×
login
ക്രിമിനല്‍ പശ്ചാത്തലമുള്ള തമിഴ്നാട് ‍നിയമമന്ത്രിയെ ഹൈക്കോടതി ചടങ്ങില്‍ പങ്കെടുപ്പിക്കരുതെന്ന് സുപ്രീം കോടതി ചീഫ്ജസ്റ്റിന് കത്തെഴുതി അണ്ണാമലൈ

മദ്രാസ് ഹൈക്കോടതി സംഘടിപ്പിക്കുന്ന ചടങ്ങില്‍ ക്രിമിനല്‍ കേസില്‍ പ്രതിയായ തമിഴ്‌നാട് നിയമമന്ത്രി എസ്. രഘുപതിയെ പങ്കെടുപ്പിക്കരുതെന്ന് ആവശ്യപ്പെട്ട് തമിഴ്‌നാട് ബിജെപി അധ്യക്ഷന്‍ അണ്ണാമലൈ സുപ്രീംകോടതി ചീഫ് ജസ്റ്റിസ് എന്‍.വി. രമണയ്ക്ക് കത്തയച്ചു.

ചെന്നൈ: മദ്രാസ് ഹൈക്കോടതി സംഘടിപ്പിക്കുന്ന ചടങ്ങില്‍ ക്രിമിനല്‍ കേസില്‍ പ്രതിയായ തമിഴ്‌നാട് നിയമമന്ത്രി എസ്. രഘുപതിയെ പങ്കെടുപ്പിക്കരുതെന്ന് ആവശ്യപ്പെട്ട് തമിഴ്‌നാട് ബിജെപി അധ്യക്ഷന്‍ അണ്ണാമലൈസുപ്രീംകോടതി ചീഫ് ജസ്റ്റിസ് എന്‍.വി. രമണയ്ക്ക് കത്തയച്ചു.  

മദ്രാസ് ഹൈക്കോടതിയുടെ പുതിയ ഭരണ ബ്ലോക്കിന്‍റെ തറക്കല്ലിടല്‍ ചടങ്ങിലാണ് തമിഴ്‌നാട് നിയമമന്ത്രി എസ്. രഘുപതി പങ്കെടുക്കേണ്ടിയിരുന്നത്. ഒമ്പത് നിലയുള്ള ഈ കെട്ടിടത്തിന്‍റെ ഉദ്ഘാടനത്തിന് മുഖ്യാതിഥി സുപ്രീംകോടതി ചീഫ് ജസ്റ്റിസ് എന്‍.വി. രമണയാണ്. മന്ത്രി രഘുപതിയുടെ പേരില്‍ ഒരു ക്രിമിനല്‍ കേസ് നിലവിലുള്ളതിനാല്‍ മന്ത്രിയെ ചടങ്ങില്‍ പങ്കെടുപ്പിക്കരുതെന്നാണ് അണ്ണാമലൈ ചീഫ് ജസ്റ്റിസിന് എഴുതിയ കത്തില്‍ ആവശ്യപ്പെട്ടിരിക്കുന്നത്.

മന്ത്രിയെ ഈ ചടങ്ങില്‍ പങ്കെടുപ്പിച്ചാല്‍ ആ കേസിലെ പരാതിക്കാര്‍ക്ക് അത് നാണക്കേടായി ഭവിക്കുമെന്നും അവര്‍ക്ക് അതില്‍ എതിര്‍പ്പുണ്ടായേക്കുമെന്നും അണ്ണാമലൈ പറയുന്നു. പണ്ട് മദ്രാസ് ഹൈക്കോടതിയുടെ മധുരൈ ബെഞ്ച് ഉദ്ഘാടനച്ചടങ്ങിന് മുഖ്യാതിഥിയായ ജയലളിതയെ ക്രിമിനല്‍ കേസ് കോടതിയിലുള്ളതിനാല്‍ പങ്കെടുപ്പിക്കരുതെന്ന് അന്നത്തെ പ്രതിപക്ഷ പാര്‍ട്ടിയായ ഡിഎംകെ അന്ന് സുപ്രീംകോടതി ചീഫ് ജസ്റ്റിസിനോട് ആവശ്യപ്പെട്ടിരുന്നു. ജയലളിത അന്ന് ആ ചടങ്ങില്‍ പങ്കെടുത്തില്ലെന്ന് മാത്രമല്ല, അവരുടെ പേരെഴുതിയ ഉദ്ഘാടന ഫലകം മാറ്റുകയും ചെയ്തു. ഈ സമാന കേസ് പരിഗണിച്ച് ഈപ്പോഴത്തെ ഹൈക്കോടതി ചടങ്ങില്‍ നിന്നും നിയമമന്ത്രിയെ വിലക്കണമെന്നും അണ്ണാമലൈ ചീഫ് ജസറ്റിസ് എന്‍.വി. രമണയോട് ആവശ്യപ്പെട്ടു.

    comment

    LATEST NEWS


    തിരുവനന്തപുരത്ത് അഞ്ചാം ക്ലാസ് വിദ്യാർത്ഥിക്ക് നേരെ തെരുവുനായയുടെ ആക്രമണം; കാലിന് പരിക്കേറ്റ കുട്ടി മെഡിക്കൽ കോളേജിൽ ചികിത്സയിൽ


    പീഡന പരാതിയിൽ പി. സി ജോർജിനെതിരെ കേസെടുത്തു; അറസ്റ്റ് ഇന്നുണ്ടാകും, നടപടി സോളാര്‍ തട്ടിപ്പ് കേസിലെ പ്രതി നല്‍കിയ പരാതിയിൽ


    എകെജി സെന്ററില്‍ ബോബെറിഞ്ഞത് 'എസ്എഫ്‌ഐ പട്ടികള്‍'; അബദ്ധം പിണഞ്ഞ് സിപിഎം പ്രകടനം; വീഡിയോ വൈറല്‍


    പേവിഷ ബാധയേറ്റ് രോഗികള്‍ മരിച്ച സംഭവം; സര്‍ക്കാരിനെതിരെ ബിജെപി; മരുന്ന് കമ്പനികള്‍ക്ക് വേണ്ടി ജനങ്ങളുടെ ജീവന്‍ വെച്ച് പന്താടരുതെന്ന് കെ.സുരേന്ദ്രന്‍


    നദ്ദ വിളിച്ചു, എന്‍ഡിഎ സ്ഥാനാര്‍ത്ഥിയെ പിന്തുണയ്ക്കുമെന്ന് ശിരോമണി അകാലിദള്‍; മുര്‍മ്മുവിന് പിന്തുണയേറുന്നു


    അട്ടപ്പാടി ക്രിമിനല്‍ സംഘങ്ങളുടെ താവളമായി മാറുന്നു, വിലക്കുണ്ടെങ്കിലും മദ്യവും കഞ്ചാവും സുലഭം, ഇടയ്ക്കിടെ മാവോയിസ്റ്റ് സാന്നിധ്യവും

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.