×
login
അറിവിനേക്കാള്‍ വലുത് മതവസ്ത്രമെന്ന് പെണ്‍കുട്ടികള്‍; ഹൈക്കോടതി ഉത്തരവ് പാലിക്കുമെന്ന് അധ്യാപകരും; പരീക്ഷ ബഹിഷ്‌കരിച്ച് മുസ്ലിം വിദ്യാര്‍ത്ഥിനികള്‍

കുട്ടിക്കാലം മുതലേ ഹിജാബ് ധരിച്ചാണ് വളര്‍ന്നതെന്നും അത് ഉപേക്ഷിക്കാന്‍ കഴിയില്ലെന്നും അതിനാല്‍ പരീക്ഷ എഴുതില്ലെന്നുമാണ് വിദ്യാര്‍ത്ഥിനിയുടെ പ്രതികരണം. വിദ്യാഭ്യാസത്തേക്കാള്‍ താന്‍ പ്രാധാന്യം നല്‍കുന്നത് മതത്തിനാണെന്നും വിദ്യാര്‍ത്ഥിനി പ്രതികരിച്ചു. സമാനമായി ചിക്കമംഗളൂരു ജില്ലയിലെ ഇന്ദവാര ഗ്രാമത്തിലെ ഒരു സര്‍ക്കാര്‍ സ്‌കൂളില്‍ ഹിജാബ് അഴിക്കാന്‍ വിസമ്മതിച്ച മുസ്ലീം പെണ്‍കുട്ടികളെ സ്‌കൂളില്‍ പ്രവേശിപ്പിച്ചില്ല. ഉടന്‍ തന്നെ രക്ഷിതാക്കള്‍ സ്‌കൂളിലെത്തി പ്രതിഷേധം നടത്തിയെങ്കിലും ജില്ലാ പോലീസ് വിഷയത്തില്‍ ഇടപെട്ടു.

ബെംഗളൂരു: വിദ്യാഭ്യാസത്തേക്കാള്‍ വലുതാണ് ഹിജാബെന്ന് മുസ്ലിം വിദ്യാര്‍ത്ഥിനികള്‍. ഹിജാബ് ധരിച്ച് ക്ലാസുകളില്‍ പ്രവേശിക്കരുതെന്ന് അധികൃതര്‍ ആവശ്യപ്പെട്ടതോടെ പരീക്ഷകള്‍ ബഹിഷ്‌കരിച്ച് വിദ്യാര്‍ത്ഥികള്‍ വീടുകളിലേക്ക് മടങ്ങി.ഈ കുട്ടികളുടെ രോഷാകുലരായ രക്ഷിതാക്കള്‍ പോലീസുമായും സ്‌കൂള്‍ അധികൃതരുമായും തര്‍ക്കിക്കുന്നതിന്റെ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിക്കുന്നുണ്ട്. കര്‍ണാടക ഹൈക്കോടതി ഇടക്കാല ഉത്തരവില്‍ എല്ലാ വിദ്യാര്‍ത്ഥികളും മതവസ്ത്രങ്ങള്‍ ക്ലാസ് മുറിക്കുള്ളില്‍ ധരിക്കുന്നത് വിലക്കിയിട്ടുണ്ട്.  

ഈ ഉത്തരവ് നിലനില്‍ക്കെ തിങ്കളാഴ്ച സംസ്ഥാനത്തുടനീളം അടച്ചിട്ട ഹൈസ്‌കൂളുകള്‍ വീണ്ടും തുറന്നിരുന്നു. എന്നാല്‍ ഹൈക്കോടതി ഉത്തരവ് മാനിക്കാതെയാണ് നിരവധി മുസ്ലിം വിദ്യാര്‍ത്ഥിനികള്‍ ക്ലാസ്മുറികളില്‍ പ്രവേശിക്കാനെത്തിയത്. ശിവമോഗയിലെ ഒരു സര്‍ക്കാര്‍ സ്‌കൂളില്‍ ബുര്‍ഖയും ഹിജാബും ധരിച്ച് പരീക്ഷ എഴുതാനെത്തിയ വിദ്യാര്‍ത്ഥിനിയെ ക്ലാസില്‍ പ്രവേശിപ്പിച്ചില്ല. മതവസ്ത്രം അഴിച്ച് യൂണിഫോം ധരിച്ചാല്‍ മാത്രമേ മാതൃക പരീക്ഷ എഴുതാന്‍ അനുവദിക്കൂവെന്ന അധികൃതരുടെ വാദത്തെ വിദ്യാര്‍ത്ഥിനി എതിര്‍ത്തു.  

കുട്ടിക്കാലം മുതലേ ഹിജാബ് ധരിച്ചാണ് വളര്‍ന്നതെന്നും അത് ഉപേക്ഷിക്കാന്‍ കഴിയില്ലെന്നും അതിനാല്‍ പരീക്ഷ എഴുതില്ലെന്നുമാണ് വിദ്യാര്‍ത്ഥിനിയുടെ പ്രതികരണം. വിദ്യാഭ്യാസത്തേക്കാള്‍ താന്‍ പ്രാധാന്യം നല്‍കുന്നത് മതത്തിനാണെന്നും വിദ്യാര്‍ത്ഥിനി പ്രതികരിച്ചു. സമാനമായി ചിക്കമംഗളൂരു ജില്ലയിലെ ഇന്ദവാര ഗ്രാമത്തിലെ ഒരു സര്‍ക്കാര്‍ സ്‌കൂളില്‍ ഹിജാബ് അഴിക്കാന്‍ വിസമ്മതിച്ച മുസ്ലീം പെണ്‍കുട്ടികളെ സ്‌കൂളില്‍ പ്രവേശിപ്പിച്ചില്ല. ഉടന്‍ തന്നെ രക്ഷിതാക്കള്‍ സ്‌കൂളിലെത്തി പ്രതിഷേധം നടത്തിയെങ്കിലും ജില്ലാ പോലീസ് വിഷയത്തില്‍ ഇടപെട്ടു.  


രക്ഷിതാക്കള്‍ ക്യാമ്പസിലേക്ക് അതിക്രമിച്ച് കയറി മുദ്രാവാക്യം വിളിക്കുകയും ഹൈക്കോടതി ഉത്തരവ് രേഖാമൂലം നല്‍കണമെന്ന് ആവശ്യപ്പെടുകയും ചെയ്തു. പ്രതിഷേധം ശക്തമായതോടെ പോലീസ് ഉദ്യോഗസ്ഥര്‍ ഇവരെ ബലം പ്രയോഗിച്ച് സ്‌കൂളില്‍ നിന്നും പറഞ്ഞയക്കുകയായിരുന്നു.  

സ്ഥിതിഗതികള്‍ മനസ്സിലാക്കിയ ശേഷം പ്രിന്‍സിപ്പല്‍ സ്‌കൂളിന് അവധി നല്‍കി. ചിക്കമംഗളൂരു നഗരത്തിലെ മറ്റൊരു സ്ഥാപനത്തില്‍ ഹിജാബ് ധരിച്ച വിദ്യാര്‍ത്ഥികള്‍ക്ക് പ്രവേശനം നിഷേധിച്ചതിനെ തുടര്‍ന്ന് സംഘര്‍ഷാവസ്ഥ നിലനിന്നു. രക്ഷിതാക്കള്‍ സ്‌കൂളില്‍ തടിച്ചുകൂടുകയും കുട്ടികളെ അകത്തേക്ക് കയറ്റാത്തതിന് പ്രതിഷേധിക്കുകയും ചെയ്തു.  

തുമകുരുവിലെ എസ്വിഎസ് സ്‌കൂളില്‍ ഹിജാബ് ധരിച്ചതിന്റെ പേരില്‍ വിദ്യാര്‍ത്ഥികളെ തിരിച്ചയച്ചതിനാല്‍ രക്ഷിതാക്കള്‍ ക്യാമ്പസില്‍ സംഘര്‍ഷാവസ്ഥ സൃഷ്ടിച്ചു. ഹൈക്കോടതി ഉത്തരവുകള്‍ മാനിക്കേണ്ടത് എല്ലാവരുടേയും കടമയാണെന്നും നിയമലംഘകര്‍ക്കെതിരെ നടപടിയുണ്ടാകുമെന്നും വിദ്യാഭ്യാസ മന്ത്രി ബി.സി. നാഗേഷ് മുന്നറിയിപ്പ് നല്‍കി.  

    comment

    LATEST NEWS


    തിരുവനന്തപുരത്ത് സാറ്റ്‌ലൈറ്റ് ഫോണ്‍ സിഗ്‌നലുകള്‍; മുന്നറിയിപ്പ് നല്‍കി കേന്ദ്ര രഹസ്യാന്വേഷണ വിഭാഗം; പോലീസ് അന്വേഷണം തുടങ്ങി


    പൊടുന്നനെ ഹിന്ദുത്വ ആവേശിച്ച് ഉദ്ധവ് താക്കറെ; തിരക്കിട്ട് ഔറംഗബാദിന്‍റെ പേര് സാംബാജി നഗര്‍ എന്നാക്കുന്നതിനെതിരെ സമൂഹമാധ്യമങ്ങളില്‍ ട്രോള്‍


    ഗ്രീന്‍ ടാക്കീസ് ഫിലിം ഇന്റര്‍നാഷണല്‍ 3 സിനിമകളുമായി മലയാളത്തില്‍ ചുവടുറപ്പിക്കുന്നു; പുതിയ ചിത്രം പ്രണയസരോവരതീരം ടൈറ്റില്‍ ലോഞ്ച് ചെയ്തു


    രാജസ്ഥാന്‍ കൊലപാതകം: പ്രതികള്‍ക്ക് രാജ്യാന്തര ബന്ധങ്ങള്‍, പട്ടാപ്പകല്‍ കഴുത്തറുത്ത് കൊലപ്പെടുത്തിയത് ഭീകരത പടര്‍ത്താനെന്ന് അശോക് ഗേഹ്‌ലോട്ട്


    ഉദയ്പൂര്‍ കൊലപാതകം: രാജ്യവ്യാപക പ്രതിഷേധം; ജന്തര്‍മന്ദറിലേക്ക് മാര്‍ച്ച് നടത്തി വിശ്വഹിന്ദു പരിഷത്ത്


    'ജീവന് ഭീഷണിയുണ്ട്', ജാമ്യം തേടി സ്വപ്ന സുരേഷിന്റെ അഭിഭാഷകന്‍ ആര്‍ കൃഷ്ണരാജ് കോടതിയില്‍

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.