×
login
മതപരിവര്‍ത്തന സമ്മര്‍ദ്ദം: ലാവണ്യ‍യുടെ ആത്മഹത്യയെ അപലപിച്ച് നടന്‍ കമലാഹാസന്‍; പാവം കുട്ടികളെ അടിമയാക്കുന്ന സ്‌കൂളുകള്‍ക്കും വിമര്‍ശനം

തഞ്ചാവൂരിലെ സ്‌കൂള്‍ അധികൃതര്‍ ദരിദ്രകുടുംബത്തിലെ പെണ്‍കുട്ടിയായ ലാവണ്യ മതപരിവര്‍ത്തനത്തിന് നിര്‍ബന്ധിച്ചത് മൂലം ആത്മഹത്യ ചെയ്ത സംഭവത്തെ രൂക്ഷഭാഷയില്‍ വിമര്‍ശിച്ച് നടന്‍ കമലഹാസന്‍. 17 വയസ്സായ ലാവണ്യ ആത്മഹത്യ ചെയ്തതില്‍ വിദ്യാഭ്യാസവകുപ്പും കുറ്റക്കാരാണെന്ന് കമലഹാസന്‍ പറഞ്ഞു.

ചെന്നൈ: തഞ്ചാവൂരിലെ സ്‌കൂള്‍ അധികൃതര്‍ ദരിദ്രകുടുംബത്തിലെ പെണ്‍കുട്ടിയായ ലാവണ്യ മതപരിവര്‍ത്തനത്തിന് നിര്‍ബന്ധിച്ചത് മൂലം ആത്മഹത്യ ചെയ്ത സംഭവത്തെ രൂക്ഷഭാഷയില്‍ വിമര്‍ശിച്ച് നടന്‍ കമലഹാസന്‍. 17 വയസ്സായ ലാവണ്യ ആത്മഹത്യ ചെയ്തതില്‍ വിദ്യാഭ്യാസവകുപ്പും കുറ്റക്കാരാണെന്ന് കമലഹാസന്‍ പറഞ്ഞു.

ബിജെപി അധ്യക്ഷന്‍ അണ്ണാമലൈയുടെ നേതൃത്വത്തില്‍ പൊലീസ് സ്റ്റേഷന്‍ മാര്‍ച്ച് ഉള്‍പ്പെടെ നടത്തിയതോടെ പ്രശ്‌നം തമിഴ്‌നാട്ടില്‍ വന്‍ വിവാദമായിരിക്കുകയാണ്. തന്നെ മതപരിവര്‍ത്തനത്തിന് നിര്‍ബന്ധിച്ചതിനാലാണ് ആത്മഹത്യ ചെയ്തതെന്ന് ലാവണ്യ പറയുന്ന വീഡിയോ വൈറലായതോടെയാണ് പ്രശ്‌നം ചൂടുള്ള വിഷയമായത്.

സര്‍ക്കാര്‍, സര്‍ക്കാര്‍-എയ്ഡഡ്‌സ്‌കൂളിലെ പാവം പിടിച്ച കുട്ടികളെ അടിമകളായി കാണുന്ന പ്രവണത ടീച്ചര്‍മാരില്‍ കൂടിവരുന്നുണ്ട്. ഇങ്ങിനെയൊരു സംഭവം സ്വകാര്യസ്‌കൂളില്‍ സംഭവിച്ചാല്‍ അത് വലിയ വാര്‍ത്തയായി മാറിയേനെ. വിദ്യാഭ്യാസവകുപ്പിലെ ഉന്നതോദ്യോഗസ്ഥരും സ്‌കൂള്‍ ഹെഡ്മാസ്റ്റര്‍മാരും കാണിക്കുന്ന ഉത്തരവാദിത്വമില്ലായ്മയാണ് പ്രശ്‌നങ്ങള്‍ സൃഷ്ടിക്കുന്നത്,- കമല്‍ ഹാസന്‍ പറഞ്ഞു.


പഠിക്കാന്‍ അനുവദിക്കാതെ ഹോസ്റ്റല്‍ വാര്‍ഡന്‍ സഗായമേരി റൂമുകള്‍ വൃത്തിയാക്കാനും കണക്കുകള്‍ നോക്കാനും ഏല്‍പിച്ചതിന്‍റെ അമിത സമ്മര്‍ദ്ദമാണ് തഞ്ചാവൂരിലെ സേക്രഡ് ഹാര്‍ട്ട് സ്‌കൂളിലെ ലാവണ്യയെ സമ്മര്‍ദ്ദത്തിലാക്കിയത്. ഇതുമൂലം പഠനത്തില്‍ പിറകിലായത് കുട്ടിയെ അലട്ടിയിരുന്നു. ലാവണ്യയെ മതപരിവര്‍ത്തനം നടത്താന്‍ സ്‌കൂളിലെ ചിലര്‍ ശ്രമിച്ചതായുള്ള 44 സെക്കന്‍റ് വീഡിയോ പുറത്തുവിട്ടതോടെ ബിജെപിയും വിഎച്ച്പിയും ശക്തമായ പ്രതിഷേധമാണ് നടത്തിക്കൊണ്ടിരിക്കുന്നത്. കേസ് ഇപ്പോള്‍ മദ്രാസ് ഹൈക്കോടതിയുടെ പരിഗണനയിലാണ്. രണ്ട് വര്‍ഷം മുന്‍പ് ഇതേ സ്‌കൂളിലെ ഒരു കന്യാസ്ത്രീ ലാവണ്യയെ മതപരിവര്‍ത്തനത്തിന് പ്രേരിപ്പിക്കുന്ന വീഡിയോയാണ് വിവാദമായത്. ഇതാണ് ലാവണ്യയുടെ മരണകാരണമെന്നാണ് ബിജെപി ആരോപിക്കുന്നത്.

പെണ്‍കുട്ടിയുടെ അവസാന മൊഴിയില്‍ സഗായമേരിയെയും കന്യാസ്ത്രീയെയും കുറ്റപ്പെടുത്തിയിട്ടുണ്ട്. ഇതില്‍ പൊലീസ് സഗായ മേരിയെ അറസ്റ്റ് ചെയ്തിട്ടുണ്ടെങ്കിലും കന്യാസ്ത്രീയെ അറസ്റ്റ് ചെയ്തിട്ടില്ല.

വിദ്യാര്‍ത്ഥികളെ സ്‌കൂളിലേക്കയക്കുന്നത് മതപഠനം നടത്താനോ വീട്ടുവേല ചെയ്യാനോ അല്ല, പഠിക്കാനാണ്. സംസ്ഥാനസര്‍ക്കാര്‍ ഇതിന് പിന്നിലെ സത്യം പുറത്തുകൊണ്ടുവരണം,- കമലഹാസന്‍ ആവശ്യപ്പെട്ടു.

    comment

    LATEST NEWS


    മണ്ണാർക്കാട് ഇരട്ടക്കൊല: 25പ്രതികള്‍ക്കും ജീവപര്യന്തം തടവുശിക്ഷ, 50,000 രൂപ വീതം പിഴയും അടയ്ക്കണം


    ജനകീയ പ്രതിക്ഷേധങ്ങള്‍ക്ക് വിജയം; കെ റെയില്‍ കല്ലിടല്‍ നിര്‍ത്തി; സര്‍വേ ജിപിഎസ് സൗകര്യം ഉപയോഗിച്ച് നടത്തുമെന്ന് സര്‍ക്കാര്‍


    സമയബന്ധിതമായ തെരഞ്ഞെടുപ്പ് പരിഷ്‌ക്കരണങ്ങളും ജനാധിപത്യ മാതൃക ചര്‍ച്ചകളും നടത്തും; 2024ലെ പൊതു തെരഞ്ഞെടുപ്പ് ഒരുക്കങ്ങള്‍ ആരംഭിച്ചു: രാജീവ് കുമാര്‍


    ശക്തമായ മഴ; നിലവില്‍ ഡാമുകള്‍ തുറക്കേണ്ട സാഹചര്യമില്ല; ജനങ്ങള്‍ക്ക് ജാഗ്രത നിര്‍ദേശം; മലയോര മേഖലകളില്‍ ദുരിതാശ്വാസ ക്യാമ്പ് ആരംഭിച്ചു


    സനാതനധര്‍മ്മം ഭാരത സംസ്‌കാരത്തിന്റെ കാതല്‍; ഋഷിവര്യന്മാര്‍ നേടിയെടുത്ത സാംസ്‌കാരിക സവിശേഷതയാണ് ലോകജനതയെ ഇന്ത്യയിലേക്ക് ആകര്‍ഷിക്കുന്നതെന്ന് ഗവര്‍ണര്‍


    അപ്രതീക്ഷിത മഴ കാര്‍ഷിക മേഖലയ്ക്ക് തിരിച്ചടിയായി; കശുവണ്ടി വിലയിടിഞ്ഞു, കാലവര്‍ഷം നേരത്തെ എത്തിയാല്‍ റബ്ബര്‍ കര്‍ഷകര്‍ പ്രതിസന്ധിയിലാവും

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.