×
login
ഗണപതി വിഗ്രഹം‍ വീട്ടില്‍ വെച്ച് ആരാധിച്ച വനിത‍ാ മുസ്ലിം ബിജെപി നേതാവിനെതിരെ ഫത്വ‍ പുറപ്പെടുവിച്ച് യുപിയിലെ മതപുരോഹിതര്‍

ഉത്തര്‍പ്രദേശിലെ വനിതാ മുസ്ലിം ബിജെപി നേതാവിന് നേരെ വധഭീഷണി. ഉത്തര്‍പ്രദേശിലെ ദിയോബാന്‍റിലെ മതപഠനകേന്ദ്രത്തിലുള്ള ഏതാനും മുസ്ലിം പുരോഹിതരാണ് ഈ ഫത് വ പുറപ്പെടുവിച്ചിരിക്കുന്നത്.

ലഖ്നോ:ഉത്തര്‍പ്രദേശിലെ  വനിതാ മുസ്ലിം ബിജെപി നേതാവിന് നേരെ വധഭീഷണി. ഉത്തര്‍പ്രദേശിലെ ദിയോബാന്‍റിലെ മതപഠനകേന്ദ്രത്തിലുള്ള ഏതാനും മുസ്ലിം പുരോഹിതരാണ് ഈ ഫത് വ പുറപ്പെടുവിച്ചിരിക്കുന്നത്.  

അലിഗഡില്‍ നിന്നുള്ള വനിതാ മുസ്ലിം ബിജെപി നേതാവ് റൂബി ആസിഫ് ഖാനെതിരെയാണ് ഫത് വ പുറപ്പെടുവിച്ചിരിക്കുന്നത്. ബിജെപിയുടെ അലിഗഢ് മഹിളാമോര്‍ച്ച വൈസ് പ്രസിഡന്‍റാണ് റൂബി ആസിഫ് ഖാന്‍.  


റൂബി ആസിഫ് ഖാന്‍ വീട്ടില്‍ ഗണപതിയുടെ വിഗ്രഹം വെച്ച് പൂജിച്ചതാണ് പ്രകോപനത്തിന് കാരണം. വിഗ്രഹപൂജ അനിസ്ലാമികമാണെന്നും സ്വീകാര്യമല്ലെന്നുമാണ് മുസ്ലിം പുരോഹിതരുടെ അഭിപ്രായം.  

ഇസ്ലാം അള്ളായെ ആരാധിക്കാന്‍ മാത്രമേ അനുവദിക്കുന്നുള്ളൂ. ആരെങ്കിലും അതിനെതിരെ നീങ്ങിയാല്‍ അവര്‍ മതത്തിനെതിരായി പോകുന്നവരാണ്. ഇത്തരം സന്ദര്‍ഭങ്ങളില്‍ എടുക്കേണ്ട അത്യാവശ്യ നടപടി എടുക്കും.- ദിയോബാന്‍റിലെ മുഫ്തിയായ അര്‍ഷാദ് ഫറൂഖി പറയുന്നു. റൂബി ഖാന് ഒരു ഇസ്ലാമിക പേരുണ്ട്. അള്ളായ്ക്ക് പകരം മറ്റാരെയെങ്കിലും ആരാധിച്ചാല്‍ അത് ഇസ്ലാമിനെതിരാണ്.- മറ്റൊരു മതപുരോഹിതനായ സാഹിദ് അലിഖാന്‍ പറയുന്നു.  

റൂബി ഖാന്‍ എന്ന ബിജെപി നേതാവ് വിലകുറഞ്ഞ പ്രചാരവേലയുടെ ഭാഗമായാണ് ഇത് ചെയ്യുന്നതെന്ന് എഐക്യുടി സംസ്ഥാന വൈസ് പ്രസിഡന്‍റ് പറയുന്നു. അതേ സമയം ഇസ്ലാമിലെ തീവ്രവാദികള്‍ക്കെതിരെ ശക്തമായ നടപടിയെടുക്കുന്ന നേതാവാണ് റൂബി ഖാന്‍ എന്ന് പറയപ്പെടുന്നു. ചില മുസ്ലിം പുരോഹിതര്‍ വിഭജനമുണ്ടാക്കാന്‍ ശ്രമിക്കുകയാണെന്നും തനിക്ക് എല്ലാ ദൈവങ്ങളും ഒരുപോലെയാണെന്നും റൂബി ഖാന്‍ പറയുന്നു. 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.