡ് വാക്‌സിന്‍ ഡോസുകള്‍ ഇന്ന്  വരെ നല്‍കി.

ഇന്ന് രാവിലെ ഏഴ് മണി വരെയുള്ള താല്‍ക്കാലിക കണക്കുപ്രകാരം 19,38,184 സെഷനുകളിലായി  13,54,78,420 വാക്‌സിന്‍ ഡോസ് വിതരണം ചെയ്തു. കേരളത്തില്‍ 65 ലക്ഷം ( 65.04.117)വാക്‌സിന്‍ ഡോസ് ആണ്  നല്‍കിയത്.  രാജ്യത്തെ ഇതുവരെ നല്‍കിയ ആകെ വാക്‌സിന്‍ ഡോസുകളില്‍ 60 %വും 8 സംസ്ഥാനങ്ങളിലാണ്.  

92,42,364  ആരോഗ്യപ്രവര്‍ത്തകര്‍ (ഒന്നാം ഡോസ്), 59,04,739  ആരോഗ്യപ്രവര്‍ത്തകര്‍ (രണ്ടാം ഡോസ് ),1,17,31,959 മുന്നണിപ്പോരാളികള്‍ (ഒന്നാം ഡോസ് ), 60,77,260  മുന്നണി പ്രവര്‍ത്തകര്‍ (രണ്ടാം ഡോസ്), 45-60പ്രായമുള്ളവര്‍ 4,55,64,330 പേര്‍ (ആദ്യ ഡോസ് ),19,01,296( രണ്ടാം ഡോസ് ),60 വയസ്സിനു മുകളില്‍ പ്രായമുള്ള 4,85,34,810 ( ആദ്യ ഡോസ്),65,21,662  (രണ്ടാം ഡോസ്)  ഗുണഭോക്താക്കള്‍ എന്നിവര്‍ ഉള്‍പ്പെടുന്നു

കഴിഞ്ഞ 24 മണിക്കൂറില്‍ 31  ലക്ഷത്തിലധികം ഡോസ് വാക്‌സിന്‍ നല്‍കി.

രാജ്യത്ത് പുതുതായി രോഗം സ്ഥിരീകരിക്കുന്ന വരുടെ എണ്ണം വര്‍ദ്ധിക്കുന്നു.കഴിഞ്ഞ 24 മണിക്കൂറില്‍  3,32,730 പുതിയ കേസുകള്‍ റിപ്പോര്‍ട്ട് ചെയ്തു.

  മഹാരാഷ്ട്ര, ചത്തീസ്ഗഡ്, കര്‍ണാടക, ഉത്തര്‍പ്രദേശ്,ഡല്‍ഹി, മധ്യപ്രദേശ്,തമിഴ്‌നാട്, കേരളം , ഗുജറാത്ത്, രാജസ്ഥാന്‍ എന്നീ 10 സംസ്ഥാനങ്ങളിലാണ്  പുതിയ രോഗികളുടെ 75.01% ശതമാനവും .

മഹാരാഷ്ട്രയിലാണ് ഏറ്റവും കൂടുതല്‍ - 67,013. ഉത്തര്‍പ്രദേശില്‍  34,254  പേര്‍ക്കും കേരളത്തില്‍ 26,995 പേര്‍ക്കും പുതുതായി രോഗം റിപ്പോര്‍ട്ട് ചെയ്തു.

ഇന്ത്യയിലെ ചികിത്സയിലുള്ള ആകെ രോഗികളുടെ എണ്ണം 24,28,616.ആയി. ഇത് രാജ്യത്ത് ആകെ  രോഗികളുടെ എണ്ണത്തിന്റെ 14.93%ആണ് .  കഴിഞ്ഞ 24 മണിക്കൂറില്‍ ചികിത്സയില്‍ ഉള്ളവരുടെ ആകെ എണ്ണത്തില്‍   1,37,188  പേരുടെ കുറവ് രേഖപ്പെടുത്തി. മഹാരാഷ്ട്ര, ഛത്തീസ്ഗഡ് കര്‍ണാടകം, കേരളം, ഉത്തര്‍പ്രദേശ്   എന്നീ 5 സംസ്ഥാനങ്ങളിലാണ് നിലവില്‍ ചികിത്സയിലുള്ള രോഗികളുടെ59.12% വും.  

രാജ്യത്ത് ഇതുവരെ 1,36,48,159  പേര്‍ രോഗ മുക്തരായി. 83.92%ആണ് രോഗമുക്തി നിരക്ക്. കഴിഞ്ഞ 24 മണിക്കൂറില്‍ 1,93,279 പേര്‍ രോഗ മുക്തരായി.

ദേശീയതലത്തിലെ കൊവിഡ് മരണ നിരക്ക് കുറഞ്ഞ് നിലവില്‍  1.15%ആണ്.

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.