×
login
വികസനം തന്നെ ലക്ഷ്യം: ബസവരാജ് ബൊമ്മൈ പ്രധാനമന്ത്രിയുമായി കൂടിക്കാഴ്ച്ച നടത്തി; കര്‍ണാടക‍ത്തെ വികസനത്തിന്റെ കൊടുമുടിയില്‍ എത്തിക്കുമെന്ന് അമിത് ഷാ

കേന്ദ്ര ആഭ്യന്തര മന്ത്രി അമിത് ഷാ, കേന്ദ്ര പ്രതിരോധമന്ത്രി രാജ്‌നാഥ് സിംഗ്്, ലോക്‌സഭാ സ്പീക്കര്‍ ഓം ബിര്‍ള, കേന്ദ്ര മന്ത്രിമാരായ പ്രഹ്ലാദ് ജോഷി, ഗജേന്ദ്ര സിംഗ് ഷെഖാവത്ത്, ബിജെപി ദേശീയ അധ്യക്ഷന്‍ ജെ.പി.നദ്ദ തുടങ്ങിയവരുമായും ബൊമ്മൈ കൂടിക്കാഴ്ച്ച നടത്തി.

ബെംഗളൂരു: രണ്ട് ദിവസത്തെ ദല്‍ഹി സന്ദര്‍ശനത്തിന്റെ ഭാഗമായി കര്‍ണാടക മുഖ്യമന്ത്രി ബസവരാജ് ബൊമ്മൈ പ്രധാനമന്ത്രി നരേന്ദ്രമോദിയുമായും മറ്റ് കേന്ദ്ര മന്ത്രിമാരുമായും കൂടിക്കാഴ്ച്ച നടത്തി. പ്രധാനമന്ത്രിയുടെ വസതിയിലെത്തിയ ബൊമ്മൈ സംസ്ഥാനത്തിന്റെ വികസന കാര്യങ്ങളെക്കുറിച്ച് നരേന്ദ്ര മോദിയുമായി ചര്‍ച്ച നടത്തി. കര്‍ണാടകത്തിന്റെ എല്ലാ വികസനപ്രവര്‍ത്തനങ്ങള്‍ക്കും പ്രധാനമന്ത്രി പൂര്‍ണ്ണ പിന്തുണ ഉറപ്പ് നല്‍കിയിട്ടുണ്ടെന്നും മുഖ്യമന്ത്രി അറിയിച്ചു.  

കേന്ദ്ര ആഭ്യന്തര മന്ത്രി അമിത് ഷാ, കേന്ദ്ര പ്രതിരോധമന്ത്രി രാജ്‌നാഥ് സിംഗ്്, ലോക്‌സഭാ സ്പീക്കര്‍ ഓം ബിര്‍ള, കേന്ദ്ര മന്ത്രിമാരായ പ്രഹ്ലാദ് ജോഷി, ഗജേന്ദ്ര സിംഗ് ഷെഖാവത്ത്, ബിജെപി ദേശീയ അധ്യക്ഷന്‍ ജെ.പി.നദ്ദ തുടങ്ങിയവരുമായും ബൊമ്മൈ കൂടിക്കാഴ്ച്ച നടത്തി.  

ബൊമ്മൈയും അമിതഷായും കര്‍ണാടക മന്ത്രിസഭാ വിപുലീകരണത്തെക്കുറിച്ച് ചര്‍ച്ച ചെയ്തു. ബൊമ്മെയുമായുള്ള കൂടിക്കാഴ്ചയ്ക്ക് ശേഷം അമിത് ഷാ കര്‍ണാടക മുഖ്യമന്ത്രി ബസവരാജ് ബൊമ്മൈയെ കണ്ടുവെന്നും കര്‍ണാടകത്തെ വികസനത്തിന്റെ കൊടുമുടിയില്‍ എത്തിക്കുന്നതില്‍ അദ്ദേഹത്തിനും സംഘത്തിനും എന്റെ ആശംസകള്‍ നേരുന്നതായും ട്വിറ്ററില്‍ കുറിച്ചു.  

രാവിലെ ദല്‍ഹിയിലെത്തിയ ബൊമ്മൈ ആദ്യമായി പ്രതിരോധമന്ത്രി രാജ്‌നാഥ് സിംഗുമായാണ് കൂടിക്കാഴ്ച നടത്തിയത്. ഇരുവരും തമ്മില്‍ സംസ്ഥാനത്തെ വിവിധ കാര്യങ്ങള്‍ ചര്‍ച്ച ചെയ്തു. ചര്‍ച്ചയ്ക്ക് ശേഷം രാജ്നാഥ് സിങ് കര്‍ണാടക മുഖ്യമന്ത്രി ബസവരാജ് ബൊമ്മൈയുമായി കൂടിക്കാഴ്ച നടത്തിയെന്നും, അദ്ദേഹം കര്‍ണാടകത്തില്‍ മികച്ച ഭരണം കാഴ്ച്ച വയ്ക്കുമെന്നും, വിജയകരമായ ഭരണത്തിനായി അദ്ദേഹത്തോട് എന്റെ ആശംസകള്‍ അറിയിച്ചുവെന്നും ട്വീറ്ററില്‍ കുറിച്ചു.  

ശേഷം ലോക്‌സഭാ സ്പീക്കര്‍ ഓം ബിര്‍ള, കേന്ദ്ര മന്ത്രിമാരായ പ്രഹ്ലാദ് ജോഷി, ഗജേന്ദ്ര സിംഗ് ഷെഖാവത്ത് എന്നിവരെയും ബൊമ്മൈ കണ്ടു. കര്‍ണാടകയുടെ പുതിയ മുഖ്യമന്ത്രി ബസവരാജ് ബൊമ്മൈ പാര്‍ലമെന്റ് ഓഫീസ് സന്ദര്‍ശിച്ചുവെന്നും, അദ്ദേഹത്തിന് ലഡ്ഡു നല്‍കിയ ശേഷം ആശംസകള്‍ നേര്‍ന്നുവെന്നും, പിന്നീട് സ്പീക്കറെ കാണാന്‍ അദ്ദേഹത്തെ കൊണ്ടുപോയെന്നും പ്രഹ്ലാദ് ജോഷി ട്വീറ്റ് ചെയ്തു. ശേഷം, ബൊമ്മയും ഗജേന്ദ്ര സിംഗ് ഷെഖാവത്തും തമ്മില്‍ കൂടിക്കാഴ്ച്ച നടത്തി. ഇരുവരും കര്‍ണാടകവുമായി ബന്ധപ്പെട്ട വിവിധ ജല പദ്ധതികളെക്കുറിച്ച് ചര്‍ച്ച ചെയ്തു. കര്‍ണാടക മുഖ്യമന്ത്രിയായി സത്യപ്രതിജ്ഞ ചെയ്ത ശേഷം ഇതാദ്യമായാണ് ബൊമ്മൈ ദല്‍ഹി സന്ദര്‍ശിക്കുന്നത്.

    comment

    LATEST NEWS


    ധീര ഭഗത് സിംഗ് ഓരോ ഭാരതീയന്റെയും ഹൃദയത്തില്‍ ജീവിക്കുന്നു; ഭഗത് സിംഗ് ജയന്തിക്ക് ശ്രദ്ധാഞ്ജലി അര്‍പ്പിച്ച പ്രധാനമന്ത്രി നരേന്ദ്ര മോദി


    കനല്‍തരി കൈവിട്ടപ്പോള്‍ കലിയിളകി സിപിഐ; കമ്മ്യൂണിസ്റ്റ് ആശയങ്ങളെ വഞ്ചിച്ചു; കോണ്‍ഗ്രസില്‍ ചേര്‍ന്ന കനയ്യകുമാര്‍ ചതിയനെന്ന് ജനറല്‍ സെക്രട്ടറി ഡി രാജ


    ഇന്ന് 11,196 പേര്‍ക്ക് കൊറോണ; ആകെ മരണം 24,810 ആയി; അഞ്ചു ജില്ലകളില്‍ പ്രതിദിന രോഗികള്‍ ആയിരത്തിനുമുകളില്‍; 10,506 പേര്‍ക്ക് സമ്പര്‍ക്കത്തിലൂടെ രോഗം


    ചെമ്പോല തിട്ടൂരം: ശബരിമലക്കെതിരെ വാര്‍ത്ത ചമയ്ക്കാന്‍ 24ന്യൂസ് കൂട്ടുപിടിച്ചത് തട്ടിപ്പുകാരനെ; ആധികാരിക രേഖയായി അവതരിപ്പിച്ചത് മോന്‍സന്റെ ചെമ്പ് തകിട്


    മാധുര്യമുള്ള ശബ്ദം ലോകമെമ്പാടും മുഴങ്ങട്ടെ; ആയുര്‍ ആരോഗ്യസൗഖ്യം നേരുന്നു; ലതാ മങ്കേഷ്‌കറിന്റെ ജന്മദിനത്തില്‍ ആശംസ നേര്‍ന്ന് പ്രധാനമന്ത്രി


    അസമിലെ ധല്‍പൂരില്‍ 800 അനധികൃത മുസ്ലിം കുടുംബങ്ങള്‍ കയ്യേറിയത് 1122 ഏക്കര്‍; മറ്റൊരു 800 അനധികൃത മുസ്ലിം കുടുംബങ്ങള്‍ കയ്യേറിയത് 900 ഏക്കര്‍

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.