×
login
അഭിമാനമായി കേരളത്തിന്റെ ഹോക്കി താരം; മികച്ച കായിക താരത്തിനുള്ള വേള്‍ഡ്‌ ഗെയിംസ് പുരസ്‌കാരം സ്വന്തമാക്കി പിആര്‍ ശ്രീജേഷ്

സ്‌പെയിനിന്റെ സ്‌പോര്‍ട്‌സ് ക്ലൈമ്പര്‍ ആല്‍ബെര്‍ട്ടോ ജിനസ് ലോപ്പസിനെയും, ഇറ്റലിയുടെ വുഷു താരം മിഷേല്‍ ജിയോര്‍ഡാനോയെയും പിന്തള്ളിയാണ് ശ്രീജേഷ് പുരസ്‌കാരം നേടിയത്. വോട്ടെടുപ്പിലൂടെയാണ് ശ്രീജേഷ് വിജയം കൈവരിച്ചത്

ന്യൂദല്‍ഹി: മികച്ച കായിക താരത്തിനുള്ള വേള്‍ഡ്‌ ഗെയിംസ് പുരസ്‌കാരം ഒളിമ്പിക്‌സ് ഹോക്കി ചാമ്പ്യന്‍ പിആര്‍ ശ്രീജേഷിന്. കഴിഞ്ഞ വര്‍ഷത്തെ ടോക്കിയോ ഒളിമ്പിക്‌സില്‍ ഉള്‍പ്പെടെയുള്ള പ്രകടനം പരിഗണിച്ചാണ് അത്‌ലറ്റ് ഓഫ് ദി ഇയര്‍ പുരസ്‌കാരം ശ്രീജേഷിന് നല്‍കിയത്. വേള്‍ഡ് ഗെയിംസ് പുരസ്‌കാരം ലഭിക്കുന്ന രണ്ടാമത്തെ ഇന്ത്യന്‍ താരം കൂടിയാണ് ശ്രീജേഷ്.

സ്‌പെയിനിന്റെ സ്‌പോര്‍ട്‌സ് ക്ലൈമ്പര്‍ ആല്‍ബെര്‍ട്ടോ ജിനസ് ലോപ്പസിനെയും, ഇറ്റലിയുടെ വുഷു താരം മിഷേല്‍ ജിയോര്‍ഡാനോയെയും പിന്തള്ളിയാണ് ശ്രീജേഷ് പുരസ്‌കാരം നേടിയത്. വോട്ടെടുപ്പിലൂടെയാണ് ശ്രീജേഷ് വിജയം കൈവരിച്ചത്. ഇന്ത്യന്‍ ഹോക്കി താരം 1,27,647 വോട്ടുകള്‍ നേടിയപ്പോള്‍ ലോപ്പസിനും, ജിയോര്‍ഡാനോയും യഥാക്രമം 67,428, 52,046 വോട്ടുകള്‍ മാത്രമേ നേടാന്‍ സാധിച്ചുള്ളു.

ഈ അവാര്‍ഡ് നേടിയതില്‍ വളരെയധികം അഭിമാനമുണ്ട്. ഇത് നല്‍കാന്‍ തന്നെ പരിഗണിച്ചതില്‍ ഇന്റര്‍നാഷണല്‍ ഹോക്കി ഫെഡറേഷന് നന്ദി അറിയിക്കുന്നതായി ശ്രീജേഷ് പറഞ്ഞു. തന്നെ വോട്ട് ചെയ്ത് പിന്തുണച്ച ലോകമെമ്പാടുമുളള ഇന്ത്യന്‍ ഹോക്കി പ്രേമികള്‍ക്കും ഒരായിരം നന്ദിയെന്ന് താരം വ്യക്തമാക്കി. 2020ല്‍ ഇന്ത്യന്‍ വനിതാ ഹോക്കി ക്യാപ്റ്റന്‍ റാണി റാംപാലും മികച്ച താരത്തിനുള്ള പുരസ്‌കാരം നേടിയിരുന്നു.

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.