×
login
ആക്രി കച്ചവടത്തില്‍ നിന്ന് ബച്ചന്റെ റോള്‍സ് റോയ്‌സ് സ്വന്തമാക്കിയ കെജിഎഫ് ബാബു എന്ന യൂസഫ് ഷെരീഫ്; കര്‍ണാടകയില്‍ മത്സരിക്കുന്ന ഏറ്റവും വലിയ ധനികന്‍

ഷെരീഫിന് ആക്രി കച്ചവടമായിരുന്നു ആദ്യം. അതിന് ശേഷം റിയല്‍ എസ്റ്റേറ്റ് ബിസിനസിലേക്ക് കടക്കുകയായിരുന്നു. 54 കാരനായ ഇദ്ദേഹം പാര്‍ട്ടിയില്‍ വലിയ സ്വാധീനമുള്ള നേതാവാണ്.

ബംഗളൂരു: കര്‍ണാടക  തെരഞ്ഞടുപ്പില്‍ മത്സരിക്കുന്നതില്‍ ഏറ്റവും വലിയ ധനികനായി കോണ്‍ഗ്രസ് സ്ഥാനാര്‍ത്ഥി യൂസഫ് ഷെരീഫ്. 1744 കോടി രൂപയുടെ ആസ്തിയാണ് അദ്ദേഹത്തിന് ഉളളത്. ബിജെപിയുടെ മന്ത്രി എംടിബി നാഗരാജ് ആയിരുന്നു ഇതിന് മുന്‍പ് വരെ ഏറ്റവും ധനികനായ നിയമസഭ അംഗം. അദ്ദേഹത്തിന് 1200 കോടിയുടെ ആസ്തിയായിരുന്നു ഉണ്ടായിരുന്നത്.  ഷെരീഫിന് ആക്രി കച്ചവടമായിരുന്നു ആദ്യം. അതിന് ശേഷം റിയല്‍ എസ്റ്റേറ്റ് ബിസിനസിലേക്ക് കടക്കുകയായിരുന്നു. 54 കാരനായ ഇദ്ദേഹം പാര്‍ട്ടിയില്‍ വലിയ സ്വാധീനമുള്ള നേതാവാണ്. ബാംഗ്ളുരുവിലെ അര്‍ബന്‍ മേഖലയില്‍ നിന്നാണ് ഇദ്ദേഹം മത്സരിക്കുന്നത്.ഇദ്ദേഹം പല പേരുകളില്‍ അറിയപ്പെടുന്നത്.ആക്രി കച്ചവടമായിരുന്നതിനാല്‍ സ്‌ക്രപ് ബാബു, ഗുജാരി ബാബു എന്നിങ്ങനെ  അറിയപ്പെട്ടിരുന്നു. കോലാര്‍ മേഖലയില്‍ നിന്നുളള വ്യക്തിയായതിനാല്‍ കെജിഎഫ് ബാബു എന്ന പേരും ഉണ്ട്.

സത്യവാങ്മൂലപ്രകാരം കോളാര്‍ മേഖലയാണ് സ്വദേശമെന്നും, അഞ്ചാം ക്ലാസ് വരെ സര്‍ക്കാര്‍ സ്‌കൂളില്‍ ആയിരുന്ന വിദ്യാഭ്യാസം,രണ്ടു ഭാര്യമാരും അഞ്ചു മക്കളും ഉണ്ട്. രുക്സാന താജ്, ഷാസിയ താരനും എന്നിങ്ങനെയാണ് ഭാര്യമാരുടെ പേരുകള്‍. 97.98 കോടിയുടെ ജംഗമ വസ്തുക്കളും, 1643.59 കോടിയുടെ മറ്റു വസ്തുക്കളും ഉണ്ട്. ആദ്യ ഭാര്യക്ക് 98.96 കോടിയുടെ ജംഗമവസ്തുക്കളും, 1.30 കോടിയുടെ മറ്റു വസ്തുക്കളും ഉണ്ട്. രണ്ടാം ഭാര്യയ്ക്ക് 32.22 കോടിയുടെ വസ്തുവകകളും ഉണ്ട്.ബാക്കി എല്ലാം മക്കളുടെ പേരിലുമാണ്.67.24 കോടിയുടെ കടവും നിലവില്‍ ഉണ്ട്.16.87 കോടിയുടെ ആസ്തി അക്കൗണ്ടുകളില്‍ ഉണ്ട്.17.61 കോടി രൂപ ബോണ്ടുകളായും, ഭാര്യമാരുടെ പേരില്‍ 16 ലക്ഷവും, 20 ലക്ഷവും വീതം ബാങ്കിലുണ്ട്. മൂന്നു കോടി രൂപയുടെ വാഹനങ്ങളും ഉണ്ട്. 3.85 കോടിയുടെ ആഭരണങ്ങളും മറ്റ് വസ്തുക്കളും ഉണ്ട്. 1.10 കോടിയുടെ വാച്ചും, 4.8 കിലോ സ്വര്‍ണ്ണവും കൃഷിസ്ഥലവും, കൃഷിസ്ഥലമല്ലാത്തവയും ഉണ്ട്.ഇതോടൊപ്പം അമിതാഭ് ബച്ചന്റെ റോള്‍സ്റോയിസ് ഫാന്റം കാര്‍ സ്വന്തമാക്കിയതിയിരുന്നു. എന്നാല്‍ അതിന്റെ കൈമാറ്റരേഖകള്‍ കൃത്യമല്ലാത്തതിനാല്‍ പിടിക്കപ്പെട്ടിരുന്നു. ഇത് വാര്‍ത്തകളില്‍ നിറഞ്ഞിരുന്നു. നാലോളം കേസുകള്‍ അദ്ദേഹത്തിന്റെ പേരില്‍ നിലവില്‍ ഉണ്ട്. അതില്‍ മൂന്നും സ്ഥലവുമായി ബന്ധപ്പെട്ടതാണ്.2016ല്‍ സെന്‍ട്രല്‍ ക്രൈം ബ്രാഞ്ച് അറസ്റ്റ് ചെയതിരുന്നു. സര്‍ക്കാര്‍ ഉദ്യോഗസ്ഥയായ സ്ത്രീയോട് മോശമായിപ്പെരുമാറി എന്നതായിരുന്നു കേസ്. ഇതിനെ ബിജെപി വിമര്‍ശിച്ചിരുന്നു. ഏതുതരം വ്യക്തികളെയാണ് കോണ്‍ഗ്രസ് സ്ഥാനാര്‍ത്ഥികളായി നിയോഗിക്കുന്നത്  എന്ന് ബിജെപി ചോദിച്ചു. 20 പേരുടെ ലിസ്റ്റാണ് കോണ്‍ഗ്രസ് പുറത്ത് വിട്ടിരിക്കുന്നത്. 25 മണ്ഡലങ്ങളിലേക്ക് നടക്കുന്ന തെരഞ്ഞെടുപ്പ് ഡിസംബര്‍ 10ന് നടക്കും. 14ന് ഫലം പ്രഖ്യാപിക്കും.

 

 

 

 

    comment

    LATEST NEWS


    'എല്ലാ ഇസങ്ങള്‍ക്കും അപ്പുറമാണ് ഹ്യൂമനിസം'; സ്വതന്ത്രചിന്തകരുടെ സംഗമത്തിന് ഒരുങ്ങി കൊച്ചി; 'ഐസ്സന്‍ഷ്യ21' ഡിസംബര്‍ 11ന് ടൗണ്‍ഹാളില്‍


    ചൈനയ്ക്ക് വഴങ്ങി ടിം കുക്ക്; രഹസ്യമായി ഒപ്പിട്ടത് 275 ബില്ല്യന്‍ ഡോളറിന്റെ കരാര്‍; ഉദ്യോഗസ്ഥരെ സ്വാധീനിക്കാനുള്ള ശ്രമം പാളിയെന്ന് ആരോപണം


    'നരകത്തില്‍ പ്രവേശിക്കും മുമ്പ് ജീവനോടെ എരിഞ്ഞെന്ന്' ബിപിന്‍ റാവത്തിന്‍റെ മരണത്തില്‍ ആഹ്ലാദ ട്വീറ്റ്; ആഘോഷിച്ച 21കാരന്‍ ജവാദ് ഖാന്‍ അറസ്റ്റില്‍


    ഇന്ന് 4169 പേര്‍ക്ക് കൊറോണ; ആകെ മരണം 42,239 ആയി; 3912 പേര്‍ക്ക് സമ്പര്‍ക്കത്തിലൂടെ രോഗം; 4357 പേര്‍ക്ക് രോഗമുക്തി


    പുതു ചരിത്രത്തിനൊരുങ്ങി ഭാരതം; 'ഗഗന്‍യാന്‍' 2023 ല്‍ വിക്ഷേപിക്കും; ഇന്ത്യയുടെ ആദ്യ ബഹിരാകാശ മനുഷ്യ ദൗത്യത്തിന് തയ്യാറെടുത്ത് ശാസ്ത്രജ്ഞര്‍


    വിവാദങ്ങളുമായി ആഷസ് ഒന്നാം ക്രിക്കറ്റ് ടെസ്റ്റ്; 14 നോബോള്‍ എറിഞ്ഞ് സ്റ്റോക്‌സ്; അമ്പയര്‍ വിളിച്ചത് രണ്ടെണ്ണം മാത്രം; വിമര്‍ശനവുമായി ഓസീസ് ആരാധകര്‍

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.