×
login
മോദിയുടെ ആഹ്വാനം ഏറ്റെടുത്ത് ബിജെപി മുഖ്യമന്ത്രിമാര്‍; കര്‍ണാടകയും ഗോവ‍യും ഏഴ് രൂപ സംസ്ഥാന നികുതി കുറച്ചു; ഡീസലിനും പെട്രോളിനും വിലയിടിച്ചു

ബിജെപി ഭരിക്കുന്ന കര്‍ണാടക, ഗോവ സര്‍ക്കാരുകളാണ് ഇന്ധന നികുതിയില്‍ ഏഴ് രൂപ കുറച്ചത്. ഇതോടെ വലിയ കുറവാണ് ഈ സംസ്ഥാനങ്ങളില്‍ ഉണ്ടാവുക. ഗോവയില്‍ ഡീസലിന് ലിറ്ററിന് 17 രൂപയും പെട്രോള്‍ ലിറ്ററിന് 12 രൂപയും കുറയും.

ന്യൂദല്‍ഹി: മോദി സര്‍ക്കാരിന്റെ നിര്‍ദേശം സ്വീകരിച്ച് ബിജെപി സര്‍ക്കാരുകള്‍ സംസ്ഥാന ഇന്ധന നികുതികള്‍ കുറച്ചു. ബിജെപി ഭരിക്കുന്ന കര്‍ണാടക, ഗോവ സര്‍ക്കാരുകളാണ് ഇന്ധന നികുതിയില്‍ ഏഴ് രൂപ കുറച്ചത്. ഇതോടെ വലിയ കുറവാണ് ഈ സംസ്ഥാനങ്ങളില്‍ ഉണ്ടാവുക.  ഗോവയില്‍ ഡീസലിന് ലിറ്ററിന് 17 രൂപയും പെട്രോള്‍ ലിറ്ററിന് 12 രൂപയും കുറയും.  

കേന്ദ്ര സര്‍ക്കാര്‍ പെട്രോളിന്റെ എക്‌സൈസ് തീരുവ അഞ്ചു രൂപയും ഡീസലിന്റെ തീരുവ പത്തു രൂപയുമാണ് കുറച്ചത്. വില കുറച്ചത് രാത്രി പന്ത്രണ്ടിന് പ്രാബല്യത്തിലായിട്ടുണ്ട്. അടുത്തിടെ, ആഗോളതലത്തില്‍ അസംസ്‌കൃത എണ്ണയുടെ വില കുതിച്ചുയര്‍ന്നിരുന്നു.  ഇതേത്തുടര്‍ന്ന് പെട്രോള്‍, ഡീസല്‍ വിലയും കൂടി.  

കൊവിഡിനു ശേഷം കാര്‍ഷിക, സേവന മേഖലകളില്‍ അടക്കം സമ്പദ് വ്യവസ്ഥയുടെ എല്ലാ മേഖലകളിലും കാര്യമായ വളര്‍ച്ച ദൃശ്യമായിട്ടുണ്ട്. സാമ്പത്തിക പ്രവര്‍ത്തനങ്ങളും വലിയ തോതില്‍ മെച്ചപ്പെട്ടു. സമ്പദ് വ്യവസ്ഥയ്ക്ക് കൂടുതല്‍  കുതിപ്പു പകരാന്‍  വേണ്ടിയാണ് എക്‌സൈസ്  തീരുവ കുറച്ചതെന്നും കേന്ദ്ര സര്‍ക്കാര്‍ പത്രക്കുറിപ്പില്‍ അറിയിച്ചു. പെട്രോള്‍, ഡീസല്‍ എന്നിവയുടെ മൂല്യാധിഷ്ഠിത നികുതി കുറച്ച് ഉപഭോക്താക്കള്‍ക്ക് ആശ്വാസം പകരണമെന്ന് സംസ്ഥാനങ്ങളും ആവശ്യപ്പെട്ടിരുന്നുവെന്നും കേന്ദ്രം വ്യക്തമാക്കി.

2020 മേയ് അഞ്ച് മുതലുള്ള കണക്ക് പ്രകാരം പെട്രോളിന്റെ എക്‌സൈസ് തീരുവ 37.38 രൂപയായിരുന്നു. ഡീസലിന്റേത് 27.98 രൂപയും. ഇതില്‍ നിന്നാണ് യഥാക്രമം അഞ്ച് രൂപയും പത്ത് രൂപയും കുറഞ്ഞത്. കേന്ദ്ര സര്‍ക്കാര്‍ എക്‌സൈസ് തീരുവ കുറച്ചതോടെ സംസ്ഥാനങ്ങളും തീരുവ കുറയ്ക്കാന്‍ നിര്‍ബന്ധിതമായിട്ടുണ്ട്. ഇതോടെ രാജ്യത്താകെ വില കുറയും. ഇന്ധനവിലയിലെ കുറവ് കേരളത്തിനും ആശ്വാസമാകും. അതിനിടെ, കേന്ദ്രം കുറച്ച വിലയ്ക്ക് ആനുപാതികമായി സംസ്ഥാനത്തും പെട്രോള്‍, ഡീസല്‍ വില കുറയുമെന്ന് സംസ്ഥാന ധനമന്ത്രി കെ.എന്‍. ബാലഗോപാല്‍ പ്രതികരിച്ചു.

    comment

    LATEST NEWS


    ജനകീയാസൂത്രണ പദ്ധതിയില്‍ വ്യാപക ക്രമക്കേട്; നല്കുന്നത് ഗുണനിലവാരം കുറഞ്ഞ സാധനങ്ങള്‍, ലക്ഷക്കണക്കിന് രൂപ ഇടനിലക്കാര്‍ തട്ടിയെടുക്കുന്നു


    കൊല്ലം ജില്ലാ ആശുപത്രിയിലെ ജീവനക്കാര്‍ ശീതസമരത്തില്‍


    'നീറ്റ്- പിജി 2022' വിജ്ഞാപനമായി, പരീക്ഷ മാര്‍ച്ച് 12 ന്; ഓണ്‍ലൈന്‍ അപേക്ഷ ഫെബ്രുവരി 4 വരെ, കേരളത്തില്‍ വയനാട് ഒഴികെ 13 ജില്ലകളിലും പരീക്ഷാകേന്ദ്രം


    ചിത്രങ്ങൾ പലവിധം: ഒരേ സമയം നാല് ചിത്രം വരച്ച് യദുകൃഷ്ണ


    കോവിഡ് മരണങ്ങള്‍: കേരളത്തില്‍ 23,652 പേര്‍ക്ക് നഷ്ടപരിഹാരം നല്‍കി, 178 അപേക്ഷകള്‍ നിരസിച്ചു; സുപ്രീംകോടതി റിപ്പോര്‍ട്ട് സമര്‍പ്പിച്ചു


    വ്യാസഭാരതത്തിലെ ഭീഷ്മര്‍ സര്‍സംഘചാലക് ഡോ. മോഹന്‍ ഭാഗവത് പ്രകാശനം ചെയ്തു; ജസ്റ്റിസ് തോട്ടത്തില്‍ ബി. രാധാകൃഷ്ണന്‍ പുസ്തകം ഏറ്റുവാങ്ങി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.