×
login
വാക്‌സിന്‍‍ ക്ഷാമം പച്ചക്കള്ളമെന്ന് കണക്കുകള്‍: കേരളത്തിന് കിട്ടിയത് 1,04,63,620 ഡോസ്; 2,60,211 ഡോസ് മിച്ചമിരിക്കുന്നു

ആകെ 8,84,290 ഡോസ് വാക്സിന്‍ സംസ്ഥാനം വാങ്ങി.

തിരുവനന്തപുരം: സംസ്ഥാനത്ത്  ഇന്നലെ വരെ ലഭ്യമായത് 1,04,63,620 ഡോസ് കോവിഡ് വാക്‌സിന്‍. ഇതുവരെ വാക്സിന്‍ നല്‍കിയത് 1,02,03,409 ഡോസും. ഔദ്യോഗിക കണക്ക് പ്രകാരം സംസ്ഥാനത്ത് 2,60,211 ഡോസ് മരുന്ന് മിച്ചം ഇരിക്കുന്നു. സംസ്ഥാനത്ത് നല്‍കിയതില്‍ 80,46,801 ആദ്യ ഡോസും 21,56,608 രണ്ടാം സോഡുമാണ്.

കേരളത്തില്‍ ആകെ കോവിഡ് വാക്‌സിന്‍ നല്‍കേണ്ടത് 2,54,08,711 പേര്‍ക്കാണെന്നാണ് കണക്ക്. സംസ്ഥാനത്ത് 18 വയസ്സില്‍ കൂടുതല്‍ പ്രായമുള്ളത് ഇത്രയും പേരാണ്. ഇതില്‍ 45 വയസ്സിനു മുകളിലുള്ള 1.14 കോടി (1,13,75,715) ആളുകള്‍ക്ക് പൂര്‍ണ്ണമായി പ്രതിരോധ കുത്തിവയ്പ്പ് നല്‍കാനാണ് സംസ്ഥാന സര്‍ക്കാര്‍ ലക്ഷ്യം

സംസ്ഥാനത്ത് ജനുവരി 16 നാണ് കോവിഡ് വാക്സിനേഷന്‍ ആരംഭിച്ചത്. ആദ്യം ആരോഗ്യ പ്രവര്‍ത്തകര്‍ക്കാണ് വാക്സിന്‍ നല്‍കിയത്. കോവിഡ് മുന്നണി പോരാളികളുടെ വാക്സിനേഷന്‍ ഫെബ്രുവരി ഒന്നിന് ആരംഭിച്ചു. 60 വയസിന് മുകളിലുള്ളവരുടേയും 45 നും 60 നും ഇടയ്ക്കുള്ള അനുബന്ധ രോഗമുള്ളവരുടേയും വാക്സിനേഷന്‍ മാര്‍ച്ച് ഒന്നിന് ആരംഭിച്ചു. 45 വയസിന് മുകളിലുള്ളവരുടെ വാക്സിനേഷന്‍ ഏപ്രില്‍ ഒന്നിന് ആരംഭിച്ചു..18 നും 45 നും ഇടയ്ക്ക് പ്രായമായവരുടെ വാക്സിനേഷന്‍ മേയ് 17 ന്  ആരംഭിച്ചു.  

സംസ്ഥാനത്ത് ആകെ ലഭ്യമായ  1,04,63,620 ഡോസ് വാക്സിനില്‍  86,84,680 ഡോസ് കോവിഷീല്‍ഡ് വാക്സിനും 8,94,650 ഡോസ് കോവാക്സിനും ഉള്‍പ്പെടെ ആകെ 95,79,330 ഡോസ് വാക്സിന്‍ കേന്ദ്രം സൗജന്യമായി നല്‍കിയതാണ്. 7,46,710 ഡോസ് കോവിഷീല്‍ഡ് വാക്സിനും 1,37,580 ഡോസ് കോവാക്സിനും ഉള്‍പ്പെടെ ആകെ 8,84,290 ഡോസ് വാക്സിന്‍ സംസ്ഥാനം വാങ്ങി.

ഇതുവരെ കേന്ദ്ര സര്‍ക്കാര്‍  സൗജന്യമായും സംസ്ഥാനങ്ങള്‍ക്ക് നേരിട്ട് വാങ്ങാന്‍ കഴിയുന്ന  തരത്തിലായും 24 കോടിയിലധികം (24,60,80,900) വാക്‌സിന്‍ ഡോസ് സംസ്ഥാനങ്ങള്‍ക്ക് നല്‍കി. കേന്ദ്ര ഡ്രഗ്‌സ് ലബോറട്ടറി അംഗീകാരം നല്‍കുന്ന ഏതു നിര്‍മാതാവ് ഉല്പാദിപ്പിക്കുന്ന വാക്‌സിന്റെയും 50 ശതമാനം കേന്ദ്രം സംഭരിക്കുകയും  സംസ്ഥാനങ്ങള്‍ക്ക് സൗജന്യമായി നല്‍കുകയും ചെയ്യുന്നു. ഇതുകൂടാതെ സംസ്ഥാനങ്ങള്‍ക്ക് നേരിട്ട് വാക്‌സിന്‍ വാങ്ങാനുള്ള സൗകര്യവും കേന്ദ്ര സര്‍ക്കാര്‍ ഒരുക്കിയിട്ടുണ്ട്.

 

    comment

    LATEST NEWS


    പാലാ ബിഷപ്പിന്‍റെ വാദം തള്ളി മുഖ്യമന്ത്രി; കേരളത്തില്‍ നാർക്കോട്ടിക്ക് ജിഹാദും ലവ് ജിഹാദും ഇല്ലെന്ന് മുഖ്യമന്ത്രി


    കേരളം ഐഎസ് റിക്രൂട്ട്‌മെന്റ് കേന്ദ്രം: 2019വരെ 100 മലയാളികള്‍ ഇസ്ലാമിക്ക് സ്‌റ്റേറ്റിന്റെ തീവ്രവാദികളായെന്ന് സമ്മതിച്ച് മുഖ്യമന്ത്രി പിണറായി


    സിദ്ദു മുഖ്യമന്ത്രിയാകുന്നത് തടയാൻ എന്ത് ത്യാഗവും സഹിക്കുമെന്ന് അമരീന്ദർ സിംഗ്; രാഹുലിനും പ്രിയങ്കയ്ക്കും ​അനുഭവ പരിചയമില്ലെന്നും അമരീന്ദര്‍


    അഫ്ഗാനിസ്ഥാനിലെ നിയന്ത്രണത്തെച്ചൊല്ലി പാക് സൈന്യവും പാക് രഹസ്യസേനാ മേധാവിയും തമ്മിലുള്ള പോര് മൂര്‍ച്ഛിക്കുന്നു


    ബിഷപ്പിനെ ഒറ്റപ്പെടുത്തി വേട്ടയാടാന്‍ അനുവദിക്കില്ല; മുറവിളികള്‍ ആസൂത്രിതം; ജിഹാദ് പരാമര്‍ശത്തിന് സഭയുടെ പിന്തുണ; പോര്‍മുഖം തുറന്ന് സിറോ മലബാര്‍ സഭ


    'പറഞ്ഞതെല്ലാം കള്ളം; ശ്രമിച്ചത് കബളിപ്പിക്കാന്‍; കൈവിട്ട് പോകുമെന്ന് കരുതിയില്ല'; 'കോടീശ്വരന്‍' സെയ്തലവി വീണ്ടും മലക്കം മറിഞ്ഞു; മാപ്പും പറഞ്ഞു

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.