×
login
രാജ്യത്ത് ആദ്യത്തെ ഹൈഡ്രജന്‍ റീഫില്ലിങ് യൂണിറ്റ്; ഇന്ധന വിപ്ലവത്തിന് തുടങ്ങമിട്ട് ഗുജറാത്ത്‍; വാഹനങ്ങളില്‍ ഹൈഡ്രജന്‍ നിറയ്ക്കാന്‍ അനുമതി

ഗുജറാത്തിലെ വഡോദരയില്‍ ഇന്ത്യന്‍ ഓയില്‍ കോര്‍പ്പറേഷന്‍ സ്ഥാപിച്ച ഹൈഡ്രജന്‍ റീഫില്ലിങ് സ്റ്റേഷന് പെസോയുടെ ജോയിന്റ് ചീഫ് കണ്‍ട്രോളറായ മലയാളി ഡോ. ആര്‍. വേണുഗോപാല്‍ അനുമതിരേഖ ഗുജറാത്ത് റിഫൈനറി എക്സിക്യൂട്ടീവ് ഡയറക്ടര്‍ സഞ്ജയ് ഭട്നാഗര്‍ക്ക് കൈമാറി. മൂന്നുമാസമായി ഇവിടെ പരീക്ഷണം നടക്കുകയായിരുന്നു.

കോഴിക്കോട്: വാഹനത്തിന് ഹൈഡ്രജന്‍ ഇന്ധനമാകുന്നു, അതും ഗുജറാത്തില്‍ ആദ്യം. ഗതാഗത മേഖലയിലും ഇന്ധന ഉപയോഗത്തിലും വലിയ വിപ്ലവമാകുന്ന പദ്ധതിയുടെ ഹൈഡ്രജന്‍ ഫില്ലിങ് സ്റ്റേഷന്‍ പ്രവര്‍ത്തനത്തിന് കേന്ദ്ര പെട്രോളിയം ആന്‍ഡ് എക്സ്പ്ലൊസീവ് സേഫ്റ്റി ഓര്‍ഗനൈസേഷന്‍ (പെസോ) അനുമതി നല്കി.

ഗുജറാത്തിലെ വഡോദരയില്‍ ഇന്ത്യന്‍ ഓയില്‍ കോര്‍പ്പറേഷന്‍ സ്ഥാപിച്ച ഹൈഡ്രജന്‍ റീഫില്ലിങ് സ്റ്റേഷന് പെസോയുടെ ജോയിന്റ് ചീഫ് കണ്‍ട്രോളറായ മലയാളി ഡോ. ആര്‍. വേണുഗോപാല്‍ അനുമതിരേഖ ഗുജറാത്ത് റിഫൈനറി എക്സിക്യൂട്ടീവ് ഡയറക്ടര്‍ സഞ്ജയ് ഭട്നാഗര്‍ക്ക് കൈമാറി. മൂന്നുമാസമായി ഇവിടെ പരീക്ഷണം നടക്കുകയായിരുന്നു.


രാജ്യത്തെ ആദ്യത്തെ ഹൈഡ്രജന്‍ റീഫില്ലിങ് യൂണിറ്റാണിത്. പെട്രോളിയം ഉല്‍പ്പന്നങ്ങളുടെ ഉല്‍പ്പാദന-വിതരണ മേഖലയില്‍ സംസ്ഥാനങ്ങള്‍ സ്വീകരിക്കുന്ന നടപടികളുടെ സൂക്ഷ്മതയും സുരക്ഷയും പദ്ധതി പൂര്‍ത്തീകരണ വേഗവും കണക്കിലെടുത്താണ് ഇത്തരം കാര്യങ്ങളില്‍ സംസ്ഥാനങ്ങള്‍ക്ക് മുന്‍ഗണനയും പരിഗണനയും ലഭിക്കുന്നത്. ഗുജറാത്തിനൊപ്പം അനുവദിച്ച് പണി തുടങ്ങിയ പല പെട്രോളിയം അനുബന്ധ ഉല്‍പ്പാദന പദ്ധതികളും കേരളത്തില്‍ ഇനിയും പൂര്‍ത്തിയാകുകയോ പൂര്‍ണമായി പ്രവര്‍ത്തന ക്ഷമമാകുകയോ ചെയ്തിട്ടില്ല. ഇന്ധന ഉപയോഗ മേഖലയില്‍ ഏറ്റവും പരാശ്രയത്വമുള്ള കേരളത്തില്‍ ആരംഭിക്കാവുന്ന ഹൈഡ്രജന്‍ ഇന്ധന പദ്ധതിക്ക് സംസ്ഥാനത്തിന്റെ നിലപാടുകള്‍കൊണ്ട് ഏറെ കാത്തിരിക്കേണ്ടിവരും.

മലിനീകരണം ഒട്ടുമുണ്ടാക്കാത്ത ഹൈഡ്രജന്‍ ഇന്ധന ഉപയോഗം വന്‍വിപ്ലവമാകും. ബുധനാഴ്ച പ്രവര്‍ത്തനം തുടങ്ങിയ റീഫില്‍ കേന്ദ്രത്തില്‍നിന്ന് എട്ടു മണിക്കൂര്‍കൊണ്ട് 25 ബസ്സുകള്‍ക്ക് ഇന്ധനം നിറയ്ക്കാന്‍ കഴിയും. ഒരു ബസ്സിന് 20 കിലോ ഹൈഡ്രജന്‍ നല്കും. 350 ബാര്‍ മര്‍ദ്ദത്തിലായിരിക്കും ഹൈഡ്രജന്‍. ഹൈ പ്രഷര്‍ കംപ്രസര്‍ സിസ്റ്റം, ഹൈ പ്രഷര്‍ സിലിണ്ടര്‍ സ്റ്റോറേജ്, ഡിസ്പന്‍സര്‍ വിത്ത് ചില്ലേഴ്സ് തുടങ്ങിയ എല്ലാ സുരക്ഷാ സംവിധാനങ്ങളോടും കൂടിയതാണ് റീഫില്‍ യൂണിറ്റുകള്‍. ഏതെങ്കിലും തരത്തില്‍ ചോര്‍ച്ചയോ അഗ്‌നിബാധയോ ഉണ്ടായാല്‍ സംവിധാനം സ്വയം പ്രവര്‍ത്തനം നിര്‍ത്തും. ഇവയുടെ പരിശോധനയും പരീക്ഷണ പ്രവര്‍ത്തനവും മൂന്നുമാസമായി നിരീക്ഷിച്ച് കുറ്റമറ്റ സംവിധാനമെന്ന് ഉറപ്പുവരുത്തിയാണ് അനുമതി നല്കിയതെന്ന് ഡോ. വേണുഗോപാല്‍ പറഞ്ഞു.

    comment

    LATEST NEWS


    വാജ്‌പേയി മന്ത്രി സഭയില്‍ കായിക മന്ത്രിയാകാന്‍ സുഷമ സ്വരാജ് വിളിച്ചു; ഉന്നത പദവി നല്‍കാന്‍ ഉമാഭാരതിയും ക്ഷണിച്ചു


    ഓരോ ഇന്ത്യക്കാരനും പ്രചോദനമാണ് പി ടി ഉഷ : പ്രധാനമന്ത്രി നരേന്ദ്രമോദി


    ചൈനയെ പ്രകോപിപ്പിച്ച് ഇന്ത്യ; ജി20 യോഗം കശ്മീരില്‍ സംഘടിപ്പിക്കുന്നതിനെ ചൈന എതിര്‍ത്തപ്പോള്‍ ലഡാക്കില്‍ കൂടി യോഗം നടത്താന്‍ തീരുമാനിച്ച് ഇന്ത്യ


    പി ടി ഉഷയും ഇളയരാജയും രാജ്യസഭയിലേക്ക്; പി ടി ഉഷ ഓരോ ഇന്ത്യക്കാര്‍ക്കും പ്രചോദനമാണെന്ന് പ്രധാനമന്ത്രി


    മഹുവ-മമത ബന്ധം ഉലയുന്നു;തൃണമൂലിനെ ട്വിറ്ററില്‍ അണ്‍ഫോളോ ചെയ്ത് മഹുവ മൊയ്ത്ര: മഹുവയ്ക്കെതിരെ ബിജെപി കേസ്


    താലിബാനിലുമുണ്ട് സ്വജനപക്ഷപാതം; താലിബാന്‍ കമാന്‍ഡര്‍ സ്വന്തം വധുവിനെ വീട്ടിലെത്തിച്ചത് ഹെലികോപ്റ്ററില്‍; സ്ത്രീധനം നല്‍കിയത് 1.2 കോടി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.