×
login
ശിവസേന നേതാക്കളില്‍ ഭൂരിഭാഗവും ഷിന്‍ഡേയ്‌ക്കൊപ്പം; പാര്‍ട്ടി ചിഹ്നത്തിനായി തെരഞ്ഞെടുപ്പ് കമ്മിഷനെ സമീപിക്കാനൊരുങ്ങി വിമതസംഘം

സര്‍ക്കാരിന്റെ നിലനില്‍പ്പ് തന്നെ ഭീഷണിയിലായതോടെ ഉദ്ധവ് വകുപ്പ് സെക്രട്ടറിമാരുടെ അടിയന്തിര യോഗം വിളിച്ചു ചേര്‍ത്തിട്ടുണ്ട്. എന്‍സിപി മേധാവി ശരദ് പവാറിന്റെ അധ്യക്ഷതയില്‍ എന്‍സിപി നേതാക്കളും യോഗം വിളിച്ചു ചേര്‍ത്തിരിക്കുകയാണ്.

മുംബൈ : മഹാരാഷ്ട്ര ശിവസേന നേതാക്കളിലെ മൂന്ന് പേര്‍ കൂടി വിമത ക്യാമ്പിലേക്ക് എത്തിയതോടെ മഹാ വികാസ് അഖാഡി സര്‍ക്കാരിന്റെ നിലനില്‍പ്പല്‍ ഒന്നുകൂടി പരുങ്ങലിലേക്കെത്തി. സര്‍ക്കാരിന് ഭൂരിപക്ഷമില്ലാതെ ഭരണം നഷ്ടപ്പെടുന്ന അവസ്ഥയിലാണ് ഉള്ളത്. ഇതിനെതിരെ ഉദ്ധവ് താക്കറെ രാജിക്കൊരുങ്ങുന്നതായി സൂചനയുണ്ട്. ഇതിനായി ഔദ്യോഗിക വസതിയും ഉദ്ധവ് ഒഴിഞ്ഞു.  

ശിവസേന നേതാക്കളില്‍ ഭൂരിഭാഗവും ഏക്‌നാഥ് ഷിന്‍ഡേയ്‌ക്കൊപ്പം നിന്നതോടെ ശിവസേനയുടെ ചിഹ്നം അടക്കം നേടി പാര്‍ട്ടിയുടെ ഔദ്യോഗിക പക്ഷമാക്കാനും വിമതര്‍ നീക്കം തുടങ്ങി. ശിവസേന എംഎല്‍എമാരില്‍ മൂന്നില്‍ രണ്ട് ഭാഗം എംഎല്‍എമാരും തങ്ങള്‍ക്കൊപ്പമാണെന്നും, ചിഹ്നം തങ്ങള്‍ക്കനുവദിക്കണമെന്നും ആവശ്യപ്പെട്ട് തെരഞ്ഞെടുപ്പ് കമ്മിഷനെ സമീപിക്കാനാണ് വിമതരുടെ തീരുമാനം.  

അതേസമയം സര്‍ക്കാരിന്റെ നിലനില്‍പ്പ് തന്നെ ഭീഷണിയിലായതോടെ ഉദ്ധവ് വകുപ്പ് സെക്രട്ടറിമാരുടെ അടിയന്തിര യോഗം വിളിച്ചു ചേര്‍ത്തിട്ടുണ്ട്. എന്‍സിപി മേധാവി ശരദ് പവാറിന്റെ അധ്യക്ഷതയില്‍ എന്‍സിപി നേതാക്കളും യോഗം വിളിച്ചു ചേര്‍ത്തിരിക്കുകയാണ്. ശിവസേന എംഎല്‍എമാരായ കൂടി വിമത ക്യാംപില്‍ ചേരാന്‍ അസമിലെ ഗുവാഹത്തിയിലെത്തി. സാവന്ത്വാഡിയില്‍ നിന്നുള്ള ദീപക് കേശകര്‍, ചെമ്പൂരില്‍ നിന്നുള്ള മങ്കേഷ് കുടല്‍ക്കര്‍, ദാദറില്‍ നിന്നുള്ള സദാ സര്‍വങ്കര്‍ എന്നിവരാണ് പുതിയതായി വിമത സംഘത്തിലേക്ക് എത്തിയത്. ബുധനാഴ്ച രാത്രി മൂന്ന് ശിവസേന എംഎല്‍മാരും ഒരു സ്വതന്ത്രനും വിമത ക്യാംപില്‍ ചേര്‍ന്നിരുന്നു. ഇതോടെ 36 ശിവസേന എംഎല്‍എമാരും അഞ്ച് സ്വതന്ത്ര എംഎല്‍എമാരും ഉള്‍പ്പെടെ ഏക്‌നാഥ് ഷിന്‍ഡെയ്ക്ക് ഒപ്പമുള്ളവരുടെ എണ്ണം 41 ആയി. പാര്‍ട്ടി പിടിക്കാന്‍ ഇനി വിമത പക്ഷത്ത് ഒരു എംഎല്‍എയുടെ കുറവുമാത്രമാണുള്ളത്. തന്റെ ഒപ്പമുള്ളവരുടെ പട്ടിക ഇന്ന് പുറത്തുവിടുമെന്ന് ഷിന്‍ഡെ പറഞ്ഞു.


അതിനിടെ ശിവസേന- കോണ്‍ഗ്രസ്- എന്‍സിപി സഖ്യത്തിന്റെ കഴിഞ്ഞ രണ്ടര വര്‍ഷത്തെ ഭരണത്തില്‍ ഏറ്റവും കൂടുതല്‍ ദുരിതം അനുഭവിച്ചത് സാധാരണ ശിവസേന പ്രവര്‍ത്തകരാണെന്നും സഖ്യകക്ഷികള്‍ക്ക് മാത്രമാണ് ഗുണമുണ്ടായതെന്നും ഷിന്‍ഡെ കഴിഞ്ഞ ദിവസം ട്വീറ്റ് ചെയ്തിരുന്നു. സംസ്ഥാനത്തിന്റെ താല്‍പര്യത്തിനനുസരിച്ച് തീരുമാനമെടുക്കേണ്ടത് പ്രധാനമാണെന്നും ട്വീറ്റില്‍ പറയുന്നുണ്ട്.  

 

 

    comment

    LATEST NEWS


    നാന്‍ പെറ്റ മകനെയും ചതിച്ചു; അഭിമന്യുവിന്റെ രക്തസാക്ഷിത്വ ദിനത്തില്‍ എസ്ഡിപിഐ നേതാക്കള്‍ എകെജി സെന്ററില്‍; സ്വീകരിച്ച് സിപിഎം


    പ്രഖ്യാപിച്ച പെന്‍ഷന്‍ വര്‍ധന നടപ്പാക്കണം: മാധ്യമ പ്രവര്‍ത്തകരും ജീവനക്കാരും നാളെ സെക്രട്ടറിയറ്റ് മാര്‍ച്ച് നടത്തും


    വയനാട്ടിൽ റോഡ് നിര്‍മ്മിച്ചത് കേന്ദ്രസര്‍ക്കാര്‍; അത് ഉദ്ഘാടനം ചെയ്ത് കയ്യടി നേടി രാഹുൽ ഗാന്ധി; രാഹുലിനെ വിമര്‍ശിച്ച് കേന്ദ്രമന്ത്രി രാജീവ് ചന്ദ്രശേഖർ


    ഗുരുദാസ്പൂരില്‍ 16 കിലോ ഹെറോയിന്‍ പിടികൂടി; നാലു പേര്‍ അറസ്റ്റില്‍; എത്തിയത് ജമ്മു കശ്മീരില്‍ നിന്നെന്ന് പഞ്ചാബ് പോലീസ്


    ന്യൂനമര്‍ദം രൂപമെടുക്കുന്നു; നാളെ ആറു ജില്ലകളില്‍ ഓറഞ്ച് അലര്‍ട്ട്; മലയോര മേഖലകളില്‍ കൂടുതല്‍ മഴ ലഭിക്കും


    തെലുങ്കാനയിലെ ജനങ്ങള്‍ക്ക് ബിജെപിയിലുള്ള വിശ്വാസം കൂടി;ഇവിടുത്തെ രാജവാഴ്ച ജനങ്ങൾക്ക് മടുത്തുവെന്നും കെസിആറിനെ വിമർശിച്ച് മോദി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.