ന്യൂദല്‍ഹി: രാജീവ് വധക്കേസ് പ്രതികളെ വിട്ടയച്ച ഉടനെ വലിയൊരു കള്ളനാടകം കളിക്കുകയായിരുന്നു കോണ്‍ഗ്രസ് നേതാവ് ജയറാം രമേഷും അഭിഷേക് മനു സിംഘ് വിയും. ഈ വിധിക്കെതിരെ റിവ്യൂ പെറ്റീഷന്‍ കൊടുക്കുമെന്നായിരുന്ന തള്ള്.
പക്ഷെ ജേണലിസ്റ്റ് പല്ലവി ഘോഷിന്റെ ഒറ്റ ട്വീറ്റിന് മുന്നില്‍ കോണ്‍ഗ്രസിന്റെ ഈ കള്ളമുഖംമൂടി പൊളിഞ്ഞുവീണു. ‘രാജീവ് വധക്കേസ് പ്രതികളെ വിട്ടതിനെ ഡിഎംകെ സ്വാഗതം ചെയ്തു, കോണ്‍ഗ്രസ് ഡിഎംകെയുമായുള്ള സഖ്യം വിടുമോ?’- ഇതായിരുന്നു പല്ലവി ഘോഷിന്റെ ചോദ്യം. ഇതിന് ഉത്തരം പറയാനാവാതെ കോണ്‍ഗ്രസ് വക്താവ് രണ്‍ദീപ് സുര്‍ജേവാലയ്‌ക്കും ജയറാം രമേശിനും അഭിഷേക് മനു സിംഘ് വിയ്‌ക്കും ഉത്തരം മുട്ടി.
രാജീവ് വധക്കേസ് പ്രതികളെ വിട്ടയച്ചതില്‍ മോദി സര്‍ക്കാരിനെ പ്രതിക്കൂട്ടില്‍ നിര്‍ത്താനായിരുന്നു കോണ്‍ഗ്രസ് നേതാക്കള്‍ കുടിലബുദ്ധി കാണിച്ചത്. എന്നാല്‍ വധക്കേസ് പ്രതികളുടെ ശിക്ഷ ചുരുക്കാനും അവരെ ജയില്‍ മോചിതരാക്കാനും ഡിഎംകെയാണ് മുന്നിട്ട് നിന്ന് പ്രവര്‍ത്തിച്ചത്. അവര്‍ക്ക് മാനുഷിക പരിഗണന നല്‍കാന്‍ സോണിയയും പ്രിയങ്കയും വാദിച്ചു. ഇതെല്ലാം സുപ്രീംകോടതി വിധിയെ സ്വാധീനിച്ചിരുന്നു.
രാജീവ് ഗാന്ധിയുടെ ആത്മാവിനോട് അത്രയും കൂറുണ്ടെങ്കില്‍ , ഈ വിധിയ്‌ക്ക് വേണ്ടി പൊരുതിയ ഡിഎംകെയുടെ സഖ്യം ഉപേക്ഷിക്കുകയാണ് കോണ്‍ഗ്രസ് ആദ്യം ചെയ്യേണ്ടത് എന്ന വാദമാണ് ജേണലിസ്റ്റ് പല്ലവി ഘോഷ് ഉയര്‍ത്തുന്നത്. എന്നാല്‍ തമിഴ്നാട്ടില്‍ അധികാരത്തില്‍ തൂങ്ങിക്കിടക്കാനും കേന്ദ്രത്തിലേക്ക് ഏതാനും എംപികളെ ഡിഎംകെ ബലത്തില്‍ എത്തിക്കാനും ഉറ്റുനോക്കുന്ന കോണ്‍ഗ്രസിന് അതിന് ആവുകയുമില്ല. എന്തായാലും സിഎന്‍എന്‍ ന്യൂസ് 18ലെ സീനിയര്‍ എഡിറ്ററായ പല്ലവി ഘോഷിന് മുന്നില്‍ ഉത്തരം മുട്ടിയിരിക്കുകയാണ് കോണ്‍ഗ്രസ് നേതാക്കള്‍ക്ക്.
ഇതോടെ പല്ലവി ഘോഷ് തീവ്രവാദിയാണെന്ന് മുദ്രകുത്തി ഒറ്റപ്പെടുത്താന്‍ ശ്രമിക്കുകയാണ് കോണ്‍ഗ്രസ് നേതാക്കളും അനുയായികളും.
പ്രതികരിക്കാൻ ഇവിടെ എഴുതുക: